16-Nov-2023

ବଲାଙ୍ଗୀର(ପ୍ରେରଣା ଖବର )' ବାସ୍ତବ ରେ ଦର୍ଶନ ତତ୍ତ୍ଵ ଏବଂ ଦାର୍ଶନିକ ଶିକ୍ଷା ଯୁଗେ ଯୁଗେ ଦୈନିକ ଜୀବନରେ ବ୍ୟକ୍ତି ଓ ସମାଜର ନୈତିକ ଆଲୋକ ବର୍ତ୍ତିକା ସଦୃଶ କାମ କରିଥାଏ। ପ୍ରତିବର୍ଷ ଏହିଦିବସକୁ ପାଳନ କରି ଶିକ୍ଷାବିତ୍ ଓ ଶିକ୍ଷାନୁଷ୍ଠାନ ଗୁଡିକ ଦର୍ଶନର ବ୍ୟବହାରିକ ଓ ଯୁଗୋପୋଯୋଗି ତଥ୍ୟ ମାନ ପ୍ରଦାନ କରିଥାନ୍ତି। ବାସ୍ତବରେ ଦାର୍ଶନିକ ତଥ୍ୟ ସଦା ସର୍ବଦା ସତ୍ୟ ଓ ପରିମାର୍ଜିତ ଜ୍ଞାନ ଉପରେ ପର୍ଯ୍ୟବେସିତ‌ ସାମାଜିକ, ବୈଜ୍ଞାନିକ, ଏବଂ କଳାକୌଶଳ ସମୂହର ଅତିନ୍ଦ୍ରିୟ ଜ୍ଞାନ ଅଟେ। ଏହି ତଥ୍ଯ କୁ ଆହାର କରି ମିଳିତ ଜାତିସଂଘ ତରଫରୁ ୨୦୦୨ ମସିହାଠାରୁ ବିଶ୍ଵ ଦର୍ଶନ ଦିବସ ପାଳିତ ହୋଇ ଆସୁଅଛି। ଏହି ପରିପ୍ରେକ୍ଷୀରେ ରେ ୧୬‌ ନଭେମ୍ବର ୨୦୨୩ ଦିନ ରାଜେନ୍ଦ୍ର ବିଶ୍ଵବିଦ୍ୟାଳୟର  ସ୍ନା୍ତକୋତ୍ତର ଦର୍ଶନ ବିଭାଗ ତରଫରୁ ଏକ ଜାତୀୟ ପାଠଚକ୍ର ଆୟୋଜିତ ହୋଯାଇଅଛି। ଏହି ପାଠଚକ୍ରରେ ବିଶ୍ଵବିଦ୍ୟାଳୟର କୁଳପତି ପ୍ରଫେସର ଉମା ବଲ୍ଲଭ ମହାପାତ୍ର ମୁଖ୍ୟ ଅତିିଥି ଭାବେ ଯୋଗ ଦେଇଥିଲେ। ଆଇ.ଆଇ.ଟି ଧନବାଦ୍ ର ପ୍ରଫେସର ଅଜିତ କୁମାର ବେହୁରା ନିଜର ସାରଗର୍ଭକ ଅଭିଭାଷଣରେ ମୁଖ୍ୟତଃ ସେ ବିଜ୍ଞାନ ଓ ଯାନ୍ତ୍ରିକ କୌଶଳ ସହର ଦର୍ଶନ ପ୍ରାସଙ୍ଗିକତା ବିଷୟରେ ଆଲୋଚନା କରିଥିଲେ। ଆଇ.ଆଇ.ଟି ଭୁବନେଶ୍ବରର ପ୍ରଫେସର ରିଚା ଶୁକ୍ଳା  ଅନେକାର୍ଥତାରେ ଦାର୍ଶନିକ ପ୍ରସଙ୍ଗରେ ଆଲୋଚନା କରିଥିଲେ। ସଭାର ପରବର୍ତ୍ତୀ ବକ୍ତା ହିସାବରେ ବିଭାଗୀୟ ମୁଖ୍ୟ ତଥା ବିଶ୍ଵବିଦ୍ୟାଳୟର ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରାଧ୍ୟାପକ ରାଜ କିଶୋର ପାତ୍ର ଏ.ଆଇ ବୁଦ୍ଧିମତା‌ ସଚେତନଶୀଳତା ଏବଂ ନୈତିକତା ଶୀର୍ଷକ ଉପରେ ଆଲୋଚନା କରିଥିଲେ। ଏଥିରେ ଦର୍ଶନ ବିଭାଗର ଅଧ୍ୟାପକ ଓ ଅଧ୍ୟାପିକା ଶ୍ରୀ ଜେଭିୟର ଖେସ,  ବଂଶୀଧର ଦୀପ, ଡ଼‌ ପଙ୍କୋଞ୍ଜିନୀ ମୂଳିଆ ଯୋଗ ଦେଇଥିଲେ। ବିଶ୍ବବିଦ୍ୟାଳୟର ଅନ୍ୟ ବିଭାଗର‌ ଅଧ୍ୟାପକ ଓ ଅଧ୍ୟାପିକା ଓ ବିଭାଗୀୟ  ଛାତ୍ରଛାତ୍ରୀମାନେ ଉପସ୍ଥିତ‌ ରହି ବକ୍ତା ମାନଙ୍କ ସହ ମତ ବିନିମୟ କରିଥିଲେ। ପରିଶେଷରେ ବିଭାଗୀୟ ପ୍ରାଧ୍ୟାପକ ବଂଶୀଧର ଦୀପ ଧନ୍ୟବାଦ ଅର୍ପଣ କରିଥିଲେ।