15-Jul-2023

(ଦେବାଶିଷ ବହିଦାର )
ଟିଟିଲାଗଡ଼ ଠାରେ ଉନ୍ନତିମୂଳକ ପ୍ରକଳ୍ପର ଉଦଘାଟନ ଶ୍ରୀଯୁକ୍ତ ନବୀନ ପଟ୍ଟନାୟକ, ମାନ୍ୟବର ମୁଖ୍ୟମନ୍ତ୍ରୀଙ୍କ କରକମଳ ଦ୍ବାରା ଆଭାସୀ ମାଧ୍ୟମରେ ୦୬ କୋଟି ୬୨ ଲକ୍ଷ ୪୦ ହଜାର ଟଙ୍କା ବ୍ୟୟରେ ନିର୍ମାଣ ହୋଇଥିବା ଗୋଡିଆଯୋର ନୂତନ ହାଇଲେଭେଲ ସେତୁ, ୧କୋଟି ୫o ଲକ୍ଷ ବ୍ୟୟରେ ଟିଟିଲାଗଡ ସଦର ମହକୁମା ଠାରେ ନବ ନିର୍ମିତ ଟାଉନ ହଲକୁ ମୁଖ୍ୟମନ୍ତ୍ରୀ ଉଦଘାଟନ କରିଛନ୍ତି ଏବଂ ମହିଳା ସ୍ଵୟଂ ସହାୟିକା ଗୋଷ୍ଠୀ, ବଲାଙ୍ଗୀରଙ୍କୁ ଟାଙ୍କେର କ୍ରେୟ ନିମନ୍ତେ ୫୦ ଲକ୍ଷ ମୂଲ୍ୟର  ଚେକ ଏହି କାର୍ଯ୍ୟକ୍ରମରେ ପ୍ରଦାନ କରାଯାଇଥିଲା   l ଏହି ଅବସରରେ ଶ୍ରୀମତୀ ଟୁକୁନୀ ସାହୁ, ମାନ୍ୟବର ମନ୍ତ୍ରୀ, ଜଳ ସମ୍ପଦ ଓ ପରିବହନ , ଓଡ଼ିଶା ସରକାର,  ଶ୍ରୀଯୁକ୍ତ ସରୋଜ ମେହେର, ମାନ୍ୟବର ବିଧାୟକ, ପାଟଣାଗଡ଼,  ଶ୍ରୀଯୁକ୍ତ ଚଞ୍ଚଳ ରାଣା, ଜିଲ୍ଲାପାଳ, ବଲାଙ୍ଗୀର,  ଶ୍ରୀମତୀ ଦେବକୀ ସାହୁ, ଅଧ୍ୟକ୍ଷା, ଜିଲ୍ଲା ପରିଷଦ, ଶ୍ରୀମତୀ  ଉର୍ମିଳା ମାଝୀ, ଉପାଧ୍ୟକ୍ଷା, ଜିଲ୍ଲାପରିଷଦ,  ଶ୍ରୀଯୁକ୍ତ ଦୟାମୟ ପାଢ଼ୀ, ଉପଜିଲ୍ଲାପାଳ, ଟିଟିଲାଗଡ, ପଶ୍ଚିମ ଓଡିଶା ବିକାଶ ପରିଷଦ ସଭ୍ୟ ଶ୍ରୀ ହଂସରାଜ ଜୈନ ପ୍ରମୁଖ ମଂଚାସୀନ ଥିଲେ l ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ଅସିତ ତ୍ରିପାଠୀ ନିଜ ବକ୍ତବ୍ୟରେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାର ବିକାଶ ପାଇଁ ଅଧିକ ଗୁରୁତ୍ୱ ଦେଉଛନ୍ତି ବୋଲି କହିଥିଲେ,  ସେଥି ନିମନ୍ତେ ସେ ପଶ୍ଚିମ ଓଡିଶା ବିକାଶ ସକାଶେ ବିଭିନ୍ନ ପ୍ରକଳ୍ପ ଗୁଡିକ ହାତକୁ ନେଇ ଯଥା ଶୀଘ୍ର କାର୍ଯ୍ୟ ସମ୍ପୂର୍ଣ୍ଣ ପାଇଁ ନିର୍ଦେଶ ଦେଇଛନ୍ତି  ବୋଲି ମତବ୍ୟକ୍ତ ଦେଇଥିଲେ l ମୁଖ୍ୟମନ୍ତ୍ରୀ ସମସ୍ତଙ୍କୁ ଜୁହାର କହି ବକ୍ତବ୍ୟ ଆରମ୍ଭ କରି ପଶ୍ଚିମ ଓଡିଶାର ବିକାଶ ମୋର ଲକ୍ଷ୍ୟ ବୋଲି କହିଥିଲେ l କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଶ୍ରୀ ବିପିନ ବିହାରୀ ଦୀପ, ନିର୍ବାହୀ ଅଧିକାରୀ, ପୌରପରିଷଦ,  ଡ଼ ଲଳିତ ବାଗ, ତହସିଲଦାର,  ପଦାଧିକାରୀ, ଶ୍ରୀ ଅରୁଣ ମିଶ୍ର ଙ୍କ ସମେତ ବହୁ ମହିଳା ସ୍ଵୟଂ ସହାୟିକା ଗୋଷ୍ଠୀ ସଦସ୍ୟା  ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ l