14-Nov-2023

ବଲାଙ୍ଗିର(ପ୍ରେରଣା ଖବର ): ସ୍ଥାନୀୟ ଜେଏସ୍‌ଏମ୍ କମର୍ସ କଲେଜ ପକ୍ଷରୁ ଆଜି କଲେଜ ପରିସରରେ ଶିଶୁ ଦିିବସ ପାଳିତ ହୋଇଯାଇଛି ।  କଲେଜର ଚେୟାରପର୍ସନ ସୁମନ ଶର୍ମାଙ୍କ  ପୌରହିତ୍ୟରେ ଅନୁଷ୍ଠିତ ଏହି ଉତ୍ସବରେ ବରେଣ୍ୟ ଅତିଥି ଭାବରେ ସାପ୍ତାହିକ ‘ପ୍ରେରଣା’ର ସଂପାଦକ ରଘୁ ନନ୍ଦନ ସିଂହ ଓ ‘ଆଞ୍ଚଳିକ ସମ୍ବାଦ’ର ସଂପାଦକ ସନ୍ଦୀପ କୁମାର କୁଅଁର ଓ 

କଲେଜର ନିର୍ଦ୍ଦେଶକ ସିଏ ଶ୍ରୀକାନ୍ତ ଶର୍ମା ଓ ଅଧ୍ୟାପିକା ଭୂମିକା ଜୈନ ପ୍ରମୁଖ ଯୋଗ ଦେଇ ପ୍ରଥମେ ଜବାହାରଲାଲ ନେହେରୁଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହ ଛାତ୍ରଛାତ୍ରୀ ମାନଙ୍କ ଉଦ୍ଦେଶ୍ୟରେ ନିଜର ବକ୍ତବ୍ୟ ପ୍ରଦାନ କରିଥିଲେ । ଏକାଗ୍ରତା ଓ ଅଧ୍ୟାବସାୟ ବଳରେ ଛାତ୍ରଛାତ୍ରୀ ମାନେ ସଫଳତା ପାଇପାରିବେ ବୋଲି ଅତିଥି ମାନେ ଛାତ୍ରଛାତ୍ରୀ ମାନଙ୍କୁ ବୁଝାଇ ଥିଲେ ।  ସୁପ୍ରିୟା ମହାପାତ୍ର ସଭାକୁ ସଂଯୋଜନା କରିଥିଲେ ।  ଜେଏସ୍‌ଏମ୍ କଲେଜ ମେନେଜିଙ୍ଗ କମିଟିର ସଭ୍ୟ ମନୋରଂଜନ ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ l

ଏହି ଅବସରରେ କଲେଜର ଛାତ୍ରଛାତ୍ରୀ ମାନଙ୍କ ଦ୍ୱାରା ନାଚ ଓ ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ଆସନ୍ତା ୧୮ ତାରିଖ ଜେଏସ୍‌ଏମ୍ କଲେଜର ପ୍ରତିଷ୍ଠା ଦିବସରେ ପୁରସ୍କୃତ କରାଯିବ ବୋଲି କଲେଜ ପକ୍ଷରୁ କୁହାଯାଇଛି । ଏହି ଉତ୍ସବରେ କଲେଜର ସମସ୍ତ ଛାତ୍ରଛାତ୍ରୀ ଓ କର୍ମଚାରୀ ଉପସ୍ଥିତ ଥିଲେ ।