16-Jul-2023

ବେଲପଡ଼ା/ପାଟଣାଗଡ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ସ୍ଥାନୀୟ ଆଦିବାସୀ ଭବନ ବ୍ରହ୍ମପୁରା ଠାରେ ଜିଲ୍ଲା ଆଦିବାସୀ କଲ୍ୟାଣ ସଙ୍ଘ ଆହ୍ୱାନ କ୍ରମେ ଶ୍ରୀ ଗିରିରାଜ ଭୋଇଙ୍କ  ସଭା ସଂଚାଳନାରେ  ବ୍ଲକ ସମ୍ପାଦକ ଶ୍ରୀଯୁକ୍ତ ସାରଥୀ ବାଗ ଅଧ୍ୟକ୍ଷତା କରିଥିଲେ । ସଭାରେ ଆଦିବାସୀ ମାନଙ୍କ କଳା ସଂସ୍କୃତି, ପରମ୍ପରା, ଐତିହ୍ୟ, ପୂଜା ପଦ୍ଧତି, ସାମ୍ବିଧାନିକ ଅଧିକାର ,ଶିକ୍ଷା ଅଧିକାର ,ସାମାଜିକ ସୁରକ୍ଷା, ସରକାରୀ ସୁବିଧା ସୁଯୋଗ , ଆଦିବାସୀ ମାନଙ୍କ ଉପରେ ଅନ୍ୟାୟ ଅତ୍ୟାଚାର ବଢୁଛି, ପୋଲିସ ଆଦିବାସୀ ମାନଙ୍କ କେସ ରେ ଟାଳଟୁଳ ନୀତି କରୁଛି , ନକଲି ଆଦିବାସୀ ହଟେଇବା ପ୍ରକ୍ରିୟା ପୁରାପୁରି ବନ୍ଦ ଅଛି ଏ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରି କେନ୍ଦ୍ର ସରକାର ବର୍ତ୍ତମାନ ଆଦିବାସୀ ଉପରେ ଆଉ ଗୋଟିଏ ବିପଦ UCC (ୟୁନିଫର୍ମ ସିଭିଲ କୋଡ଼)କୁ ଲଦିଦେଇ ଆଦିବାସୀ ଙ୍କୁ ତଳିତଲାନ୍ତ କରିବା ପାଇଁ ହୀନ ଚକ୍ରାନ୍ତ କରୁଥିବାରୁ କେନ୍ଦ୍ର ସରକାରଙ୍କ ନୀତିକୁ ସଭାରେ ଦୃଢ଼ ନିନ୍ଦା କରାଯାଇଛି । ଆଦିବାସୀ ସଂଘ କୁ ତୃଣମୂଳ ସ୍ତରରେ ଆହୁରି ମଜବୁତ କରିବା ପାଇଁ ସଭାରେ

ପ୍ରସ୍ତାବ ଆଗତ କରଯାଇଥିଲା । ଅଧିକାର ହାସଲ ହେବା ପର୍ଯ୍ୟନ୍ତ ଆନ୍ଦୋଳନ, ସଭା ସମିତି କୁ ନିୟମିତ ଭାବରେ ଚାଲୁ ରଖିବା ପାଇଁ ଆହ୍ୱାନ ଦିଆଯାଇଥିଲା । ଆଗାମୀ ଅଗଷ୍ଟ ୯ରେ ବିଶ୍ୱ ଆଦିବାସୀ ଦିବସକୁ ମହା ଆଡମ୍ବରରେ ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି ।ୟୁ ସି ସି  କୁ ପ୍ରତ୍ୟାହାର କରିବା ପାଇଁ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ କରିବା ପାଇଁ ନିଷ୍ପତ୍ତି ନିଆଯାଇଛି । ଆଜିର ସଭାରେ ଲେକ୍ରୁ ଧରୁଆ, ଧବଳେଶ୍ବର ଭୋଇ,ମୁରଲୀ ଭୋଇ, ଅରକ୍ଷିତ ବନଗୁଲା, ଯୁଧିଷ୍ଠିର ମିର୍ଧା, ଗୌରାଙ୍ଗ ବରିହା, ଅକ୍ରୁର ଭୋଇ, ଶିବ ଚରଣ ବରିହା ପ୍ରମୁଖ ଉଦବୋଧନ ଦେଇଥିବା ବେଳେ ଜଳ ଧରୁଆ, ଦାରାସିଂ ବରିହା,ଝସକେତନ ଧରୁଆ, ରଞ୍ଜିତ ବରିହା, ମିତ୍ର ଭୁଏ, ହୃଷିକେଶ ଭୋଇ,ଭାବଗ୍ରାହୀ ବରିହା, ବଳରାମ ବରିହା, ଅବଦୂତ ବରିହା, ରାମ ବରିହା, ପିଣ୍ଟୁ ବୁଡେକ, ଶ୍ରୀକର ବରିହା, ଚୁଡାମଣି ଧରୁଆ, ଘନ ଭୁଏ, ରାହସ ଧରୁଆ, ନବୀନ ଛତ୍ରୀଆ,ଲୋକନାଥ ବେହେରା ଙ୍କ ସହିତ ଶତାଧିକ ଆଦିବାସୀ ମାନେ ଯୋଗଦେଇଥିଲେ ।