21-Mar-2023

ବଙ୍ଗୋମୁଣ୍ଡା (ଅନୀଲ କୁମାର ତ୍ରିପାଠୀ ):

ଦ୍ବାଦଶ ଶତାବ୍ଦୀର କୋଣାର୍କ ପ୍ରତି ସରକାରଙ୍କ ଦୃଷ୍ଟି ରହିଛି ତେବେ ଷଷ୍ଠ ରୁ ନବମ ଶତାବ୍ଦୀର ଯୋଗିନୀ ପୀଠ ପାଇଁ କାହିଁକି ଉଦାସୀନ ସରକାର ( ସାଲୁଜା ) ।
ପର୍ଯ୍ୟଟନ କ୍ଷେତ୍ରରେ ଚିର ଅବହେଳିତ ହୋଇ ରହିଥିବା ରାଣୀପୁର ଝରିଆଲ ଯୋଗିନୀ ପୀଠର ବିକାଶ ପାଇଁ ଡେରିରେ ହେଲେବି ସ୍ବର ଉଠିଛି। ଏଥର ବାରମ୍ବାର ବିଭିନ୍ନ ଅଧିବେଶନ, ବିଭିନ୍ନ ପ୍ରୋଗ୍ରାମ, ବିଭିନ୍ନ ସ୍ଥାନରେ କଣ୍ଟବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ରାଣୀପୁର ଝରିଆଲ ଯୋଗିନୀ ପୀଠର ବିକାଶ ପାଇଁ ଅଣ୍ଟା ଭିଡିଛନ୍ତି। କେତେବେଳେ ମୁଖ୍ୟମନ୍ତ୍ରୀଙ୍କ ବଲାଙ୍ଗୀର ଗସ୍ତ ବେଳେ ଏକଥା ଉଠାଇଛନ୍ତି ତ କେତେବେଳେ ଖରିଆର ମହୋତ୍ସବରେ ତ କେତେବେଳେ ବଲାଙ୍ଗୀର ମହୋତ୍ସବ ରେ । ତେବେ ରାଣୀପୁର ଝରିଆଲ ର ବିକାଶ ପାଇଁ ଅଞ୍ଚଳବାସୀଙ୍କ ସହ ମନ୍ଦିର ଟ୍ରଷ୍ଟ କମିଟି ବି ଅହରହ ଉଦ୍ୟମ ଜାରି ରଖିଛି। ଏହା ବାଦ ଚଳିତ ଦଶହରାରେ ମାଁ ଦୁର୍ଗା ପୂଜାରେ ବଲାଙ୍ଗୀର ସହରର ରାଜେନ୍ଦ୍ର ପଡା ଦୁର୍ଗା ପୁଜା କମିଟି ତରଫରୁ  ୬୪ ଯୋଗିନୀଙ୍କ ଅବିକଳ ପୁଜା ପେଣ୍ଡାଲ ତିଆରି କରିଥିଲେ। ଯାହାକୁ ଦେଖିବା ପାଇଁ ବଲାଙ୍ଗୀର ସହରର ଯୋଗିନୀ ପ୍ରେମୀଙ୍କ ସହ ଆଖପାଖ ଜିଲ୍ଲାର ଲୋକେ ମଧ୍ଯ ପହଞ୍ଚିଥିଲେ  ସ୍ଥିତି ଏପରି ହୋଇଥିଲା ଯେ ଟ୍ରାଫିକ ନିୟନ୍ତ୍ରଣ କରିବା ପାଇଁ ଉଭୟ କମିଟି ଓ ପୋଲିସ କୁ ବେଶ ହରକତ ହେବାକୂ ପଡିଥିଲା। ଖବରପାଇ ରାଣୀପୁର ଝରିଆଲ ଟ୍ରଷ୍ଟ କମିଟିର ଆବାହକ ଅନିଲ କୁମାର ତ୍ରିପାଠୀଙ୍କ ନେତୃତ୍ବରେ ଏକ ଟିମ ଓ ବର୍ତ୍ତମାନ ର ବଲାଙ୍ଗୀର ଜିଲ୍ଲା ସାମ୍ବାଦିକ ସଂଘର ସଭାପତି ଶିବ ପରିଡା , ସାମ୍ବାଦିକ ଚନ୍ଦ୍ରଭାନୁ ମଲଣା ବଲାଙ୍ଗୀର ରାଜେନ୍ଦ୍ର ପଡା ପହଞ୍ଚି ଦୁର୍ଗାପୂଜା କମିଟି କୁ ସମ୍ବର୍ଦ୍ଧିତ କରି ଉତ୍ସାହିତ କରିଥିଲେ। ସେହିପରି ଭାବେ ଖଡ଼ିଆଳ ମହୋତ୍ସବ ରେ ମଧ୍ଯ ଯୋଗିନୀ ପୀଠ ସ୍ଥାନିତ ହୋଇଥିଲା ବିଧାୟକ ସାଲୁଜା ଅତିଥି ଭାବେ ଯୋଗଦେଇ ମହୋତ୍ସବ ମଞ୍ଚରୁ ଯୋଗିନୀ ପୀଠର ବିକାଶ ପାଇଁ ଦାବୀ କରିଥିଲେ। ଚଳିତ ଅଧିବେଶନ ରେ ସରକାର ଏହି ଯୋଗିନୀ ପୀଠ କୁ କେବଳ ୪ କୋଟି ଟଙ୍କା ବଜେଟରେ ଅନୁମୋଦନ କରିଥିବାରୁ ବିଧାୟକ ଶ୍ରୀ ସାଲୁଜା ୧୦୦ କୋଟି ଟଙ୍କାର ପ୍ୟାକେଜ ଘୋଷଣା କରିବାପାଇଁ ଓ ବିଦେଶୀ ପର୍ଯ୍ୟଟକ ମାନଙ୍କ ସୁବିଧା ଓ ଆକୃଷ୍ଟ କରିବାପାଇଁ ଏୟାରପୋର୍ଟ ସ୍ଥାପନ କରିବାପାଇଁ ଶନିବାର ବିଧାନସଭାରେ ବାଚସ୍ପତିଙ୍କ ଜରିଆରେ ଦାବି ଉପସ୍ଥାପନ କରିଥିଲେ। ଏବଂ ଖୋଦ ପ୍ରଧାନମନ୍ତ୍ରୀ ନିଜେ ତାଙ୍କର

