03-Oct-2023

ବୀରମହାରାଜପୁର,  (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା - କଦଳିଗଡ ମୁଖ୍ୟ ରାସ୍ତା  ଆମ୍ବଝରି ଛକରୁ  ଗଂଜେଇ ସହ ଦୁଇ ବାଇକ ତିନି ଅଭିଯୁକ୍ତଙ୍କୁ ଗିରଫ କରିଥିବା ଜଣାଯାଇଛି l ସୁବଳୟା ପୁଲିସ କୈାଣସି ସୁତ୍ରରୁ ଖବର ପାଇ ଉକ୍ତ ଛକ ନିକଟରେ ଚଢାଉ କରିଥିଲା। ଏଠାରେ ଅଟକି ଥିବା ଥିବା ତିନି ଜଣ ବ୍ୟକ୍ତି ଙ୍କୁ ସନ୍ଦେହ କରି ଯାଞ୍ଚ କରିଥିଲା। ଏବଂ ତାଙ୍କ ଠାରୁ ଗଞ୍ଜେଇ ଜବତ କରିଥିଲା। ତେବେ ଗଞ୍ଜେଇ ଚୋରାଚାଲାଣ କରୁଥିବା  ଅଭିଯୁକ୍ତ ମାନେ ବୌଦ୍ଧ ଜିଲ୍ଲା କଣ୍ଟାମାଳ ଥାନା ଅନ୍ତର୍ଗତ ରୁଣ୍ଡିମହୁଲ ଗ୍ରାମର ସମ୍ଭୁ ସାହୁ ଏବଂ ନଟବର ମନହରୀ ଓ ମନୁମୁଣ୍ଡା ଥାନା ଅନ୍ତର୍ଗତ ଝାଙ୍କରପାଲି ଗ୍ରାମର ଅମରେଶ ଖଟୁଆ ବୋଲି ଜଣା ପଡିଛି l ତେବେ ଏକ୍ଜିକ୍କୁଟିଭ ମାଜିଷ୍ଟେଟ୍ ଙ୍କ ଉପସ୍ଥିତିରେ ଜବତ୍ ଗଞ୍ଜେଇକୁ ଓଜନ୍ କରିବାରୁ ୫ କେଜି ୯୦୦  ଗ୍ରାମ ବୋଲି ଜଣା ପଡିଛି l  ଅଭିଯୁକ୍ତ ମାନେ ନାଲିରଙ୍ଗର ପେସନ୍ ପ୍ରୋ ଓଡି ୩୧-୯୮୪୦ ଏବଂ ଏଚ୍ ଏଫ୍ ଡିଲକ୍ସ ଓଡ଼ି ୨୭-୧୬୨୨ ବାଇକ୍ ଦ୍ଵାରା ସୁବଳୟା ଅଞ୍ଚଳର ବିଭିନ୍ନ ସ୍ଥାନକୁ ଗଞ୍ଜେଇ ଚାଲାଣ କରୁଥିଲେ ।ଉକ୍ତ ଦୁଇ ବାଇକ ଜବତ କରିଥିବା ବେଳେ  ଥାନା କେଶ୍ ନମ୍ବର ୧୬୭/୨୩,୨୯ ଏନ୍ ଡି ପିଏସ ଆକ୍ଟ୍ରେ ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଥିବା ନେଇ  ସୂଚନା ମିଳିଛି l