16-Jul-2023

ବଲାଙ୍ଗିର(ପ୍ରେରଣା ଖବର ): ବଲାଙ୍ଗିର ସଦର ବ୍ଲକ ସ୍ଥିତ ଫୁଲଝର ଠାରେ ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ତରଫରୁ ଏକ ବିଶାଳ ମେଳି ଅନୁଷ୍ଠିତ ହୋଇଯାଇଛି l ଏହି ମହାସଭା ରେ ରାଜ୍ୟସଭା ସାଂସଦ ନିରଞ୍ଜନ ବିଶି ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ lସଂଘର ବ୍ଲକ ସଭାପତି ନିମାଇଁ  ଚରଣ ଝାଙ୍କରଙ୍କ ସଭାପତିତ୍ୱରେ ଅନୁଷ୍ଠିତ ବୈଠକ ରେ ସମାନ ନାଗରିକ ସଂହିତା ରେ ଆଦିବାସୀ ମାନଙ୍କ ପ୍ରଥlଗତ ଅଧିକାର, ସଂସ୍କୃତି, ପରମ୍ପରା ପ୍ରତି ବିପଦ ଆଶଙ୍କା ଥିବାରୁ ଏହି କାନୁନ ବିରୁଦ୍ଧରେ ଆନ୍ଦୋଳନ କରିବା, ଆଦିବାସୀ ମାନଙ୍କ ଶିକ୍ଷାର ବିକାଶ, ଅର୍ଥନୈତିକ ପ୍ରଗତି, ସାମାଜିକ ବିକାଶ, ଓଡିଶା ସରକାର ଙ୍କ ସ୍ୱତନ୍ତ୍ର ଉନ୍ନୟନ ପରିଷଦ ତରଫରୁ ଆଦିବାସୀ ମାନଙ୍କ ଲୋକ ନୃତ୍ୟ, ଗୀତ, ବାଦ୍ୟ, ସଙ୍ଗୀତ, ସଂସ୍କୃତି, ଦେବଦେବୀ ପୂଜାସ୍ଥଳୀର ବିକାଶ, ଆଦିବାସୀ ଯାନିଯାତ୍ରା ପର୍ବ ପର୍ବାଣୀ, ଜୀବନଜୀବିକା ର ବିକାଶ,ମୋ ଘର ଯୋଜନା,ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ମହିଳା ଏସ.ଏଚ.ଜି କୁ ବିନା ସୁଧରେ ପାଞ୍ଚ ଲକ୍ଷ ଟଙ୍କା ଋଣ,ରାଜ୍ୟ ସରକାରଙ୍କ

ଆଦିବାସୀ ସଶକ୍ତିକରଣ ଯୋଜନା ବିଷୟରେ ଆଲୋଚନା କରାଯାଇଥିଲା l ଉକ୍ତ କାର୍ଯ୍ୟକ୍ରମ ରେ  ସଭାପତି ନିମାଇଁ ଝାଙ୍କର, ଆଦିବାସୀ ନେତା ପାଲା ଭୋଇ, ଗଣ୍ଡ ସମାଜର ନେତା ସୀତାରାମ ଧରୁଆ, କୋଷାଧ୍ୟକ୍ଷ ପ୍ରଫୁଲ୍ଲ କୁମାର ତୁମୁନିଆଁ, ମଧୁ ବିଶ୍ୱାଳ, ରବୀନ୍ଦ୍ର କଇଣ୍ଡା, ହେମନ୍ତ ପୁଟା, ହରିବୋଲ ସଳତର, ଭାସ୍କର ନାଗ, ଯୁଗଳ କିଶୋର ବରିହା, ଶ୍ରୀକର ମଲ୍ଲିକ ଶିବରାମ ସିଂ ମାଝି, ପ୍ରେମରାଜ ସିଂ ମାଝି ଝେକୃ ବିଶ୍ୱାଳ, ଶଶୀକାନ୍ତ ଯାନୀ,ଘନଶ୍ୟାମ ଧରୁଆ, ସରୋଜ ଭୋଇ ପ୍ରମୁଖ ଉଦବୋଧନ ଦେଇଥିଲେ l ବଲାଙ୍ଗିର ସଦର ବ୍ଲକ ର ସମସ୍ତ ପଞ୍ଚାୟତ ସ୍ତରୀୟ ଆଦିବାସୀ କର୍ମକର୍ତ୍ତା ଉପସ୍ଥିତ ଥିଲେ l ଅଚ୍ୟୁତ ଧରୁଆ ଧନ୍ୟବାଦ ଅର୍ପଣ କରିଥିଲେ l