-+91-9937148622 |
prerana_bgr@rediffmail.com |
Wednesday 30th September 2026 |
R.N.I. Regd No. ODIODI/2010/46693
Breaking News
26-Sep-2023
ବଲାଙ୍ଗିର(ପ୍ରେରଣା ଖବର ): ସ୍ଥାନୀୟ ଶାସ୍ତ୍ରୀ ନଗର କ୍ଳବ ପରିସର ମଧ୍ୟରେ ଓଡିଶା ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ,ଜାତୀୟ ସ୍ୱାସ୍ଥ୍ୟ ମିଶନ ପକ୍ଷରୁ ଆରମ୍ଭ କରାଯାଇଥିବା "ଆୟୁଷ୍ମାନ ଭବ ଅଭିଯାନ" ର ସପ୍ତାହ ବ୍ୟାପି ସ୍ୱାସ୍ଥ୍ୟ କାର୍ଯ୍ୟକ୍ରମ ମଧ୍ୟରେ ଏକ ସ୍ୱାସ୍ଥ୍ୟ ମେଳା ବଲାଙ୍ଗିର ସହର ର ସ୍ଥାନୀୟ ଶାସ୍ତ୍ରୀ ନଗର ଯୁବକ ସଂଘ ମଧ୍ୟରେ ଅନୁଷ୍ଠିତ ହୋଇ ଯାଇଛି l ଉକ୍ତ ସ୍ୱାସ୍ଥ୍ୟ ମେଳା ରେ ସହରାଞ୍ଚଳ ପରିତ୍ୟକ୍ତ ଅଂଚଳ ରୁ ପ୍ରାୟ ଏକ ଶହ ତିରିଶି ବିଭିନ୍ନ ବର୍ଗ ର ରୋଗୀ ଆସି ସେମାନଙ୍କ ସ୍ୱାସ୍ଥ୍ୟ ପରୀକ୍ଷା ଯଥା, ରକ୍ତ ଚାପ, ମଧୁମେହ, ଉଚ୍ଚତା, ଗର୍ଭବତୀ ମହିଳାଙ୍କ ସ୍ୱାସ୍ଥ୍ୟ ପରୀକ୍ଷା ଓ ଅଣସଂକ୍ରମଣ ରୋଗ ର ଚିକିତ୍ସା ତଥା ପରୀକ୍ଷା କରାଯାଇଥିଲା l ଏହା ଛଡା ଭାରତ ଓ ଓଡି଼ଶା ସରକାରଙ୍କ ମିଳିତକ୍ରମ ରେ ପ୍ରାରମ୍ଭ କରାଯାଇଥିବା ଆୟୁଷ୍ମାନ ସ୍ୱାସ୍ଥ୍ୟ କାର୍ଡ କୁ ଆଭା-ପରିଚୟ ମାଧ୍ୟମ ରେ ନିର୍ଣ୍ଣୟ କରାଯାଇ, ଅଶି ଜଣ ହିତାଧିକାରୀ ଙ୍କ ଆୟୁଷ୍ମାନ କାର୍ଡ ତିଆରି କରାଯାଇଥିଲା l ଉପରୋକ୍ତ ସ୍ୱାସ୍ଥ୍ୟ ମେଳା ରେ ଶ୍ରୀ ସତ୍ୟ ରଞ୍ଜନ ମିଶ୍ର ଓ ରବି ରଞ୍ଜନ ପୂଜାରୀ, ନିର୍ଦ୍ଧେଶକ ଓ ଚେୟାରମ୍ୟାନ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଯୋଗ ଦାନ କରି ଆୟୁଷ୍ମାନ ଭବ ର ସାପ୍ତାହିକ କାର୍ଯ୍ୟକ୍ରମ ସମ୍ପର୍କ ରେ ଆଲୋଚନା କରିଥିଲେ ଓ ଆସନ୍ତା ସ୍ୱାସ୍ଥ୍ୟ ମେଳା ସମ୍ପର୍କ ରେ ବିଶେଷ ଆୟୋଜନ ଓ ସାଧାରଣ ସ୍ୱାସ୍ଥ୍ୟ ପାଇଁ ଲୋକ ସଚେତନତା ଉପରେ ଗୁରୁତ୍ୱ ଆରୋପ କରିଥିଲେ l