09-Sep-2023

ରେଢ଼ାଖୋଲ ( ଅନିଲ ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ସହର ଶୁଣ୍ଡିମୁଣ୍ଡା ସ୍ଥିତ ସରକାରୀ(ଅନୁସୂଚିତ ଜାତି ତଥା ଜନଜାତି) ବାଳିକା ଉଚ୍ଚ ବିଦ୍ୟାଳୟ ପରିସରରେ ଶୁକ୍ରବାର ଦିନ ବିଦ୍ୟାଳୟରେ ଜିଲ୍ଲା ମଙ୍ଗଳ ବିଭାଗ ପକ୍ଷରୁ ଅଭିଭାବକ ଆମର ଅଂଶିଦାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ଏହି କାର୍ଯ୍ୟକ୍ରମର ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ କଳ୍ପନା ବାଗ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ସ୍ଥାନୀୟ ଉପଜିଲ୍ଲାପାଳ ଶ୍ରୀଯୁକ୍ତ ପବିତ୍ର ବେହେରା  ଓ ସମ୍ମାନିତ ଅତିଥି ଭାବେ ରାମପୁର ରେଞ୍ଜ୍ ଅଧିକାରୀ ମୈତ୍ରୀମଞ୍ଜିତ ବିଶ୍ବାଳ ,  ଏବିଓ ନିରଞ୍ଜନ ପାତ୍ର, ସିଆରସିସି ରେଢ଼ାଖୋଲ ମେଘନାଦ ରାଉଳ,ସିଆରସି ଭରତାପୁର୍ ସନ୍ତୋଷ ନାରାୟଣ ପାଢ଼ୀ, ପଶୁ ଚିକିତ୍ସା   ଅଧିକାରୀ ପଞ୍ଚାନନ ପ୍ରଧାନ, ଏଏସ୍ଓ ରେଢ଼ାଖୋଲ ମୃତ୍ୟୁଞ୍ଜୟ ବେହେରା,ଏଚ୍ଇଡବ୍ଲୁ ସତ୍ୟସାଇ ପ୍ରଧାନ,ଆଇସିଡିଏସ୍ ପୁଷ୍ପାଞ୍ଜଳି ପ୍ରଧାନ, ସମେତ ଅନ୍ୟାନ୍ୟ ଅତିଥି ସମେତ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରୀ ମାନଙ୍କ ଅଭିଭାବକ ମାନେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଶିକ୍ଷୟିତ୍ରୀ  ସଞ୍ଜିବନି ପାଣିଗ୍ରାହୀ,ସ୍ମୃତିପ୍ରଭା ମାଝୀ ଅତିଥି ମାନଙ୍କୁ ସ୍ବାଗତ ଜଣାଇଥିଲେ ।  ଏଥି ସହିତ ଶିକ୍ଷୟତ୍ରୀ ସନ୍ତୋଷ୍ମିତା ଷଡ଼ଙ୍ଗୀ ଙ୍କ ନେତୃତ୍ବରେ ବିଦ୍ୟାଳୟ ର ଛାତ୍ରୀ ମାନେ ପ୍ରଥମେ ସ୍ବାଗତ ସଂଗୀତ ଗାନ କରିଥିଲେ । ପରେ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ କଳ୍ପନା ବାଗ ସମସ୍ତ ଅତିଥି ମାନଙ୍କ ପରିଚୟ ପ୍ରଦାନ କରିବା ସହିତ ସମସ୍ତ ଛାତ୍ରଛାତ୍ରୀ ଓ ଅଭିଭାବକ ମାନଙ୍କୁ  କାର୍ଯ୍ୟକ୍ରମ ର ମହତ୍ତ୍ଵ ବିଷୟରେ ଅଭିଭାଷଣ ପ୍ରଦାନ କରିଥିଲେ । ଏଥିସହ ଛାତ୍ର ଛାତ୍ରୀ ମାନେ ରଙ୍ଗୋଲି ଆମ ଓଡ଼ିଶା ବିଶୟ ଆଧାରରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା  । ଶେଷରେ  ଏହି ପ୍ରତିଯୋଗିତାରେ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା ।