13-Jun-2023

ଭୁବନେଶ୍ୱର  (ପ୍ରେରଣା ଖବର )
 ଏଫ୍ଏମ୍‌ଡି ଫିଲ୍ମ ଦ୍ୱାରା ପ୍ରସ୍ତୁତ କ୍ଷୁଦ୍ର ଚଳଚ୍ଚିତ୍ର ‘ପାପଗର୍ଭ’ ବର୍ତ୍ତମାନ ୫୦ରୁ ଅଧ‌ିକ ଜାତୀୟ ଓ ଆନ୍ତର୍ଜାତୀୟ ପୁରସ୍କାର ସମ୍ମାନର ଅଧିକାରୀ ହୋଇଛି। ୧୭ଟି କ୍ଷୁଦ୍ର ଚଳଚ୍ଚିତ୍ର ପ୍ରତିଯୋଗିତାରେ ୫୦ରୁ ଅଧିକ ପୁରସ୍କାରର ଅଧିକାରୀ ଭାବେ ମନୋନୀତ ହୋଇଛି କ୍ଷୁଦ୍ର ଚଳଚ୍ଚିତ୍ର ‘ପାପଗର୍ଭ’ । ଏହି ଚଳଚ୍ଚିତ୍ରରେ ଓଲିଉଡ୍‌ର ଆକ୍ସନ ଷ୍ଟାର ଚନ୍ଦନ କର ମୁଖ୍ୟ ଭୂମିକାରେ ଥ‌ିବା ବେଳେ ତାଙ୍କ ସହ ଅଭିନୟ କରିଥିଲେ ନବାଗତା ନାୟିକା ନିବେଦିତା ରାଉତ। ଏହାର କାହାଣୀ ରଚନା କରିଥିଲେ ଜଣାଶୁଣା ଲେଖକ ଏବଂ କବି ଶକ୍ତି ମହାନ୍ତି । ଏହାର ଚିତ୍ରନାଟ୍ୟ ଏବଂ ସଂଳାପ ପ୍ରସ୍ତୁତ କରିଥିଲେ ଓଲିଉଡ୍‌ର ଯୁବ ନିର୍ଦ୍ଦେଶକ ରାକେଶ ସାମଲ । ଏହି କ୍ଷୁଦ୍ର ଚଳଚ୍ଚିତ୍ରର ନିର୍ଦ୍ଦେଶନା ଦାୟିତ୍ବରେ ସାଇ ପ୍ରସାଦ । ଆଗକୁ ଏହି ଚଳଚ୍ଚିତ୍ରର ଦ୍ବିତୀୟ ଭାଗ ମଧ୍ଯ ଆସିବାକୁ ଯାଉଛି।