14-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ରାଜରାସ୍ତାରେ ଚିତ୍ରକରଙ୍କ ହାତରେ ରଙ୍ଗତୂଳୀ ୨୦୨୧ ବର୍ଷ ପାଇଁ ନୂଆ ସ୍ଵପ୍ନ, ନୂଆ ଆଶା ନେଇ ଚିତ୍ରକରମାନେ କାନଭାସ ରେ ନିଜ ନିଜର ଚିତ୍ର ଆଙ୍କିଥିଲେ। ସେମାନଙ୍କ ଚିତ୍ରକଳାର ଯାଦୁରେ ମନ୍ତ୍ରମୁଗ ହୋଇଥିଲେ ଦର୍ଶକ l ଧନୁପାଲିସ୍ଥିତ କଳା ଓ କଳାକାର ଅନୁଷ୍ଠାନ ପକ୍ଷରୁ ନେଲସନ ମଣ୍ଡେଲା ଛକରେ ଆୟୋଜିତ ଚିତ୍ରକଳା ୱାର୍କସପରେ ରବିବାର ବହୁ ଯୁବ ଚିତ୍ରକର ସାମିଲ୍ ହୋଇଥିଲେ I  ୨୦୨୦ ମସିହାକୁ ସମ୍ପୂର୍ଣ୍ଣ ଭାବେ କରୋନା ଗ୍ରାସ କରିଥିବା ସମୟରେ ୨୦୨୧ ମସିହା ଯେଭଳି ଲୋକଙ୍କ ପାଇଁ କିଛି ନୂଆ ସପ୍ନ  ଓ ସମ୍ଭାବନା ନେଇ ଆସିବ ସେନେଇ ଚିତ୍ରକରମାନେ ତାଙ୍କ ତୁଳୀରେ ଆଶା ଦେଖାଇଥିଲେ। କାର୍ଯ୍ୟକ୍ରମକୁ ବରିଷ୍ଠ ଚିତ୍ରଶିଳ୍ପୀ ବରଦା ମାଧବ ଗୁରୁ ଉଦ୍‌ଘାଟନ କରିଥିଲେ I କର୍ମଶାଳାକୁ ଅନୁଷ୍ଠାନର ବରିଷ୍ଠ ଚିତ୍ରଶିଳ୍ପୀ ସଞ୍ଜୟ ସାହୁ, ସଂଜୟ ମିଶ୍ର, ପବିତ୍ର ବେରିହା, ଜଗନ୍ନାଥ ବେହେରା, ସୁମନ ପାଲ, ସୁଦାମ ପଣ୍ଡା, ଲିଙ୍ଗରାଜ ପଣ୍ଡା, ପ୍ରଶାନ୍ତ ମାଝୀ , ଗୌରୀଦାସ ପଣ୍ଡା, ରାଧାରମଣ ମୁଦୁଲି, ସୂର୍ଯ୍ୟ ପାଣିଗ୍ରାହୀ, କରୁଣାକର ଶତପଥୀ, ବଳରାମ ହୋତା, ଲିଙ୍ଗରାଜ ସିଂ ପରିଚାଳନା କରିଥିଲେ।