16-Nov-2023

ବଲାଙ୍ଗିର (ସନ୍ତୋଷ କୁମାର ଠାକୁର ): ଜିଲ୍ଲା ସଦରମହକୁମା ସ୍ଥିତ କୋଶଳ କଳା ମଣ୍ଡପ ଠାରେ ମହାଆଡମ୍ବର ଅନୁଷ୍ଠିତ ହେଇଛି ‘ମତ୍ସ୍ୟ ଓ ପ୍ରାଣୀ ସମ୍ପଦ ମେଳା’ ଆଜିର ଏହି ଉଦ୍ଦଘାଟନ ଉତ୍ସବରେ ଜଳ ସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ, ବଲାଙ୍ଗୀର ବିଧାୟକ ଶ୍ରୀ ନରସିଂହ ମିଶ୍ର, ଜିଲ୍ଲା ପରିଷଦ ଅଧ୍ୟକ୍ଷା  ଦେବକୀ ସାହୁ, ଜିଲ୍ଲାପାଳ ଶ୍ରୀ ଚଞ୍ଚଲ ରାଣା, ବି.କେ.ଏନ., ଦୁଗ୍ଧ ସଂଘ ଅଧ୍ୟକ୍ଷା  ଶ୍ରୀମତୀ ସୀମା ପଟେଲ, ଅତିରିକ୍ତ ନିର୍ଦ୍ଦେଶକ, ପ୍ରାଣୀ ଚିକିତ୍ସା ଓ ପ୍ରାଣୀ ପାଳନ ନିର୍ଦ୍ଦେଶାଳୟ ଜଗନ୍ନାଥ ନନ୍ଦ, ପ୍ରମୁଖ ଯୋଗଦାନ ଦେଇ ଥିଲେ । ଉଦଘାଟନ ଉତ୍ସବ ଅତ୍ୟନ୍ତ ଆକର୍ଷଣୀୟ ଆୟୋଜିତ ହୋଇଥିଲା । ‘ମତ୍ସ୍ୟ ଓ ପ୍ରାଣୀ ସମ୍ପଦ ମେଳା’ ରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଭିଡିଓ ବାର୍ତ୍ତା ପ୍ରଦର୍ଶନ କରାଯାଇଥିଲା । ସଫଳ

ମତ୍ସ୍ୟ ଚାଷୀ ତଥା ମତ୍ସ୍ୟ ଚାଷ ସମ୍ପର୍କିତ ଭିଡିଓ ପ୍ରଦର୍ଶନ, ପ୍ରାଣୀ ସମ୍ପଦ ବିକାଶର ସଫଳ କାହାଣୀ ଭିଡିଓ ପ୍ରଦର୍ଶନ ତଥା ଉପସ୍ଥିତ ଥିବା ଜନସାଧାରଣଙ୍କୁ ସଫଳ ଚାଷୀ ଓ ଉଦ୍ୟେଗୀ ମାନେ ନିଜ ନିଜ ଅନୁଭୂତି ଜଣାଇଥିଲେ । ନଭେମ୍ବର ୧୬ ଓ ୧୭ ତାରିଖରେ ଦୁଇ ଦିନ ଧରି ଏହି ମେଳା ଅନୁଷ୍ଠିତ ହେବ । ଏହି ମେଳା ମାଧ୍ୟମରେ ଚାଷୀ ମାନେ ବୈଜ୍ଞାନିକ ଚାଷ ସମ୍ପର୍କିତ ଆଲୋଚନାଚକ୍ରରେ ଭାଗ ନେଇ ଉନ୍ନତଧରଣର ମତ୍ସ୍ୟ ଚାଷ ଓ ପ୍ରାଣୀ ସମ୍ପଦ ବିକାଶ, ସରକାରଙ୍କ ଦ୍ଵାରା ପ୍ରଦାନ କରାଯାଉଥିବା ବିଭିନ୍ନ ପଶୁ ପାଳନ ବିଷୟରେ ପୁଙ୍ଖାନୁପୁଙ୍ଗ ଭାବେ ଜାଣିପାରିବେ । ଏହି କାର୍ଯ୍ୟକ୍ରମରେ ପଶୁ , ମତ୍ସ୍ୟ ସମ୍ପଦ ତଥା କୃଷି ,ବିଭିନ୍ନ ବ୍ୟାଙ୍କ ଅଧିକାରୀ, ଜିଲ୍ଲାସ୍ତରୀୟ ଅଧିକାରୀ ଯୋଗଦାନ ଦେଇଥିଲେ ।