14-Jul-2023

ବଲାଙ୍ଗୀର(ଦେବାଶିଷ ବହିଦାର ): ଶିଶୁ ଓ ମହିଳା ବିକାଶ ସୋସାଇଟି (ସିଡବ୍ଲୁଡିଏସ୍‌)ର ଅଧ୍ୟକ୍ଷ ମେଜର ଡା. କଳ୍ପନା ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବଲାଙ୍ଗୀର ଜିଲ୍ଲାର ସଇଁନ୍ତଳା ବ୍ଲକରେ  ଅନ୍ତର୍ଗତ ଡେଙ୍ଗ ଗ୍ରାମ ପଞ୍ଚାୟତ ପାର୍ଶ୍ଵଦେଇ ପ୍ରବାହିତ  ଲାନ୍ଥ ନଦୀ କୂଳରେ ବୃକ୍ଷ ଓ ମଞ୍ଜି ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବରେ ପ୍ରକୃତିପ୍ରେମୀ ଯଥା ଡେଙ୍ଗ ହାଇସ୍କୁଲର ପ୍ରଧାନଶିକ୍ଷକ ଚଣ୍ଡାଳ ମିଶ୍ର ଯୋଗଦେଇ  ଥିଲେ । ନଦୀ କୂଳରେ ବୃକ୍ଷ ରୋପଣ ଦ୍ଵାରା ପରିବେଶର ଦୁଇଟି ଲକ୍ଷ ସାଧିତ ହେବ । ବୃକ୍ଷ ଆମକୁ ଯାହାଦେବା କଥା ଦେବ ଆହୁରି ମଧ୍ୟ ମୂର୍ତ୍ତିକା ସଂରକ୍ଷଣ

ହୋଇପାରିବ  ବୋଲି ଅତିଥି ଶ୍ରୀମିଶ୍ର ମତବ୍ୟକ୍ତ କରିଥିଲେ । ଡେଙ୍ଗ ଗ୍ରାମର ଯୁବ ଗୋଷ୍ଠୀଙ୍କୁ ନେଇ   ଅନୁଷ୍ଠିତ ହୋଇଥିବା   କାର୍ଯ୍ୟକ୍ରମରେ ଲାନ୍ଥ ନଦୀ କୂଳରେ ଏକ  ଶହ ଚାର ଓ  ପାଞ୍ଚ ହଜାରରୁ ଅଧିକ ମଞ୍ଜି ରୋପଣ କରାଯାଇଥିଲା ।

କାର୍ଯ୍ୟକ୍ରମରେ  ଶିଶୁ ଓ ମହିଳା ବିକାଶ ସୋସାଇଟି ସଭ୍ୟ ମନ୍ଥନ ଭୋଇ, ସୁନୀଲ ରଣା, ଯଜ୍ଞାନେଶ୍ୱର ରଣା, ପୃଷ୍ଟିରଞ୍ଜନ ରଣା, ଆକାଶ ରଣା , ଶ୍ରିତମ ରଣା , ତୋଫାନ ରଣା, ହିତେଶ ଭୋଇ, ଗ୍ରାମବାସୀ ଜିତୁ ଭୋଇ, ନିମାଇଁ ଚରଣ ବଗର୍ତ୍ତି, ବସନ୍ତ ରଣା  ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମକୁ  ଦୀପକ ସେନ ଧରୁଆ ପରିଚାଳନା କରିଥିଲା ବେଳେ ରାମ ନାରାୟଣ ଦାଶ ଧନ୍ୟବାଦ ଅର୍ପଣ କରିଥିଲେ ।