01-Jun-2023

ଭୁବନେଶ୍ଵର(ପ୍ରେରଣା ଖବର ବ୍ୟୁରୋ ): ରାଜ୍ୟର ଅଗ୍ରଣୀ ସାଂସ୍କୃତିକ ଅନୁଷ୍ଠାନ "କଳାଶ୍ରୀ ଆର୍ଟ ଏକାଡେମୀ" ବଲାଙ୍ଗୀର ଆନୁକୂଲ୍ୟରେ ଆୟୋଜିତ ୧୬ତମ ସର୍ବଭାରତୀୟ ଯୋଗିନୀ ମହୋତ୍ସବ "ଝରିଏଲ୍" ଗତକାଲି ଭବନେଶ୍ୱର ଜୟଦେବ ଭବନ ଠାରେ ଉଦ୍‌ଯାପିତ ହୋଇ ଯାଇଛି ।

ଭାରତର ପ୍ରତିଦ୍ଧ ଯୋଗିନୀ ପୀଠ ରାଣୀପୁର ଝରିଏଲ୍ ର ଗାରିମାକୁ ବହନ କରି ଗୁରୁ ଆଲୋକ ଦାସଙ୍କ ପ୍ରଚେଷ୍ଟାରେ ଆୟୋଜିତ ଉତ୍ସବରେ ଶ୍ରୀମତୀ ମୀରା ପଣ୍ଡା ସଭାପତିତ୍ୱ କରିଥିବା ବେଳେ ଉପଦେଷ୍ଟା ଦୀପକ ଦାସ ଏବଂ ଗୁରୁପଦ ବଳିଆରସିଂହ ସଂଯୋଜନା କରିଥିଲେ । ଏଥିରେ ମୂଖ୍ୟ ଅତିଥି ପୁର୍ବତନ ଉପ ବାଚଷ୍ପତି ତଥା ସଂସ୍କୃତି ମନ୍ତ୍ରୀ ବିଭୂତି ଭୂଷଣ ସିଂହ

ମର୍ଦ୍ଦରାଜ, ସ୍ୱତନ୍ତ୍ର ଅତିଥି ସଂଗୀତଜ୍ଞ ପଣ୍ଡିତ ହରମୋହନ ଖୁଣ୍ଟିଆ, ସମ୍ମାନୀୟ  ଅତିଥ ଶ୍ରୀ ମାନସ ରଞ୍ଜନ ରାୟ  ଯୋଗ ଦେଇ ପଲ୍ଲୀ ରୁ ଦୀଲ୍ଲି ପର୍ଯ୍ୟନ୍ତ "ଝରିଏଲ" ର ଐତିହ ଏବଂ ଏ ଅଞ୍ଚଳର କଳାର ପ୍ରଚାର ପ୍ରସାର ଲକ୍ଷକୁ ପ୍ରଶଂସା କରିଥିଲେ । ଏହି ଅବସରରେ ଏକ ସ୍ମରଣିକା ଉନ୍ମୋଚନ ହେବା ସହିତ ଏ ବର୍ଷର "ଝରିଏଲ୍ ସମ୍ମାନ" ବିଶିଷ୍ଟ ସଂସ୍କୃତିପ୍ରେମୀ ଭାରତୀୟ ପ୍ରଶାସନିକ ସେବା ନିବୃତ ଡ଼ ଅରବିନ୍ଦ ବେହେରାଙ୍କୁ ପ୍ରଦାନ କରାଯାଇଥିବା ବେଳେ ଭାବ ସମ୍ରାଟ ଦିବାକର ମହାନ୍ତି, ଗୁରୁ ବଂଶୀଧର ପଣ୍ଡା, ଗୁରୁ ରାମଚନ୍ଦ୍ର ମହାନ୍ତି, ଗୁରୁ ପ୍ରଦୀପ କୁମାର ଦାସ, ଶ୍ରୀମତୀ ମଧୁମିତା ମିତ୍ର, ଗୁରୁ କୁଳମଣି ସାହୁ, ଡ଼ ସନ୍ଦୀପ କୁମାର ରାଉତ, ଶ୍ରୀମତୀ ମମତାମୟୀ ରାଉତରାୟ ଏବଂ ଶ୍ରୀମତୀ ସଙ୍ଗୀତା ରାଉତଙ୍କୁ ମାନପତ୍ର ପ୍ରଦାନ ସହିତ ସମ୍ବର୍ଦ୍ଧିତ କରାଯାଇଥିଲା  । ସଭା ପ୍ରାରମ୍ଭରେ ସଂଗୀତ ପରିବେଷଣ କରିଥିଲେ ଶ୍ରୀମତୀ କୃଷ୍ଣପ୍ରିୟା କର, ତନୁଶ୍ରୀ ମିଶ୍ର, ବର୍ଣ୍ଣାଳୀ ନାୟକ, ଶ୍ରେୟାଂଶୀ ତ୍ରିପାଠୀ, ବିଭାସ ବେହେରା, ଅନିମେଶ ଅନୁପମ, ଆଦ୍ଯାଶା ପ୍ରିୟଦର୍ଶିନୀ, ବାଦ୍ୟଯନ୍ତ୍ରରେ ଜୀବନ ପ୍ରକାଶ ଦାସ, ରମେଶ କୁମାର ସ୍ଵାଇଁ, ମାତୃପ୍ରସାଦ ପଣ୍ଡା,

ସଞୟ ରାଉତ  । ସାଂସ୍କୃତିକ କାର୍ଯ୍ୟକ୍ରମରେ ଶାସ୍ତ୍ରୀୟ ଯନ୍ତ୍ର ସଂଗୀତ ପରିବେଷଣ କରିଥିଲେ ବେହେଲା- ଡ଼ ଅରବିନ୍ଦ ବେହେରା ଓ ସୀତାର  ସୁବୀର କୁମାର ମିତ୍ର । ତବଲାରେ ଗୁରୁ ସୁରେଶ କୁମାର ବେହେରା ଏବଂ ଶାସ୍ତ୍ରୀୟ ସଂଗୀତ ଯୁଗଳବନ୍ଦୀରେ ତବଲାରେ ଗୁରୁ କୁଳମଣି ସାହୁ, କଣ୍ଠ ସଂଗୀତରେ ଶ୍ରୀମତୀ ସଙ୍ଗୀତା ରାଉତ ରାଗ                ପରିବେଷଣ କରିଥିଲେ । ଶେଷରେ ଡ଼ ସନ୍ଦୀପ କୁମାର ରାଉତଙ୍କ ସଂରଚନା ଓ ନିର୍ଦ୍ଦେଶନା ରେ ବାଦ୍ୟବୃନ୍ଦ "ପ୍ରକୃତୀ" ଉଚ୍ଚକୋଟିର ହୋଇଥିଲା । ଏହି କାର୍ଯ୍ୟକ୍ରମକୁ ଗୁରୁ ବିଶ୍ଵରଞ୍ଜନ ମିଶ୍ର, ଗୁରୁ ଅତନୁ ରାଉତ, ଗୁରୁ ମଞ୍ଜୁଶ୍ରୀ ମିଶ୍ର, ବିକ୍ରମ କିଶୋର ବେହେରା, ଡମ୍ବରୁଧର ଦାସ,  ବିନାୟକ ହୋତା, ସ୍ୱାଗତିକା ଦାସ ବିଶେଷ ସହଯୋଗିତା କରିଥିଲେ ।