01-Sep-2023

ସୋନପୁର(ମନୋରଞ୍ଜନ ତ୍ରିପାଠୀ ): ପ୍ରତାପପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ମାନେ ନିଜ ନିଜ ଜନ୍ମ ଦିନରେ ଲଗାଇଥିବା ଗଛକୁ ରାକ୍ଷୀ ବାନ୍ଧି ଗଛକୁ ରକ୍ଷା କରିବା ପାଇଁ ଶପଥ ନେଇଛନ୍ତି। ଏହି ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ନାଇକେନପାଲି ସିଏଚସି ର ଆୟୂଷ ମେଡିକାଲ ଅଫିସର ଡା. ସରୋଜ କୁମାର ପଟେଲ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ଫାର୍ମାସିଷ୍ଟ ହୃଷିକେଶ ମିଶ୍ର  ଓ ଏ

ଏନଏମ୍ ଶୁଭଲକ୍ଷ୍ମୀ ବାଘ ସମ୍ମାନୀତ ଅତିଥ ଭାବରେ ଯୋଗଦେଇ ବୃକ୍ଷର ମହାତ୍ମ୍ୟ ବିଷୟରେ ଆଲୋଚନା କରିଥିଲେ ଓ ଏହାର ସୁରକ୍ଷା ନେବାକୁ ସମସ୍ତଙ୍କୁ ଶପଥ କରାଇଥିଲେ । ପ୍ରଧାନ ଶିକ୍ଷୟିତ୍ରୀ ସନ୍ତୋଷିନୀ ନନ୍ଦଙ୍କ ସଭାପତିତ୍ଵରେ ଅନୁଷ୍ଠିତ କାର୍ଯ୍ୟକ୍ରମକୁ ବିଦ୍ୟାଳୟର ଜୁନିୟର ରେଡ୍କ୍ରସ୍ ପରାମର୍ଶ ଦାତା ଶିକ୍ଷକ ଗୋପେଶ ପଣ୍ଡା ସଂଯୋଜନା କରିଥିବା ବେଳେ ଶିକ୍ଷୟିତ୍ରୀ ମହେନ୍ଦ୍ରୀ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।