14-Jun-2023

ବ୍ରହ୍ମପୁର(ଝିଲ୍ଲି କୁମାରୀ ସାହୁ ): ରଜହେଉଛି  ନିଆରା ଆନନ୍ଦର ଉତ୍ସବ  , ଏହି ପର୍ବ ସମସ୍ତ ଓଡିଶା ବାସି  ତିନିଦିନ ଧରିଅତିଆନନ୍ଦର ସହ ପାଳନକରନ୍ତି 

 l ପ୍ରଥମ ଦିନକୁ ପହିଲି ରଜ ବୋଲି କୁହାଯାଏ, ସମସ୍ତେ ଖୁସିମନରେ ତିନିଦିନ ଧରି ପାଳନ କରନ୍ତି ରଜକୁ ସେହିପରି ଏହି ଉତ୍ସବକୁ ଅତି ଆନନ୍ଦ ଓ ଉତ୍ସାହର ସହ ପାଳନ କରିଛନ୍ତି ଦୃଷ୍ଟିବାଧିତ  ଛାତ୍ର /ଛାତ୍ରୀ ମାନେ    l ବ୍ରହ୍ମପୁର ଅନ୍ଧ ପସରା ରୋଡ଼ରେ ଥିବା ଦୃଷ୍ଟି ବାଧିତ ଆଶ୍ରମ ର ସମସ୍ତ ଛାତ୍ର /ଛାତ୍ରୀ ମାନେ ପ୍ରତି ବର୍ଷଭଳି ଏଇ ବର୍ଷ ମଧ୍ୟ ବ୍ରହ୍ମପୁର କର୍ପୋରେଟର ରୋଡଠାରେଥିବା ବିଜୁପଟ୍ଟନାୟକ ପାର୍କ ରେ ରଜ ଉତ୍ସବ ପାଳନ କରିଥିଲେ  l ବିଭିନ୍ନ ପିଠା , ମିଠା ଖାଇବା ସହ ରଜ

ଗୀତ ଗାଈ  ରଜର ମଜା ବେଶ ଉପଭୋଗ କରିପାରିଛନ୍ତି   l ହାତରେ ମେହେନ୍ଦି, ପାଦରେ ଅଳତା,  ନୁଆଁ ବସ୍ତ୍ର ପିନ୍ଧି, ଆନନ୍ଦ ର ସହ ରଜଉତ୍ସବକୁ ପାଳନ କରିଥିଲେ l  ଦୃଷ୍ଟିହୀନ ଆଶ୍ରମର

ସମ୍ପାଦକ ଭବାନୀ ଶଙ୍କର ପାଢ଼ୀ ଙ୍କ ଅଧ୍ୟକ୍ଷତାରେ ଏବଂ ଆଶ୍ରମର ସମସ୍ତ କର୍ମଚାରୀଙ୍କ ସହଯୋଗରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଉକ୍ତ କାର୍ଯ୍ୟକ୍ରମରେ ଓଡିଶା କାଜୁନିଗମ ଅଧକ୍ଷ ସୁବାଶ ମହାରଣା, ବ୍ରହ୍ମପୁର ସାଂସଦ ଶ୍ରୀଯୁକ୍ତ ଚନ୍ଦ୍ରଶେଖର ସାହୁ, ମେୟର ଶ୍ରୀମତୀ ସଂଘମିତ୍ରା ଦଳେଇ ପ୍ରମୁଖ ଉପସ୍ଥିତ ଥିଲେ  l