13-Jun-2023

ବେଲପଡା( ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ର ବାଗଦୋର ପଞ୍ଚାୟତ ବ୍ଳକ କାର୍ଯ୍ୟାଳୟ ଠାରୁ ଶେଷ ସୀମାରେ ଥିବା ବେଳେ ଏହି ଅଞ୍ଚଳ ର ଅଧିବାସୀ ଙ୍କ ପାଇଁ କିଛି ବିକଶିତ ହୋଇପାରୁନଥିଲା। କିନ୍ତୁ ଯୁବନେତା ପ୍ରଦୀପ କୁମାର ବେହେରା ଗତ ୨୦୨୨ ମସିହାରେ ସରପଞ୍ଚ ପଦବୀ ପାଇବାପରେ ଏହି ଅଞ୍ଚଳର ଉନ୍ନତିପଥ ଅଗ୍ରଗତି କରୁଛି। ସରକାରୀ ଯୋଜନା ଗୁଡିକ ଏଠି ବାଟମାରଣା ହେଉଥିଲା କିନ୍ତୁ ଯୁବ ସରପଞ୍ଚ ପ୍ରଦୀପ କୁମାର ବେହେରା ବାଟ

କାଢି ନେଇ ଘରକୁ ଘର ପହଞ୍ଚାଉଛନ୍ତି ।ନିଜସ୍ବ ଖର୍ଚ୍ଚ ରେ ଲୋକଙ୍କ ପାଖରେ ରାସନ୍ ସାମଗ୍ରୀ ଓ ବାର୍ଦ୍ଧକ୍ୟ ଭତ୍ତା ଘରକୁ ଘର ପହାଞ୍ଚାଇ ସେ ଚର୍ଚ୍ଚାରେ ରହିଛନ୍ତି। ଏହି ଅଞ୍ଚଳ ରେ ହରିଶ୍ଚନ୍ଦ୍ର ଯୋଜନା ବାଟବଣା ହୋଇଥିଲା କିନ୍ତୁ ସେ ଯୋଜନା କାର୍ଯ୍ୟକାରୀ କରି ଶତାଧିକ ଗରିବ ଲୋକଙ୍କୁ ହରିଶ୍ଚନ୍ଦ୍ର ଯୋଜନାରେ ସାହାଯ୍ୟ କରି ନିଜର ପ୍ରଶଂସା ସୁଆଁଟୁ ଥିବା ବେଳେ ଆଜି ପୁଣି କିଛି ଗରିବ ମୃତକଙ୍କ ପରିବାର ଠାରେ ପହଞ୍ଚିଛି ହରିଶ୍ଚନ୍ଦ୍ର ଯୋଜନା। ସୂଚନା ଅନୁସାରେ ବାଗଦୋର ଗ୍ରାମ ପଞ୍ଚାୟତ କୁମ୍ଭାରଖୁନ ଗାଁ ର ଶୁଭ ନାଥ ଗଏଁତା,ବୁଢ଼ା ଦୀପ ଓ  ଧଅଁରାଖମନ ଗାଁ ର ଭାଗିରଥି ପୁଟେଲ,ଲାଏବନୀ ବାଗ, କେତକୀ ମାଝୀ ଏବଂ ଝାଙ୍କ୍ରିପାଲି ଗାଁର  ମହାରାଗୀ ମିର୍ଦ୍ଧା, ବାସନ୍ତୀ ଚିରାଗୁନ ଙ୍କ ପାଖକୁ ଯାଇ ସରପଞ୍ଚ ପ୍ରଦୀପ କୁମାର ବେହେରା ସମବେଦନା ଜଣାଇବା ସହ ତାଙ୍କୁ ହରିଶ୍ଚନ୍ଦ୍ର ଯୋଜନାରେ ତିନି ହଜାର ଲେଖାଏଁ ବଣ୍ଟନ କରିଥିଲେ।ମୃତକ ନିରିହ ଗରିବ ଲୋକଙ୍କ ପ୍ରତି ଉଦାରତା ଦେଖାଇ ଅନ୍ୟାନ୍ୟ ସରକାରୀ ସହଯୋଗ ଯଥାଶୀଘ୍ର ଦେବା ପାଇଁ ପ୍ରତିଶ୍ରୁତି ଦେଇଛନ୍ତି। ଖାଲି ଏତିକି ନୁହେଁ ଗମନାଗମନ ସୁବିଧା,

ପାନୀୟଜଳ ସମସ୍ୟାର ସମାଧାନ, ଶିକ୍ଷା, ସ୍ବାସ୍ଥ୍ୟ ଉପରେ ମଧ୍ୟ ବିକାଶ କରିଚାଲିଛନ୍ତି। ଏହି ଯୁବନେତା ପ୍ରଦୀପ କୁମାର ବେହେରା ଯଦି କୌଣସି ଗରିବ ଲୋକଙ୍କ ପରିବାର ରେ ରୋଗୀଣା ରୁହେ ତାହେଲେ ବିନା ମୂଲ୍ୟରେ ସରକାରୀ ଏମ୍ବୁଲାନ୍ସ ଭଳି ନିଜ ଗାଡ଼ିରେ ମେଡିକାଲ ନେଇ ଚିକିତ୍ସା କରାଇଥାନ୍ତି ବୋଲି ଜନସାଧାରଣରେ ବେଶ୍ ପ୍ରଶଂସା ପାଉଛନ୍ତି।