ବଲାଙ୍ଗୀର ଗସ୍ତ ସମୟରେ ରାଣୀପୁର ଝରିଆଲ ଯୋଗିନୀ ପିଠର ବିକାଶ ପାଇଁ ଘୋଷଣା କରିଥିଲେ। ହେଲେ ଦୁର୍ଭାଗ୍ଯ ର କଥା ଘୋଷଣାକୁ ଚାରି ବର୍ଷ ବିତି ଯାଇଥିଲେ ହେଁ ବର୍ତ୍ତମାନ ପର୍ଯ୍ଯନ୍ତ କିଛି ମିଟର ର ବାଡ, କିଛି ଲେଖା ଯାଇନଥିବା ଏକ ନାମ ଫଳକ ଓ ପଥର ନିର୍ମିତ ଚାରୋଟି ଚେୟାର ଲାଗିଛି। ସରକାର ୧୨ ସତାବ୍ଦି ର କୋଣାର୍କ କୁ ସରକାର ଯେତେ ଧ୍ୟାନ ଦେଇଛନ୍ତି ଷଷ୍ଠ ରୁ ନବମ ଶତାବ୍ଦୀ ମଧ୍ଯରେ ନିର୍ମିତ ହୋଇଥିବା ରାଣୀପୁର ଝରିଆଲ ଯୋଗିନୀ ପିଠକୁ କାହିଁକି ଦୃଷ୍ଟି ଦେଇ ପାରୁ ନାହାନ୍ତି। ଆଗକୁ ଦୃଷ୍ଟି ଦେବେ କି ବୋଳି ବିଧାନସଭାରେ କହି ପର୍ଯ୍ୟଟନ ମନ୍ତ୍ରୀ ଅଶ୍ବିନୀ କୁମାର ପାତ୍ର ଙ୍କ ଠାରୁ ଉତ୍ତର ମାଗିଥିଲେ। ତେବେ ମନ୍ତ୍ରୀ ତାରକା ପ୍ରଶ୍ନ ସଂଖ୍ୟା ୩୬୧ ର ଉତ୍ତର ରେ ରାଣୀପୁର ଝରିଆଲ ର ଉନ୍ନତୀ ପାଇଁ ୨୦୨୦/୨୧ ଆର୍ଥିକ ବର୍ଷରେ ୨୦ ଲକ୍ଷ ଓ ୨୦୨୨/୨୩ ଆର୍ଥିକ ବର୍ଷରେ ୪ କୋଟି ଟଙ୍କାର ଅନୁଦାନ ବଜେଟ ରେ ମଞ୍ଜୁର ହୋଇଥିବା ମନ୍ତ୍ରୀ ଉତ୍ତରରେ ରଖିଥିଲେ।