13-Nov-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଝରଣୀପାଲି ଫୁଟବଲ ଆସୋସିଏସନ ଆନୁକୁଲ୍ୟରେ  ୩୦ତମ ଫୁଟବଲ୍ ଟୁର୍ଣ୍ଣlମେଣ୍ଟ ଅନୁଷ୍ଠିତ ହୋଇଯାଇଛି l ଉକ୍ତ ଟୁର୍ନାମେଣ୍ଟ ରେ ମୋଟ ୮ ଟି ଦଳ ଅଂଗ୍ରହଣ କରିଥିଲେ l ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀମତୀ ସୁନୀତା ସାହୁ ,ପୂର୍ବତନ ସରପଞ୍ଚ ସୁଜିତ କୁମାର ସାହୁ ଓ ଜଳନ୍ଧର ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଶ୍ରୀମାନ କିଶୋର ଠାକୁର ଯୋଗ ଦେଇଥିଲେ l ଜେପିଏସଏ ର ସମସ୍ତ ସଦସ୍ୟ ସକ୍ରିୟ ଯୋଗଦାନ କରିଥିଲେ l ଖେଳ ପରିଚାଳନା କରିଥିଲେ ଶ୍ରୀମାନ ସୁଧାଂଶୁ ସେଠ, ରଘୁନାଥ ସେଠ ଓ ସୁରେଶ ନାଏକ l ଫାଇନାଲ ମ୍ୟାଚ କୁସମେଲ ଓ ତେନ୍ତୁଳୀଖୁଣ୍ଟି ମଧ୍ୟରେ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ବିଜେଡି ରାଜ୍ୟପରିଷଦ ସଭ୍ୟ ନିହାର ରଞ୍ଜନ ବେହେରା ଯୋଗଦେଇ ବିଜେତା କୁସମେଲ ଓ ରନରସ୍ ଅଫ ତେନ୍ତୁଳିଖୁଣ୍ଟି ଦଳକୁ ଟ୍ରଫି ଓ ମାନପତ୍ର ପ୍ରଦାନ କରିଥିଲେ l କୁଶମେଲ ଦଳ ତେନ୍ତୁଲିଖୁଟି ଦଳକୁ(୧.୦) ଗୋଲ ଦେଇ ବୀଜୟୀ ହୋଇଥିଲେ l ସ୍ଥାନୀୟ ଉଚ୍ଚ ବିଦ୍ୟାଲୟ ର କ୍ରିଡ଼ା ଶିକ୍ଷକ ଶ୍ରୀମାନ ସତ୍ୟନାରାୟଣ ସାହୁ ଓ ଜେପିଏସଏ  ର ସକ୍ରିୟ ସଦସ୍ୟ ଅଚ୍ୟୁତ କୁମ୍ଭାର, ସୁଶାନ୍ତ ସାହୁ, ସୁକେଶ ଥପ୍ପା, ଘନଶ୍ୟାମ ପଧାନ, ମଦନ ସାହୁ ଙ୍କ ପ୍ରତ୍ୟକ୍ଷ ତତ୍ଵାବଧାନରେ ଖେଳ ଅନଷ୍ଠିତ ହୋଇଥିଲା l ପ୍ରତ୍ୟେକ ଦିନ ର ଧାରାବିବରଣୀ ପ୍ରଦାନ କରିଥିଲେ ବିଜ୍ଞାନ ଶିକ୍ଷକ ଶ୍ରୀମାନ ମନୋରଞ୍ଜନ ସାହୁ ଓ ଶ୍ରୀମାନ କିଶୋର କୁମାର ଠାକୁର l ପରିଶେଷରେ ଶ୍ରୀମାନ ସତ୍ୟନାରାୟଣ ସାହୁ ଧନ୍ୟବାଦ୍ ଅର୍ପଣ କରିଥିଲେ l