11-Sep-2023

ତୁଷୁରା (ପଞ୍ଚାନନ ନାଏକ)- ସମାଜରେ ଲାଗି ରହିଥିବା କୁଂସ୍କାର ଦୂର କରିବା ଉପରେ ବିଶେଷ ଗୁରୁତ୍ବ ଦେବାକୁ ଆହ୍ଵାନ କରିଥିଲେ ଅଖିଳ ଭାରତୀୟ ଗୋଣ୍ଡୱାନା ମହାସଭାର ଜିଲ୍ଲା ସଭାପତି ଦାଶରଥି ଭୋଇ। ତୁଷୁରା ସହର ସ୍ଥିତ ଗୋରୁବଜାର ପଡିଆରେ ଆୟୋଜିତ ମହାସଭା ବୈଠକରେ ମୁଖ୍ଯ ଅତିଥି ଭାବେ ଯୋଗଦେଇ ଶ୍ରୀ ଭୋଇ ସମସ୍ତଙ୍କ ଆହ୍ଵାନ କରି ମତପ୍ରକାଶ କରିଥିଲେ । ମହାସଭାର ଏନଏସି ସଭାପତି ପ୍ରଦୀପ କୁମାର ଭୋଇ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ସଂଘର ସଚିବ ସଂପତ୍ତି  ଉଦ୍ଦେଶ୍ଯ ଜ୍ଞାପନ କରିଥିଲେ । ଏହି ଅବସରରେ ମହିପୁର ଗ୍ରାମରେ ସଂଘର ଏକ କମିଟି ଗଠନ କରାଯାଇ ଥିବା ବେଳେ ବିନୋଦ ଭୋଇ- ସଭାପତି, ପ୍ରସନ୍ନ ଭୋଇ- ସଂପାଦକ ଓ ବାସୁ ଦେବ ଭୋଇଙ୍କୁ ଉପସଭାପତି ଭାବେ ଚୟନ କରାଯାଇଥିଲା । ଏହି କାର୍ଯ୍ୟକ୍ରମରେ ସଂଘର ବ୍ଳକ ସଭାପତି- ହରି ମାଝି, ଉପସଭାପତି- ଶରତଚନ୍ଦ୍ର ଭୋଇ, ଟଙ୍କଧର ସିଂ ମାଝୀ, ଗିରିଜା କଏଣ୍ଡା ଆଦି ସହ ପ୍ରତ୍ୟେକ ଗ୍ରାମପଞ୍ଚାୟତର ସଂଘ ସଭାପତି ଓ ସଂପାଦକ ଯୋଗଦେଇ ନିଜ ନିଜ ମତ ଉପସ୍ଥାପନ କରିଥିଲେ ।