15-Jul-2023

ବଲାଙ୍ଗୀର(ପ୍ରେରଣା ଖବର)ପିଆର ହାଇସ୍କୁୁଲ ଇନଡୋର ଷ୍ଟାଡିଅମ ଠାରେ ଓଡିଶା ରାଜ୍ୟ ବ୍ୟାଡମିନ୍ଟନ ସଂଘ ଏବଂ ଜିଲ୍ଲା ବ୍ୟାଡମିନ୍ଟନ ସଂଘର ଅୟୋଜନରେ ଚାଲିଥିବା  ଓସବା ରାଜ୍ୟ ସିନିଅର ବ୍ୟାଡମିନ୍ଟନ ର‌୍ୟାଙ୍କିଂ ପ୍ରତିଯୋଗିତା ଆଜି ଫାଇନାଲ ଅନୁଷ୍ଠିତ ହେବ । ସମସ୍ତ ବର୍ଗରେ ର‌୍ୟାଙ୍କ ତଥା ନାମୀ ଖେଳାଳିମାନେ ଚୁଡାନ୍ତ ପର୍ଯ୍ୟାୟକୁ ଉନ୍ନିତ ହୋଇଥିବାବେଳେ ସମସ୍ତ ବର୍ଗରେ ଟାଇଟଲ ପାଇଁ ଜୋରଦାର ଲଢେଇ ହେବା ଏକ ପ୍ରକାର ନିଶ୍ଚିତ ହୋଇଯାଇଛି । ପ୍ରତିଯୋଗିତାର ଦ୍ୱିତୀୟ ଦିବସ ଶନିବାର ଦିନ ଖେଳ କାର୍ଯ୍ୟସୁଚୀ ଅନୁଯାୟୀ ସକାଳ ୯ଟାରେ ଆରମ୍ଭ ହୋଇଥିଲା । ପୁରୁଷ ଏକକ ବିଭାଗରେ ଆର‌୍ୟା ମାଝୀ, ଅମୀୟ କୁମାର, ଅମ୍ରିତ ମହାନ୍ତି, କାନୁରି ମୁରଲୀ କ୍ରିଷ୍ନା, ଆୟୁଷ ଦାଶ, ସ୍ୱାଧିନ ଗୌଡା, ଅଭିଜିତ ମହାରଣା ଓ ବିକ୍ରାନ୍ତ ଜାନୀ ପରବର୍ତ୍ତି ପର୍ଯ୍ୟାୟ କୁ ଉନ୍ନିତ ହୋଇଛନ୍ତି ।

ମହିଳା ଏକକ ବିଭାଗରେ ରାଶେସ୍ୱରୀ ଖୋର, ଇଷାନୀ ସାହୁ, ସିରିନ ସାଲିକ, ମନୋଲିନା ମହାରଣା, ଅମିତା ଘୋଷ ନିଜର ମ୍ୟାଚ ଜିତି ପରବର୍ତ୍ତି ରାଉଣ୍ଡକୁ ପହଞ୍ଚିଛନ୍ତି । ମିଶ୍ରିତ ଯୁଗଳ ବର୍ଗରେ ଆୟୁଷ ଦାଶ ଓ ପୁର୍ବା ପ୍ରତ୍ୟାଶା, ଅମ୍ରିତ ମହାନ୍ତି ଓ ଶୃତି ସ୍ୱାଇଁ, ଅଭିଜିତ ମହାରଣା ଓ ହର୍ଷିତା ରାଉତ, ସିରିନ ସଲିକ ଓ ତନ୍ମୟ ସାହୁଙ୍କ ଯୋଡି ସେମିଫାଇନାଲ ଟିକଟ ଉପରେ କବଜା କରିଛନ୍ତି । ପୁରୁଷ ଯୁଗଳରେ ସମସ୍ତ ଶିର୍ଷ ର‌୍ୟାଙ୍କଧାରୀ ଖେଳାଳି ଯଥା ଅମ୍ଲାନ ଗଡନାୟକ ଓ ତନ୍ମୟ ସାହୁ, ଆଶିଷ ମିଶ୍ର ଓ ସୁମନ୍ତ ମହନ୍ତ, ଆର‌୍ୟା ମାଝୀ ଓ ମୁରଲୀ କ୍ରୀଷ୍ନା,

ଅମୟ କୁମାର ଓ ଅନିର୍ବାନ ମଣ୍ଡଲ, ଡି ମନିକାନ୍ତ ଓ ସିର୍ଦ୍ଧାଥ ନାୟକ, ଅଭୟ ମହାରଣା ଓ ଶୁଭମ ଦାଶ, ଅଭୀଜିତ ମହାରଣା ଓ ଅମ୍ରିତ ମହାନ୍ତି ପ୍ରମୁଖ ନିଜ ପ୍ରତିଦ୍ୱନ୍ଦିଙ୍କ ବିପକ୍ଷରେ ଚମତ୍କାର ଖେଳ ପ୍ରଦର୍ଶନ କରି ପରବର୍ତ୍ତି ପର୍ଯ୍ୟାୟକୁ ପହଞ୍ଚିଛନ୍ତି । ପ୍ରତିଯୋଗିତାରେ ବିଜୟ ବାଗ ଚିଫ ରେଫରି ଓ ମନରଞ୍ଜନ ଦାଶ ପର୍ଯ୍ୟବେକ୍ଷକ ଭାବେ ଦାଇତ୍ୱ ତୁଳାଉ ଥିବା ବେଳେ ସାରା ରାଜ୍ୟରୁ ବଛା ବଛା ୧୮ ଜଣ ଓସବା ସ୍ୱିକୃତୀପ୍ରାପ୍ତ ଅମ୍ପାଆର ଖେଳ ପରିଚାଳନା କରୁଛନ୍ତି । ତେବେ ରବିବାର ଦିନ ଅପରାହ୍ନ ସନ୍ଧ୍ୟା ୪ ଟାରୁ ସମସ୍ତ ବିଭାଗର ଫାଇନାଲ ଖେଳ ଅନୁଷ୍ଠିତ ହେବା ନେଇ ସୁଚନା ରହିଛି ।