25-Jul-2023

ନୂଆପଡ଼ା/ସିନାପାଲି: ନୂଆପଡ଼ା ପୋଲିସକୁ ମିଳିଛି ବଡ଼ ସଫଳତା, ଛତିଶଗଡ଼ ସୀମାନ୍ତ ଦୁର୍ଗମ ପାଟ୍ଟଦରା ଜଙ୍ଗଲ ନଙ୍ଗଲଘାଟ ଠାରୁ ଏକ ମାଓ କ୍ୟାମ୍ପ ଠାବ କରାଯାଇଛି l ମାଓ କ୍ୟାମ୍ପରୁ ବ୍ୟବହୃତ ବିପୁଳ ପରିମାଣରେ ମାଓ ସାମଗ୍ରୀ ଜବତ ହୋଇଛି l ଖବର ଅନୁଯାୟୀ ଛତିଶଗଡ଼ ସୀମାନ୍ତ ରେ ଥିବା ଦୁର୍ଗମ ପାଟ୍ଟଦରା ଜଙ୍ଗଲର ନଙ୍ଗଲଘାଟ ଅଞ୍ଚଲରେ ମାଓ କ୍ୟାମ୍ପ ଥିବା ପୋଲିସକୁ ଗୁଇନ୍ଦା ସୂଚନା ଦେଇଥିଲା l ଏହି ସୂଚନା ଆଧାରରେ ସୋମବାର ଦିନ SOG,DVF, ଓ CRPF ଙ୍କ ମିଳିତ ଉଦ୍ୟମରେ ଜଙ୍ଗଲରେ ଚଡାଉ କରିଥିଲେ l କମ୍ପିଁ ଅପରେସନ ସମୟରେ ଜଙ୍ଗଲରୁ ଏକ ମାଓ କ୍ୟାମ୍ପ ଠାବ ହୋଇଥିଲା l ଏହି ମାଓ କ୍ୟାମ୍ପରୁ ଏକ୍ସପ୍ଲୋସିଭ ପାଉଡର, ଚକୋଲେଟ୍ ବମ, ମେଡ଼ିସିନ୍, ପ୍ଲାଷ୍ଟିକଜାର, ରୋଷେଇ ସାମଗ୍ରୀ, ସହ ଅନେକ ମାଓ ସାମଗ୍ରୀ ଜବତ ହୋଇଛି l ସେପଟେ ସୁରକ୍ଷା ବାହିନୀଙ୍କ ପକ୍ଷରୁ ଜଙ୍ଗଲରେ ବର୍ତ୍ତମାନ ବି କମ୍ପିଂ ଅପରେସନ ଚାଲିଛି, ଏନେଇ ସୂଚନା ଦେଇଛନ୍ତି ନୂଆପଡ଼ା ଏସପି ଗୁଣ୍ଡଳା ରେଡ୍ଡୀ ରାଘବେନ୍ଦ୍ର

(ନୂଆପଡ଼ା ଜିଲ୍ଲାରୁ ବିଶି ଚନ୍ଦନ ମାଝୀ ଙ୍କ ରିପୋର୍ଟ)