15-Aug-2023

ବଲାଙ୍ଗିର(ପୂର୍ଣ ଶଶୀ ଶେଖର ରାଓ): ବଲାଙ୍ଗିର ଜିଲ୍ଲା ତୁରେକେଲା ଉପାନ୍ତ ଅଞ୍ଚଳରେ ଆଜି ଯୁକ୍ତ ତିନି ପଞ୍ଚାୟତ ସମିତି ମହାବିଦ୍ୟାଳୟ ର ଶୁଭ ଉଦ୍ଘାଟନ ହୋଇଯାଇଛି। ଏହି କାର୍ଯ୍ୟକ୍ରମରେ ରାଜ୍ୟ ସଭା ସାଂସଦ ନିରଞ୍ଜନ ବିଶି ଯୋଗ ଦେଇ ପ୍ରଥମେ ଫିତାକାଟି କାର୍ଯ୍ୟର ଶୁଭାରମ୍ଭ କରିଥିବା ବେଳେ ଶ୍ରେଣୀ କକ୍ଷ ଶୁଭ ଉଦ୍ଘାଟନ କରିଥିଲେ।ପରେ ମୁଖ୍ୟ ଅତିଥି ମଞ୍ଚାସୀନ ହେବା ପରେ ତାଙ୍କ ସହିତ ସମ୍ମାନିତ ଅତିଥି

ଭାବେ ପୂର୍ବତନ କଣ୍ଟାବାଞ୍ଜି ବିଧାୟକ ହାଜି ମହମ୍ମଦ ଆୟୁବ ଖାନ୍, ଜିଲ୍ଲା ପରିଷଦ କୌଶିକ ମେହେର, ଅଶ୍ବିନୀ ମେହେର ( କଲେଜ ଅଧ୍ୟକ୍ଷ)ପ୍ରମୁଖ ମଞ୍ଚାସୀନ ଥିଲେ। ସମସ୍ତେ ନିଜ ନିଜର ବକ୍ତବ୍ୟ ରଖି କଲେଜର ଉନ୍ନତି ଓ ବିକାଶ କାମନା କରିଥିବା ବେଳେ ମୁଖ୍ୟ ଅତିଥି ନିଜ ବକ୍ତବ୍ୟରେ କହିଥିଲେ ଯେ ତୁରେକେଲା ଏକା ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବା ଯୋଗୁଁ ଏଠାରେ ଆଦିବାସୀ ଓ ହରିଜନ ଛାତ୍ରଛାତ୍ରୀଙ୍କ ପାଇଁ ଏକ ସ୍ବତନ୍ତ୍ର ମହାବିଦ୍ୟାଳୟ ତିଆରି କରିବା ସହ ଏକଲବ୍ୟ ଛାତ୍ରଛାତ୍ରୀ ନିବାସ ନିର୍ମାଣ କଲେ ଅଞ୍ଚଳର ଆଦିବାସୀ ହରିଜନ ଛାତ୍ରଛାତ୍ରୀ ମାନେ ପାଠ ପଢ଼ିବା ପାଇଁ ସୁଯୋଗ ପାଇବେ ଓ ଏ ବିଷୟରେ ରାଜ୍ୟ ସରକାରଙ୍କ ଠାରେ ଉପସ୍ଥାପନ କରି ଯଥାଶୀଘ୍ର ସଫଳ କରିବାକୁ ପ୍ରତିଶୃତି ଦେଇଛନ୍ତି। କଲେଜ ପକ୍ଷରୁ ଏକ ପ୍ରଶାସନିକ କୋଠା ଗୃହ ନିର୍ମାଣ କରିବା ସହ ୧୨୦ ଶଯ୍ୟା ବିଶିଷ୍ଟ ଛାତ୍ରୀ ନିବାସ ହସ୍ତାନ୍ତର କରାଯାଉ ବୋଲି ଦାବି କରିଛନ୍ତି।ଏ ସମ୍ପର୍କରେ ରାଜ୍ୟ ସଭା ସାଂସଦ ନିରଞ୍ଜନ ବିଶି ସରକାର ଙ୍କ ଠାରେ ଉପସ୍ଥାପନ କରିବା ସହ ଛାତ୍ରଛାତ୍ରୀ ମାନଙ୍କର ପାଇଁ ଏକ ସାଇକେଲ ଷ୍ଟାଣ୍ଡ ତିଆରି କରାଯିବ ବୋଲି କହିଛନ୍ତି। ଆଗରୁ ରାଜ୍ୟ ସଭା ସାଂସଦ ନିରଞ୍ଜନ ବିଶି ନିଜ ପାଣ୍ଠିରୁ ଶ୍ରେଣୀ ଗୃହ ଦଶ ଲକ୍ଷ ଟଙ୍କା ପ୍ରଦାନ କରିଥିଲେ। ସେହିପରି ପୂର୍ବତନ ବିଧାୟକ ଆୟୁବ ଖାନ୍ ଶ୍ରେଣୀ ଗୃହ ନିମନ୍ତେ ତାଙ୍କ ପାଣ୍ଠିରୁ ସହାୟତା ପ୍ରଦାନ କରିଥିଲେ ଏବଂ ବିଧାୟକ ସନ୍ତୋଷ ସିଂହ ସାଲୁଜା ନିଜ ପାଣ୍ଠିରୁ ଅନୁଦାନ ଦେଇଥିବା ବେଳେ ତାହା ଆଜି ଉଭୟ ଙ୍କ ଦ୍ଵାରା ଶୁଭ ଉଦ୍ଘାଟନ ହୋଇଯାଇଛି । ଏହି

କାର୍ଯ୍ୟକ୍ରମ ରେ ଅଧ୍ୟାପକ ଅମୂଲ୍ୟ କୁମାର ପାଣିଗ୍ରାହୀ, ମୃତ୍ୟୁଞ୍ଜୟ ପାଣିଗ୍ରାହୀ, ଦିଲିପ କୁମାର ପ୍ରଧାନ, ପ୍ରଶାନ୍ତ ମେହେର, ପ୍ରବୀର କୁମାର ସାହୁ ଓ ଛାତ୍ରଛାତ୍ରୀ ମିଶି କାର୍ଯ୍ୟ କୁ ସଫଳ ରୂପାୟନ କରିଥିବା ବେଳେ ଅଞ୍ଚଳର ବହୁ ମାନୀଗୁଣି ଲୋକ ଉପସ୍ଥିତ ଥିଲେ। ଶେଷରେ ମୁଖ୍ୟ ପରିଚାଳକ ଉମାଶଙ୍କର ଥପା ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ।