29-Jul-2023

ବରଗଡ଼: ବରଗଡ ଜିଲ୍ଲା ବିଜେପୁର ବ୍ଲକର ଅଗ୍ରଣୀ ସଂଗଠନ ଖଗେଶ୍ବର ସାହିତ୍ୟ କଳା ପରିଷଦ ପକ୍ଷରୁ ସ୍ଥାନୀୟ ରେଡିଏନ୍ସ କଲେଜରେ ଗଙ୍ଗାଧର ଜୟନ୍ତୀ ସକାଶେ ବ୍ଲକ ସ୍ତରୀୟ ପ୍ରତିଯୋଗିତା ଅନୁଷ୍ଠିତ ହୋଇଛି। କଲେଜର ପ୍ରତିଷ୍ଠାତା ଅଜିତ କୁମାର ମେହେର ମୁଖ୍ୟ ଅତତିଥିଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ପରିଷଦର ସଭାପତି ମୋହନ ସିଂ କଂହ୍ନେଇଙ୍କ ପୌରୋହିତ୍ୟରେ ଆୟୋଜିତ ସମାରୋହରେ କ୍ରାନ୍ତିକବି ହରିଲାଲ ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ଉପସଭାପତି ଦିଲ୍ଲୀପ କୁମାର ଦେବତା ଉଦ୍ଦେଶ୍ୟ ଜ୍ଞାପନ କରିଥିବାବେଳେ କବି ମକରଧ୍ବଜ ସାହୁ ଅତିଥି ପରିଚୟ ପ୍ରଦନ କରିଥିଲେ। ଡ. ପ୍ରଦୀପ କୁମାର ପ୍ରଧାନ, ଡ. ଚିନ୍ମୟ ସାହୁ, ଉପେନ୍ଦ୍ର ସାହୁ, ସରୋଜ କୁମାର ପାଣିଗ୍ରାହୀ, ବଳିଷ୍ଠ ପଟେଲ,ବରୁଣ କୁମ୍ଭାର, ସୁଷମା ଭୋଇ, ରଶ୍ମିରେଖ ବାରିକ, ଦିନେଶ କୁମାର ଅଗ୍ରୱାଲା ପ୍ରମୁଖ ବିଚାରକ ଭାବେ ଯୋଗଦେଇ ଥିଲେ। ହାଇସ୍କୁଲ ସ୍ତରୀୟ ସଙ୍ଗୀତରେ ପହଣ୍ଡିର ପୂଜା ପଟେଲ, ଟି ଗଣ୍ଡପାଲିର ଶର୍ମିଷ୍ଠା ସାହୁ, ଶିଶୁ ବିଦ୍ୟାମନ୍ଦିରର ଇଶା ରାଣୀ ଦାଶ,+୨ରେ ବିଜେପୁରର ସଞ୍ଚିତା ଥଇତ, କଟାପାଲିର ସୋନାଲୀ ସାହୁ ଓ ମନୀଷା ନାୟକ, ତାଲପଦରର ଚନ୍ଦ୍ରମା ଦାଶ,+୩ରେ ରୁଚିତା ସାହୁ, ପ୍ରଣୟ ଭୋଇ, ଅଲିଭା ମେହେର ଯଥାକ୍ରମେ ପ୍ରଥମ, ଦ୍ଵିତୀୟ, ତୃତୀୟ ହୋଇଥିଲେ। ସେହିପରି+୨ବକୃତା ରେ ତାଲପଦରର ହେପି ବାରିକ, ବିଜେପୁରର ଗୀତା ବରିହା,କଟାପାଲିର ବର୍ଷା ମଲ୍ଲିକ,+୩ରେ ବିଜେପୁରର ଦିପ୍ତିମୟୀ ଗଡତିୟା, ଭୂମିସୂତା ବେହେରା, ସସ୍ମିତା ମେହେର ଯଥାକ୍ରମେ ପ୍ରଥମ ଦ୍ଵିତୀୟ ତୃତୀୟ ହୋଇଥିଲେ। ପ୍ରବନ୍ଧ ଲିଖନ ପ୍ରତିଯୋଗିତାର ଫଳ ବୁଧବାର ପ୍ରକାଶ ପାଇବ ବୋଲି ସମ୍ପାଦକ ରାଜେଶ୍ୱର ବେହେରା ସୂଚନା ଦେଇଛନ୍ତି। କାର୍ଯ୍ୟକ୍ରମ ପରିଚଳନାରେ ପରିଷଦର ସଦସ୍ୟ ଓ ରେଡ଼ିଏନ୍ସ କଲେଜର ଅଧ୍ୟାପକ ଗଣ ସହଯୋଗ କରିଥିଲେ। ଶେଷରେ କବି ଦିଲେଶ ମେହେର ଧନ୍ୟବାଦ ଅର୍ପଣ କରିଥିଲେ।