28-Jul-2023

ତୁଷୁରା- (ପଞ୍ଚାନନ ନାଏକ)-ବିଜୁ କେବିକେ ଯୋଜନାରେ ୧୪ଲକ୍ଷ ଟଙ୍କାର କାର୍ଯ୍ୟ ବଲାଙ୍ଗୀର ଜିଲ୍ଲା ଗୁଡଭେଳା ବ୍ଲକକୁ ଆସିଥିବା ବେଳେ ଗୁରୁବାର ଉକ୍ତ ଛଅଟି କାର୍ଯ୍ୟକୁ ତିନି ଜଣଙ୍କୁ ଦେବା ପାଇଁ ବଲାଙ୍ଗୀର ସାଂସଦଙ୍କ ଗୁଡଭେଳା ବ୍ଲକ ପ୍ରତିନିଧି ନିଜପତ୍ରରେ ଗୁଡଭେଳାବ୍ଲକ ବିଡିଓଙ୍କୁ ଲିଖିତ ଜଣାଇଛନ୍ତି । ଏହାକୁ ନେଇ ଅଞ୍ଚଳରେ ଚର୍ଚ୍ଚା ଜୋରଦାର ହେଉଛି । ଉକ୍ତ ପତ୍ରରେ ଉଲ୍ଲେଖ ରହିଛି ଯେ, ମାଢେକେଲା ରଣା ପଡାରୁ ରାଜକେଲ ରାସ୍ତାର ଉନ୍ନତିକରଣ ପାଇଁ ୫ଲକ୍ଷ ଟଙ୍କା କାର୍ଯ୍ୟ ସତ୍ଯବାନ ବାଗ, ରାଣିମାଳ ଗ୍ରାମର ୩ ଲକ୍ଷ ଟଙ୍କାର ଅମୃତଧାରା କାର୍ଯ୍ୟ ଭୋପାଳ ରଣା, ନୂଆପଡ଼ା, ଗମ୍ଭାରୀଗୁଡ଼ା ଓ ବଗବାହାଲ ଗ୍ରାମରେ ୨ ଲକ୍ଷ ଟଙ୍କା ଲେଖାଁଏ ଖର୍ଚ୍ଚରେ ଏଲଇଡି ଲାଇଟ କାର୍ଯ୍ୟ କଣ୍ଟାବାଞ୍ଜିର ଭଗବତି ଏଣ୍ଟରପ୍ରାଇଜେସ କୁ ଦେବାକୁ ଅନୁରୋଧ କରଛନ୍ତି । ଏହି ଚିଠି ଏବେ ଚର୍ଚ୍ଚାର ବିଷୟ ପାଲଟିଥିବା ବେଲେ ଏନେଇ ବଲାଙ୍ଗୀର

ସାଂସଦଙ୍କ ଗୁଡଭେଳା ବ୍ଲକ ପ୍ରତିନିଧି ଦୀନବନ୍ଧୁ ବେହେରା କହନ୍ତି ଯେ, ଏହି କାର୍ଯ୍ୟ ଗୁଡିକ ଡିପାର୍ଟମେଣ୍ଟଲ ହେବ କିନ୍ତୁ ଆମ୍ଭ ଲୋକମାନଙ୍କୁ ସେଥିରେ ସାମିଲ କରିବାକୁ ବିଡିଓଙ୍କୁ ଅନୁରୋଧ କରିଥିଲି । ଏନେଇ ଗୁଡଭେଳା ବ୍ଲକ ବିଡିଓ ଗୁରେଶ୍ବର ଭୋଇ କହନ୍ତି ଯେ, ମୁଁ ଏବେ ପର୍ଯ୍ୟନ୍ତ ଚିଠି ପାଇ ନାହିଁ । ଏନେଇ ଗୁଡଭେଳା ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରା କହନ୍ତି ଯେ, ବିଜୁ କେବିକେ ଯୋଜନାରେ ୧୦ଲକ୍ଷ ଟଙ୍କାରୁ ଉର୍ଦ୍ଧ୍ବ କାର୍ଯ୍ୟ ହୁଏ ତେବେ ଟ୍ରେଣ୍ଡର ହେବ, ଆଉ କମ ହେଲେ ଡିପାର୍ଟମେଣ୍ଟlଲ ହୁଏ ବୋଲି କହିଥିଲେ ।