17-Nov-2023

ସୋନପୁର(ମନୋରଞ୍ଜନ ତ୍ରିପାଠୀ ):  ସୋନପୁର ବାଲାଙ୍ଗିର ଅଞ୍ଚଳର ଜଣାଶୁଣା ଶିକ୍ଷାବିତ ସ୍ବର୍ଗତ ବୀରେନ୍ଦ୍ର ମିଶ୍ର ଙ୍କ ଦ୍ୱାଦଶାହ କାର୍ଯ୍ୟ ଆଜି ସ୍ଥାନୀୟ  ଦଶମତୀ ରେସିଡେନ୍ସି  ଠାରେ ପାଳିତ ହୋଇ ଯାଇଛି l ଉପସ୍ଥିତ ଜ୍ଞାତି କୁଟୁମ୍ବ ଓ ନିମନ୍ତ୍ରିତ ଆତ୍ମୀୟ ସ୍ୱଜନ ତଥା ଏକ ମାତ୍ର  ଜାମତା କଲିକତା ଉଚ୍ଚ ନ୍ୟାୟଳୟର ନ୍ୟାୟଧିଶ  ଚିତ୍ତରଞ୍ଜନ ଦାଶ ସପତ୍ନୀକ ଶ୍ରଦ୍ଧା ସୁମନ ଅର୍ପଣ କରିଥିଲେ l ଏହି ଅବସରରେ ପୁରୀ ଜଗନ୍ନାଥ ଠାକୁରଙ୍କ ଟଙ୍କ ତୋରାଣି ଓ ମହା ପ୍ରସାଦ ସମସ୍ତଙ୍କୁ ବଣ୍ଟନ କରାଯାଇଥିଲା l ଏବଂ ସମସ୍ତ ଙ୍କୁ ସ୍ୱାଦିଷ୍ଟ ଭୋଜନ ରେ ଆପ୍ୟାୟିତ ପୂର୍ବକ ଶ୍ରୀ ମିଶ୍ର ଙ୍କ ଆତ୍ମା ର ସଦଗତି କାମନା କରାଯାଇଥିଲା l ପଣ୍ଡିତ ଶିବ ନାରାୟଣ ପୂଜାରୀଙ୍କ ଦ୍ୱାରା ବେଦ ପଠନ ସହିତ ଜଷ୍ଟିସ ଶ୍ରୀ ଦାଶଙ୍କ ଅତିଥି ଚର୍ଯ୍ୟା ସମସ୍ତ ଙ୍କୁ ବିମୁଗ୍ଧ କରିଥିଲା l ଏଥିରେ ସୋନପୁର ର ଅବସରପ୍ରାପ୍ତ ଅତିରିକ୍ତ ଜିଲ୍ଲା ଦୌରା ଜଜ ତଥା ବୌଦ୍ଧ ଜିଲ୍ଲା  ବିଚାରପତି ସୁଶ୍ରୀ ପ୍ରତିମା ପଣ୍ଡାଙ୍କ ସମେତ ସୁବର୍ଣ୍ଣପୁର ଏ ଡି ଏମ ସୂର୍ଯ୍ୟ ନାରାୟଣ ଦାଶ, ଅତିରିକ୍ତ ଏସପି ହେମନ୍ତ ପାଢ଼ୀ ଆଦି କଟକ ଓ କଲିକତା ଉଚ୍ଚ ନ୍ୟାୟାଳୟର ଆଇନଜୀବୀ, ପ୍ରଶାସନିକ ଅଧିକାରୀ ଓ ବହୁ ମାନ୍ୟଗଣ୍ୟ ବ୍ୟକ୍ତି ଶ୍ରଦ୍ଧା ସୁମନ ଅର୍ପଣ କରି  ଅମର ଆତ୍ମା ର ସଦଗତି କାମନା ଓ  ଶୋକ ସନ୍ତପ୍ତ ପରିବାର କୁ ସମବେଦନା ଜଣାଇଥିଲେ l ସମାଜସେବୀ ବୈକୁଣ୍ଠ ଶତପଥୀ, ଶ୍ରୀବତ୍ସ ମଲ୍ଲିକ, ଶୈଳେନ୍ଦ୍ର ସାହୁ, ସତ୍ୟ ନାରାୟଣ ତ୍ରିପାଠୀ, ସୁଶ୍ରୀ ରଶ୍ମି ସାହୁ, ମନୋରଞ୍ଜନ ତ୍ରିପାଠୀ, ବୁଲୁ ନେଗୀ,  ମନୋଜ ପଣ୍ଡା, ଆଇନଜୀବୀ ପ୍ରଦୀପ ପୁରୋହିତ, ସହଯୋଗ କରିଥିଲେ l