15-Jun-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଥାନରେ ନୂତନ ଥାନା ଅଧିକାରୀ ସୁଶାନ୍ତ ପଧାନ କାର୍ଯ୍ୟରେ ଯୋଗଦାନ କରିଛନ୍ତି।  ଏହି ଅବସରରେ  ବୀରମହାରାଜପୁର କାର୍ଯ୍ୟକାରୀ ସାମ୍ବାଦିକ ସଂଘ ପକ୍ଷରୁ ଥାନା କାର୍ଯ୍ୟାଳୟକୁ ଯାଇ ଶ୍ରୀ ପଧାନ ଙ୍କୁ ଉପଢୌକନ ଦେଇ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ପୂର୍ବରୁ  ଥାନା ଅଧିକାରିଣୀ ଅଞ୍ଜଳି କୁମ୍ଭାର ସମ୍ବଲପୁର ଜ଼ିଲ୍ଲାକୁ ବଦଳି ପରେ ଉକ୍ତ ସ୍ଥାନ ଖାଲି ରହିଥିଲା। ଗତ ଆଠ ତାରିଖ ଦିନ ନିଜ କାର୍ଯ୍ୟରେ ଯୋଗଦାନ କରିଥିବା ପ୍ରକାଶ କରିଥିଲେ। ଶ୍ରୀ ପଧାନ ଆଗରୁ ଗଞ୍ଜାମ ଜିଲ୍ଲା ଓ ପରେ ସୋନପୁର ହେଡ ଅଫିସରେ କାର୍ଯ୍ୟରତ ରହିଥିଲେ। ଏହି ଅଞ୍ଚଳ ରେ କିଭଲି ଆଇନ ଶୃଙ୍ଖଳା ଠିକରେ ରହିବ ଏବଂ ‌ଜନସାଧାରଣ ପୁଲିସ ଉପରେ ଭରସା ରଖିବେ ସେ ଉପରେ ଦୃଷ୍ଟି ଦେବା ପାଇଁ କହିଥିଲେ। ଏଥିରେ ‌ଗୈରୀଶଙ୍କର ପାଣିଗ୍ରାହୀ, ସନାତନ ନାଗ, ଗୋକୁଳାନନ୍ଦ ସାହୁ, ଶୁଶିଲ ପଣ୍ଡା, ଶତୃଘନ ମେହେର, ପ୍ରଦିପ କୁମାର ରଥ, ବିନୋଦ ପାଣ୍ଡେ ଓ ରାଜେଶ ସେଠି ପ୍ରମୁଖ ଉପସ୍ଥିତ ରହି ଅଞ୍ଚଳ ଆଇନ ଶୃଙ୍ଖଳା ଉପରେ ଆଲୋଚନା କରିଥିଲେ।