05-Sep-2023

(ପ୍ରେରଣା ଖବର)
 ନୂଆପଡ଼ା ଜିଲ୍ଲା ଖଡ଼ିଆଳ ଥାନା ଅନ୍ତର୍ଗତ 353 ଜାତୀୟ ରାଜପଥ ବଡ଼ମହେଶ୍ୱର ଗ୍ରାମ ଠାରେ ମଙ୍ଗଳବାର ଭୋର୍ ସକାଳ ପ୍ରାୟ 3ରୁ 4 ଘଣ୍ଟା ପାଖାପାଖି ସମୟରେ ଏକ ମର୍ମତୁତ ସଡ଼କ ଦୁର୍ଘଟଣା ହୋଇଥିବା ବେଳେ ଘଟଣା ସ୍ଥଳରେ ଦୁଇ ଜଣ ଯୁବକଙ୍କ ମୃତ୍ୟୁ ହୋଇଯାଇଛି l ଆଉ ଜଣେ ଯୁବକ ଗୁରୁତର ଅବସ୍ଥାରେ ଖଡ଼ିଆଳ ହସ୍ପିଟାଲ୍ ରେ ଭର୍ତ୍ତି ହୋଇ ଚିକିତ୍ସା କରା ଯାଉଥିବା ଜଣା ପଡ଼ିଛି l ସୂଚନା ମିଳିଛି କି, ଯୁବକ ମାନେ ହେଲେ ଖଡ଼ିଆଳ ଥାନା ବରପଦର ଗ୍ରାମର ତିନି ଜଣ ଯୁବକ ଗୋବିନ୍ଦ ରାଉତ ( 25) ମାରୁତି ବେହେରା (25) ଓ ଆଲୋକ ରାଉତ (25) ତିନି ଜଣ ବୁଲେଟ୍ ଗାଡ଼ି (08ଏସ୍5228) ରେ ବସି କୋମନା ପଟ୍ କୁ ଯାଉଥିଲେ l ଜାତୀୟ ରାଜପଥ 353 ବଡ଼ ମହେଶ୍ବର ଗ୍ରାମ ଠାରେ କୌଣସି ଅଜଣା ଗାଡ଼ି ରେ ଧକ୍କା ହୋଇଥିଲା l ଯାହା ଫଳରେ ଦୁଇ ଜଣ ଯୁବକ ଗୋବିନ୍ଦ ରାଉତ ଓ ମାରୁତି ବେହେରା ଙ୍କ ଘଟଣା ସ୍ଥଳରେ ମୃତ୍ୟୁ ହୋଇଯାଇଥିଲା l ଆଉଜଣେ ଯୁବକ ଆଲୋକ ରାଉତ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି l ସକାଳ ସମୟରେ ଘଟଣା ଜଣା ପଡ଼ିବା ପରେ ପରିବାର ଲୋକେ ଆସି ସବ ପାଖରେ ରହି ରାସ୍ତା ରୋକ୍ କରିଛନ୍ତି l ଦୁର୍ଘଟଣା ଘଟାଇ ଥିବା ଟ୍ରକ୍ ର ନମ୍ବର୍ ସିଜି 04ଏନକେ 8838 ନମ୍ବର ପ୍ଲେଟ ପଡ଼ିଥିବା ବେଳେ ଏହି ଗାଡ଼ିଟି ଛତିଶଗଡ଼ ରାୟପୁର ର ଶ୍ରୀନିବାସ ରୋଡ଼ ଲାଇନ ର ବୋଲି ନେଟ୍ ରୁ ଜଣାପଡ଼ିଛି l 

ଦୁର୍ଘଟଣା ଘଟାଇ ଥିବା ଗାଡ଼ି ବିରୋଧରେ କଠୋର କାର୍ଯ୍ୟନୁଷ୍ଠାନ ନେବା ସହ ମୃତ ବ୍ୟକ୍ତିଙ୍କ ପରିବାର କୁ କ୍ଷତିପୂରଣ ଦାବୀରେ ପରିବାର ଲୋକେ  ଦାବିକରି ରାସ୍ତା ରୋକ କରିଛନ୍ତି l ଦାବୀ ପୂରଣ ନ ହେବା ପଯ୍ୟନ୍ତ ଆନ୍ଦୋଳନ ଜାରି ରଖିବେ ବୋଲି ପରିବାର ସୂତ୍ରରୁ ପ୍ରକାଶ l ଖଡ଼ିଆଳ ପୋଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି କୁ କଣ୍ଟ୍ରୋଲ ରେ ରଖିଥିବା ଜଣାପଡ଼ିଛି l