15-Aug-2023

ବଲାଙ୍ଗିର (ପ୍ରେରଣା ଖବର ): ସରସ୍ବତୀ ଶିଶୁ ମନ୍ଦିର, ଚନ୍ଦନଭାଟି ରେ ୭୭ତମ ସ୍ବାଧୀନତା ଦିବସ ପାଳିତ ହୋଇଯାଇଅଛି। ଏହି ଅବସରରେ ବିଦ୍ୟାଳୟ ର ସମସ୍ତ ଆଚାର୍ଯ୍ୟ, ଆଚାର୍ଯ୍ୟା ତଥା ସମସ୍ତ ଛାତ୍ରଛାତ୍ରୀ ଘୋଷ ବାଦନ ଓ ନାରା ସହିତ ଚନ୍ଦନଭାଟି ଗ୍ରାମ ପରିକ୍ରମା କରି ବିଦ୍ୟାଳୟ କୁ ପ୍ରତ୍ୟାବର୍ତ୍ତନ କରିଥିଲେ। 
ଛାତ୍ରଛାତ୍ରୀଙ୍କ ବିଭିନ୍ନ ସ୍ବାଧୀନତା ସଂଗ୍ରାମୀ ବେଶ ଗ୍ରାମ ପରିକ୍ରମା ର ମୁଖ୍ଯ ଆକର୍ଷଣ ସାଜିଥିଲେ।ବିଦ୍ୟାଳୟ ପରିଚାଳନା ସମିତିର ସଭାପତି ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ,

ସମ୍ପାଦକ ଡ. ଲକ୍ଷ୍ମଣ କୁମାର ମେହେର ଓ ଯୁଗ୍ମ ସମ୍ପାଦକ ଶ୍ରୀଯୁକ୍ତ ତେଜରାଜ ଧରୁଆ ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ  । ସଭାପତି ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ ଦୀପ ପ୍ରଜ୍ବଳନ ତଥା ଜାତୀୟ ପତାକାତ୍ତୋଳନ କରିଥିଲେ ଓ ଛାତ୍ରଛାତ୍ରୀ ଙ୍କୁ ନିଜ ଭାଷଣରେ ଦେଶର ସ୍ବାଧୀନତା ସଂଗ୍ରାମ ବିଷୟ ରେ ତଥା ପାଠପଢି ଦେଶର ଟେକ ରଖିବାକୁ ମାର୍ଗଦର୍ଶନ କରିଥିଲେ। ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ପ୍ରଭୁଦତ୍ତ ବିଶି ଅତିଥି ପରିଚୟ କରିଥିଲେ। ସଂପାଦକ ଡା. ଲକ୍ଷ୍ମଣ କୁମାର ମେହେର ନିଜ ଅଭିଭାଷଣ ରେ ଶିଶୁ ଭାଇଭଉଣୀଙ୍କୁ ପାଠ ପଢ଼ି ନିଜ ର ସ୍ବାଧୀନତାକୁ ବଲବତ୍ତର ରଖିବା ସହିତ ପିତାମାତାଙ୍କ ଆଶା ପୂରଣ କରିବାକୁ ଆଗ୍ରହ

ପ୍ରକାଶ କରିଥିଲେ। ବିଦ୍ୟାଳୟ ର ଯୁଗ୍ମ ସମ୍ପାଦକ ଶ୍ରୀଯୁକ୍ତ ତେଜରାଜ ଧରୁଆ ସମସ୍ତ ଙ୍କୁ ସ୍ବାଧୀନତା ଦିବସ ର ଅଭିନନ୍ଦନ ଜଣାଇବା ସହିତ ଧନ୍ଯବାଦ ପର୍ବକୁ ଆଗେଇ ନେଇଥିଲେ।  ଛାତ୍ରଛାତ୍ରୀ ଙ୍କ ମଧ୍ୟରେ ଅଞ୍ଜଳି ପଟେଲ, ପ୍ରିୟବ୍ରତ ମେହେର, ସ୍ବାଗତ ପଟେଲ, ଚିନାୟକ ମିଶ୍ର, କିଂଶୁକ ବର୍ଧନ ପୁରୋହିତ, ଶିବନାରାୟଣ ମିଶ୍ର ମଧ୍ଯ ସ୍ବାଧୀନତା ଦିବସ ଉପରେ ବକ୍ଋତା ପ୍ରଦାନ କରିଥିଲେ। ବିଦ୍ୟାଳୟ ର ଆଚାର୍ଯ୍ୟା ଶ୍ରୀମତୀ ପ୍ରମୋଦିନୀ ଆଚାର୍ଯ୍ୟ ସଭା ସଂଯୋଜନା କରିଥିବା ବେଳେ ସମସ୍ତ ଆଚାର୍ଯ୍ୟ,ଆଚାର୍ଯ୍ୟାଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳତାର ସହ ସମାପିତ ହୋଇଯାଇଛି।