04-Oct-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ): ସୁବର୍ଣ୍ଣପୁର ସହର ସ୍ଥାନୀୟ ପଟାଭାଡ଼ିଠାରେ ଗଢି ଉଠିଥିବା କୋଶଳ ଉଚ୍ଚ ବିଦ୍ୟାଳୟ ପରିସରରେ ଆଜି ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ସମାରୋହ ପାଳିତ ହେବା ସଙ୍ଗେ ବିଦ୍ୟାଳୟର ଛାତ୍ରଛାତ୍ରୀ ଓ କର୍ମଚାରୀଙ୍କ ସମେତ ସ୍ୱଚ୍ଛ ଭାରତ ସଂଗଠନର ମିଳିତ ଆନୁକୂଲ୍ୟରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ  ହୋଇଥିଲା l ପ୍ରଥମେ    ସର୍ବ ଧର୍ମ ପ୍ରାର୍ଥନା  ହୋଇଥିଲା l  ଏକ ସଭାକାର୍ଯ୍ୟ କରାଯାଇଥିଲା ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲପାଳ ଶ୍ରୀମତୀ ଅଞ୍ଜଳୀନା ପ୍ରଧାନ ଉପସ୍ଥିତ ରହି ଗାନ୍ଧୀ ଓ ଶାସ୍ତ୍ରୀଙ୍କ ଜୀବନୀ ଉପରେ  ବକ୍ତବ୍ୟ ରଖି ଶିଶୁଙ୍କୁ ଦିଗଦର୍ଶନ ଦେଇଥିଲେ | ଠିକ ସେହିପରି ସମ୍ମାନିତ ଅତିଥି ଭାବରେ ଜିଲ୍ଲା ସଂକୃତି ଅଧିକାରୀ ଯମୁନା ପଧାନ,ଜିଲ୍ଲା କ୍ରୀଡା ନିରୀକ୍ଷକ ଶ୍ରୀଯୁକ୍ତ ସତ୍ୟନାରାୟଣ ତ୍ରିପାଠୀ ଓ ସ୍ୱଚ୍ଛଭାରତ ଭାରତ ସଂଗଠନ ର ସଂଯୋଜକ ଶ୍ରୀଯୁକ୍ତ ମନୋରଞ୍ଜନ ତ୍ରିପାଠୀ ପ୍ରମୁଖ ଉପସ୍ଥିତ ରହି ଗାନ୍ଧୀ ଙ୍କ ଭିଭିନ୍ନ  ନୀତି  ବାଣୀ ପ୍ରଦାନ କରି ମହାନ ଆତ୍ମା ଉଭୟଙ୍କ କାର୍ଯ୍ୟପନ୍ଥା କୁ ଅବଲମ୍ବନ କରିବା ପାଇଁ କହିଥିଲେ | ସଭା କାର୍ଯ୍ୟ ରମ୍ଭରେ ବିଦ୍ୟାଳୟର ସମ୍ପାଦକ ଶ୍ରୀଯୁକ୍ତ ସଞ୍ଜୟ କୁମାର ସାହୁ ଅତିଥିଙ୍କ ଉଦ୍ଧେଶ୍ୟରେ ସ୍ୱାଗତ ଅଭିଭାଷଣ ରଖିଥିଲେ ଏବଂ ସ୍ୱଚ୍ଛ ଭାରତ ସଂଗଠନର ପ୍ରମୁଖ କାର୍ଯ୍ୟକର୍ତ୍ତା ଶ୍ରୀମତୀ ଇନ୍ଦୁମତି ପୁରୋହିତ ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ | ତାପରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ସମସ୍ତେ ସାମିଲ ହୋଇ ଏହି କାର୍ଯ୍ୟକ୍ରମ କରି ବେଶ ଆନନ୍ଦିତ ହୋଇଥିଲା | ଶ୍ରୀଯୁକ୍ତ ମନୋଜ ପଣ୍ଡା, ସଂଗୀତା ପଧାନ, ସ୍ମିତାରାଣୀ ନାୟକ, ଅବିନାଶ ନାଏକ, ରୀନା ବୁଡ଼େକ ମଳୟ ଛନ୍ଦ ତଥା ବିଦ୍ୟାଳୟର ଜୁନିୟର ରେଡ କ୍ରସ ଦଳ ଓ ସ୍କାଉଟ ଗାଇଡ଼ ଦଳ ମିଶି ସ୍ୱଚ୍ଛତା କାର୍ଯ୍ୟକ୍ରମ କରିଥିଲେ |