12-Aug-2023

ବରଗଡ:-ବରଗଡ ଜିଲ୍ଲା ଭେଡେନ ବ୍ଲକ ଡାଲବ ପଂଚାୟତ ର ଖୁଣ୍ଟୁଲିପାଲି ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି।ଏହି ବିଜ୍ଞାନ ମେଳାରେ ରେ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଭୋଜରାଜ ଦୁଆନ ସ୍ଵାଗତ ଭାଷଣ ସହିତ ଅତିଥି ପରିଚୟ ପ୍ରଦାନ କରିଥିଲେ।ପ୍ରଥମେ ସରସ୍ଵତୀ, ଓଁ, ଭାରତ ମାତାଙ୍କ ପ୍ରତି ଛବି ନିକଟରେ ପ୍ରଦୀପ ପ୍ରଜ୍ବଳନ କରି ପୁଷ୍ପ ଅର୍ପଣ କରିଥିଲେ। ବିଜ୍ଞାନ ବିଭାଗ ପ୍ରମୁଖ ଶ୍ରୀମତୀ ପୂର୍ଣିମା ମେହେର ଉଦ୍ଦେଶ୍ଯ ଜ୍ଞାପନ କରିଥିଲେ। ଏହି ସମୟରେ ମୁଖ୍ୟଅତିଥି ଭାବେ କଦୋବାହାଲ ମହାବିଦ୍ୟାଳୟ ର ପ୍ରାଧ୍ୟାପକ ସୁରେନ୍ଦ୍ର କୁମାର ଦାଶ ସମ୍ମାନିତ ଅତିଥି ଭାବେ କଦୋବାହାଲ ଓଡିଆ ଅଧ୍ୟାପକ ମାନଭଞ୍ଜନ ପୁରୋହିତ ଯୋଗ ଦେଇ ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ଏହି ସମୟରେ ଛାତ୍ରଛାତ୍ରୀମାନଙ୍କୁ ପୁରସ୍କାର ବିତରଣ କରିଥିଲେ। ଏହି କାର୍ଯ୍ୟକ୍ରମ ସଂକୁଳ ପ୍ରମୁଖ ଅଶ୍ଵିନୀ କୁମାର ଦାଶ, ସଙ୍କୁଳ ସଂଯୋଜକ ନରେନ୍ଦ୍ର ବିଶ୍ଵାଳ, ବିଦ୍ୟାଳୟର ସଭାପତି ସୁରେନ୍ଦ୍ର ଦାଶ, ଉପସଭାପତି ପ୍ରବିଣ କୁମାର ସାହୁ, କୋଷାଧ୍ୟକ୍ଷ ଗଜାନନ ବନଛୋର। ସଂକୁଳସ୍ତରୀୟ ପ୍ରଧାନଆଚାର୍ଯ୍ଯ ସଙ୍କର୍ଷଣ ମିଶ୍ର, ମୁକୁନ୍ଦ ମହାରଣା,ନରେନ୍ଦ୍ର ରଣା, ଅଶୋକ ଧର, ଶିବାନନ୍ଦ ଦାଶ କ୍ଷୀରୋଦ ରଣା, ରିଙ୍କୁ ଦାଶ ଯୋଗଦେଇ ଥିଲେ। ପରିଶେଷରେ ବିଦ୍ୟାଳୟ ର ସଂପାଦକ ମଦନମୋହନ ଦାଶ ଧନ୍ୟବାଦ ଅର୍ପଣ କରିଥିଲେ।