14-Nov-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ କଇଁଫୁଲ ଗ୍ରାମରେ ଘଟିଛି ଏକ ଅଘଟଣ । ଏକ ଖୋଲା ଡିପ ବୋରୱେଲରେ ଖସି ପଡି ଜଣେ ବୃଦ୍ଧା ଙ୍କ ମୃତ୍ୟୁ ଘଟିଛି । ମୃତ ବୃଦ୍ଧା ଜଣକ ହେଲେ ଗୋବିନ୍ଦପୁର ଗ୍ରାମ ର ଦୁଃଖୀ ନେଗୀ (୭୦)। ସୂଚନା ଅନୁଯାଇ ମୃତକ ଜଣକ ନିଜ ଝିଅ ଘର ମୟୂରୁଉଡାନ ପଂଚାୟତ ର କଇଁପୁଲ ଗ୍ରାମ ନିକଟସ୍ଥ କସୁରପାଲି ଗ୍ରାମ କୁ ଗତ ୨ମାସ ହେଲା ଆସିଥିଲେ । ତେବେ ଗତକାଲି ସକାଳ ପ୍ରାୟ ୮ଟା ରେ ବୃଦ୍ଧା ମହିଳା ଜଣକ କଇଁପୁଲ ଗ୍ରାମ ରେ ଥିବା ଏକ ବିଲ କୁ ଝାଡୁ ତିଆରି କରିବାକୁ ବେନା କlଟିବା କୁ ଯାଇ ଆଉ ଫେରି ନ ଥିଲେ । ବହୁ ଖୋଜାଖୋଜି ପରେ ସେଠାରେ ଥିବା ଏକ ବୋରୱେଲ ନିକଟ ରେ ଏକ ଦା ଏବଂ ବେନା ଗୋଛା ପଡିଥିବା ଦେଖି ବୋରୱେଲରେ ଖସି ପଡିଥିବା ପରିବାର ଲୋକ ଜାଣିଥିଲେ । ଆଜି ସକାଳୁ ଖବର ପାଇ ସଙ୍ଗେ ସଙ୍ଗେ ସୋନପୁର ବିଡ଼ିଓ ସୌମ୍ୟ ରଞ୍ଜନ ସ୍ୱାଇଁ ପହଂଚିଥିଲେ l ଓ ବ୍ଲକ ପ୍ରଶାସନ, ପୁଲିସ, ଅଗ୍ନିଶମ ବିଭାଗ ଏବଂ ଓଡ୍ରାଫ୍ଟ ଟିମ ସହାୟତା ରେ ପ୍ରଥମେ ଅକ୍ସିଜେନ ଦିଆଯିବା ସହ ୨୦ ଫୁଟ ତଳେ ଥିବା ବୃଦ୍ଧା ଙ୍କୁ ୩ ଘଣ୍ଟା ପରେ ଉଦ୍ଧାର କରାଯାଇ ମୁର୍ମୁଷ ଅବସ୍ଥାରେ

ସୋନପୁର ଡାକ୍ତରଖାନା ଅଣାଯାଇଥିଲା । ତେବେ ଡାକ୍ତରଖାନାରେ ତାଙ୍କୁ ମୃତ୍ୟୁ ଘୋଷଣା କରାଯାଇଛି । ତେବେ ଏଭଳି ଏକ ଅଭାବନୀୟ ଘଟଣା କୁ ନେଇ ଅଞ୍ଚଳରେ ଚର୍ଚ୍ଚା ର ବିଷୟ ପାଲଟି ଥିବା ବେଳେ ଘଟଣା ର ଖବର ପାଇ ସ୍ୱାସ୍ଥ୍ୟ ମନ୍ତ୍ରୀ ନିରଞ୍ଜନ ପୂଜାରୀ ଘଟଣା ସ୍ଥଳରେ ପହଞ୍ଚି ପରିବାର ଲୋକ, ପ୍ରଶାସନ ସହିତ ଆଲୋଚନା କରି ବ୍ୟକ୍ତି ଗତ ଭାବେ ଆର୍ଥିକ ସହାୟତା କରି ଛନ୍ତି l ମନ୍ତ୍ରୀ ଶ୍ରୀ ପୂଜାରୀ ଏବଂ ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ଘଟଣା ସ୍ଥଳରେ ଉପସ୍ଥିତ ରହି ସମଗ୍ର କର୍ଯ୍ୟ ର ତର୍ଜମା କରୁ ଥିବା ଦେଖା ଯାଇଥିଵା ବେଳେ ପୋଲିସ ପକ୍ଷରୁ ଘଟଣା ର ତଦନ୍ତ ଆରମ୍ଭ କରାଯାଇଛି । ଜିଲ୍ଲା ରେଡ଼କ୍ରସ ପାଣ୍ଠି ରୁ ଦଶ ହଜାର ଟଙ୍କା ସହାୟତା କରାଯାଇଥିବା ବେଳେ ମୁଖ୍ୟ ମନ୍ତ୍ରୀ ଙ୍କ ରିଲିଫ ପାଣ୍ଠି ରୁ ଆର୍ଥିକ ସହାୟତା ପାଇଁ ବ୍ଲକ ଓ ଜିଲ୍ଲା ପ୍ରଶାସନ ରୁ ତୁରନ୍ତ ଫାଇଲ ପ୍ରୋସେସ କରାଯାଇଥିବା ବିଷୟ ଆଜି ବିଡ଼ିଓ ଶ୍ରୀ ସ୍ୱାଇଁ ମିଡ଼ିଆ କୁ ସୂଚନା ଦେଇଛନ୍ତି l