15-Aug-2023

ସାଲେଭଟା(ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟରେ ୭୭ତମ ସ୍ୱାଧିନତା ଦିବସ ପାଳିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ଦୂର୍ଯ୍ୟୋଧନ ପଶାୟତ ଆୟୋଜିତ ହୋଇଥିବା ଉତ୍ସବରେ ଅଧ୍ୟକ୍ଷତା କରିଥିଲେ । ପରିଚାଳନା କମିଟୀର ସଭାପତି ବିପିନ ସାହୁ ମୂଖ୍ୟ ଅତିଥି ଭାବରେ ପତାକା ଉତ୍ତୋଳନ କରିଥିଲେ । ସମ୍ମାନୀତ ଅତିଥି ଭାବରେ ଅବସର ପ୍ରାପ୍ତ ପ୍ରଧାନଶିକ୍ଷକ ଅମର ସାହୁ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ଦିବସର ମହତ୍ୱ ବୁଝାଇବା ସହିତ  ଆଗାମୀ ଦିନରେ ଦେଶ ଉଦ୍ଦେଶ୍ୟରେ ସମସ୍ତେ ସବା କାର୍ଯ୍ୟ କରିବାକୁ ମତବ୍ୟକ୍ତ କରିଥିଲେ ।

ଛାତ୍ରଛାତ୍ରୀ ସ୍ନିଗ୍‌ଧା ରାଣୀ ସାହୁ, ପୂଜା ସାହୁ ଓ ଅତୁଳ ସାହୁ ମଧ୍ୟ ଭବ୍ୟ ସଭାରେ ନିଜସ୍ୱ ବକ୍ତବ୍ୟ ରଖିଥିଲେ । ବରିଷ୍ଠ ଶିକ୍ଷକ ଗୋବିନ୍ଦ ସାହୁ କାର୍ଯ୍ୟକ୍ରମର  ସଂଯୋଜନା କରିଥିଲେ । ସକାଳ  ଭୋର ୪.୩୦ ରୁ ଛାତ୍ରଛାତ୍ରୀ ମାନେ ରାମଧୁନ ଗାନ ପୂର୍ବକ ପ୍ରଭାତ ଫେରୀ କରିଥିଲେ । ବିଦ୍ୟଳୟରେ ପତାକା ଉତୋଳନ ପରେ ପରେ ଛାତ୍ରଛାତ୍ରୀ ଏବଂ ଶିକ୍ଷକ ବୃନ୍ଦ ଗ୍ରାମ ପରିକ୍ରମା କରିଥିଲେ । ପରେ ସ୍କୁଲ ପରିସରରେ ଏକ ସ୍ୱଚ୍ଚତା ଅଭିଯାନ ଆୟୋଜିତ ହୋଇଥିଲା ।

ଅନ୍ୟ ମାନଙ୍କ ମଧ୍ୟରେ ଶିକ୍ଷକ ଶିକ୍ଷିକା ଦିଲ୍ଲୀପ କୁମାର ଥନାପତି, ରାଜ କିଶୋର ମହାକୁର, ମଂଟେଶ କୁମାର ସାହୁ, ପିଙ୍କ କର୍ଣ୍ଣ ଏବଂ କମିଟୀ ସଭ୍ୟସଭ୍ୟା ପଙ୍କଜିନୀ ଥନାପତି, ସୂଜାତା ବିଶ୍ୱାଳ, ବୀରବର ଛତ୍ରପାଲ, ଅରୂପା ପଧାନ, ଅଜୟ ସିଂ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।