01-Sep-2023

ବଲାଙ୍ଗୀର(ପ୍ରେରଣା ଖବର ): ଗତକାଲି ସଂଧ୍ୟାରେ ସ୍ଥାନୀୟ ପେଲେସ ଲାଇନ୍ ଠାରେ କୁଶ ଜୟନ୍ତୀ ପାଳିତ ହୋଇଯାଇଛି । ମର୍ଯ୍ୟାଦା ପୁରୁଷ ରାମଚନ୍ଦ୍ର ଙ୍କ ଜୈଷ୍ଠ ପତ୍ର କୁଶ ଙ୍କ ଜୟନ୍ତୀରେ ବକ୍ତା ଭାବରେ ଶିଦ୍ଧେଶ୍ୱର ପାଣିଗ୍ରାହୀ, ବଲାଙ୍ଗୀର ନାଗରିକ କମିଟିର ସଂପାଦକ ମନୋରଂଜନ ସାହୁ ଯୋଗ ଦେଇ ଆଜିର ଯୁଗରେ କୁଶଙ୍କ ପରି ଯୋଦ୍ଧାଙ୍କ ଆଦର୍ଶ  ଓ ବିଚାର ଅନେକ ପ୍ରାସଙ୍ଗିକତା ରହିଛି ବୋଲି କହିଥିଲେ । ଆଗକୁ କୁଶ ଜୟନ୍ତୀଙ୍କୁ ଆହୁରି ବ୍ୟାପକ ଭାବରେ ପାଳନ କରିବାକୁ ମତପ୍ରକାଶ ପାଇଥିଲା । ଅନ୍ୟତମ ଅତିଥି ଭାବରେ ସୁଶୀଲ କୁମାର ଭୋଇ, ସୂଚନା ଅଧିକାର କର୍ମୀ ନୀଳମଣି ଯୋଷୀ, ସୁଶୀଲ କୁମାର ଭୋଇ, ବିମଳ ଚନ୍ଦ୍ର ଚୋପଦାର, କାଳିନ୍ଦ୍ରି ମାଝୀ, ସାମ୍ବାଦିକ ରଘୁ ନନ୍ଦନ ସିଂହ, ସାମ୍‌ାଜିକ କର୍ମୀ ସତ୍ୟ ବନଛୋର ପ୍ରମୁଖ ଯୋଗ ଦେଇ କୁଶଙ୍କ ଯୁଦ୍ଧ କୌଶଳ ଓ ପରାକ୍ରମ ସଂପର୍କରେ ଆଲୋକପାତ ଥିଲେ । ସଭାକୁ ସାମ୍ବାଦିକ ସତ୍ୟନାରାୟଣ ପାଣିଗ୍ରାହୀ ସଂଯୋଜନା କରିଥିବା ବେଳେ ପୂର୍ଣ୍ଣଚନ୍ଦ୍ର ବିଶ୍ୱାଲ ଧନ୍ୟବାଦ ଅର୍ପଣ କରିଥିଲେ ।