12-Jul-2023

ଡୁଙ୍ଗୁରିପାଲି,(ଅରବିନ୍ଦ ମିଶ୍ର )- ମାୟାବର୍ହା ଉଚ୍ଚ ପ୍ରାଥମିକ ବିଦ୍ୟାଳୟ ରେ ପଢୁଥିବା ଜଣେ ଛାତ୍ରୀଙ୍କୁ ଭାରତୀୟ ରେଡକ୍ରସ ତରଫରୁ ମେଡିକାଲ ଖର୍ଚ୍ଚ ନିମନ୍ତେ ଆର୍ଥିକ ସହାୟତା ପ୍ରଦାନ କରାଯାଇଛି। ଉକ୍ତ ସ୍କୁଲର ଅଷ୍ଟମ ଶ୍ରେଣୀ ରେ ପଢୁଥିବା ଶ୍ବେତା ଘିବିଲା ନାମକ ଜୈନିକ ଛାତ୍ରୀ ଖେଳ ସମୟରେ ପଡିଯାଇ ନିଜର ଡାହାଣ ଗୋଡ଼ରେ ଫ୍ରାକଚର ହୋଇଯିବାରୁ ବରଗଡର ଏକ ଘରୋଇ ହସ୍ପିଟାଲରେ ଚିକିତ୍ସା ହୋଇଥିଲେ। ଫ୍ରାକଚର ମେନେଜମେଣ୍ଟ ବାବଦରେ ଝିଅ ର ଅଭିବାକ ଙ୍କ ଉପରେ ଆର୍ଥିକ ବୋଝ ପଡିଥିଲା। ଝିଅର ବାପା ଏ ବିଷୟରେ ଜିଲ୍ଲା ଜୁନିୟର ରେଡ କ୍ରସ ଅଫିସର ରବିଚନ୍ଦ୍ର ପଶାୟତ ଙ୍କୁ ରେଡକ୍ରସ ତରଫରୁ କିଛି ଆର୍ଥିକ ସହାୟତା ଯୋାଇଦେବାକୁ ଅନୁରୋଧ କରିଥିଲେ । ପରବର୍ତ୍ତୀ ସମୟରେ ସବିଶେଷ ତଥ୍ୟ ସହିତ ଜିଲ୍ଲା ଶିକ୍ଷା ଅଧିକାରୀଙ୍କ ଅନୁମୋଦନ କ୍ରମେ ଏବଂ ରାଜ୍ୟ ଜୁନିୟର ରେଡ କ୍ରସ ଅଧିକାରୀ ଲକ୍ଷ୍ମଣ ସ୍ୱାଇଁଙ୍କ ସଂଯୋଜନାରେ ଭାରତୀୟ ରେଡ କ୍ରସ ଓଡ଼ିଶା ରାଜ୍ୟ ଶାଖା ଦଶ ହଜାର ଟଙ୍କା ଉକ୍ତ ଛାତ୍ରୀ ଶ୍ୱେତା ଘିବିଲା ଙ୍କୁ ଆର୍ଥିକ ସହାୟତା ପ୍ରଦାନ କରିଛନ୍ତି। ଅତିରିକ୍ତ ଜିଲ୍ଲା ଶିକ୍ଷାଧିକାରୀ ତଥା ଜିଲ୍ଲା ଜୁନିୟର ରେଡ କ୍ରସ ସମ୍ପାଦକ ଡ. ରାଧାକାନ୍ତ ଗଡତିଆ, ଏଡିଇଓ ମଞ୍ଜୁଲତା ଭୋଇ, ଭାଇସ ଚେୟାରମ୍ୟାନ ଗତିକୃଷ୍ଣ ମିଶ୍ର ପ୍ରମୁଖ ଶ୍ୱେତାଙ୍କୁ ସୁସ୍ଥ ରହିବାକୁ ଶୁଭେଚ୍ଛା ଜଣାଛନ୍ତି।