06-Feb-2023

ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ଅନ୍ତର୍ଗତ ରାଣୀସର୍ଡା ଗ୍ରାମ ସ୍ଥିତ ପ୍ରସିଦ୍ଧ ମା ମାହେଶ୍ବରୀଙ୍କ ନୂତନ ଭବ୍ୟ ମନ୍ଦିରର ପ୍ରତିଷ୍ଠା ମହୋତ୍ସବ ଉଦଯାପିତ ହୋଇଯାଇଛି  | ଗତ  ୨୯ ତାରିଖ ଦିନ  କଳସ ଶୋଭା ଯାତ୍ରା ସହ  ମହାସମାରୋହରେ ଆରମ୍ଭ ହୋଇଥିବା ପ୍ରତିଷ୍ଠା ମହୋତ୍ସବ  ଓ  ୫ ତାରିଖ ଦିନ ପୂର୍ଣ୍ଣାହୁତି ସହ  ସମାପନ ହୋଇଥିଲା

ଚବିଶ ପ୍ରହରୀ ନାମଯଜ୍ଞ, ପ୍ରବଚନ, ଚଣ୍ଡିପାଠ, ତୁଳସୀ ରାମାୟଣ ପାରାୟଣ, ମହିଷାସୁର ଦରବାର, ସାଂସ୍କୃତିକ କାର୍ଯ୍ୟକ୍ରମ ସହ ଅନ୍ନ ପ୍ରସାଦ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମା ମାହେଶ୍ଵରୀଙ୍କ  ନୂତନ ଭବ୍ୟ ମନ୍ଦିରର ପ୍ରତିଷ୍ଠା ମହୋତ୍ସବ ଦେଖିବା ପାଇଁ ହଜାର ହଜାର ଭକ୍ତ ଙ୍କର ସମାଗମ ହୋଇଥିଲା  | ରାଧାଗୋବିନ୍ଦ ମଠ, ସୁଲେଇ ର ଶ୍ରୀ ଯଶୋଦା ନନ୍ଦନ ବୃନ୍ଦାବନ ଚନ୍ଦ୍ର ଦାସ ମହାରାଜଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପ୍ରତିଷ୍ଠା ମହୋତ୍ସବ ଅନୁଷ୍ଠିତ ହୋଇଥିଲା | ରାଣୀସର୍ଡା ଗ୍ରାମରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା | 
 

ଅର୍ଥ, ସଂସଦୀୟ ବ୍ୟାପାର , ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ମାନ୍ୟବର କ୍ୟାବିନେଟ ମନ୍ତ୍ରୀ ନିରଞ୍ଜନ ପୂଜାରୀ ପ୍ରତିଷ୍ଠା ମହୋତ୍ସବ ରେ ଯୋଗ ଦେଇ ମା ମାହେଶ୍ଵରୀ ମନ୍ଦିର ତଥା ରାଣୀସର୍ଡା ର ବିକାଶ ଉପରେ ଗ୍ରାମବାସୀଙ୍କ ସହିତ ଆଲୋଚନା କରିଥିଲେ |ରାଣୀସର୍ଡା ଗ୍ରାମର ସମସ୍ତ ବାସିନ୍ଦାଙ୍କ ସହଯୋଗରେ ପ୍ରତିଷ୍ଠା ମହୋତ୍ସବ ସଫଳ ଭାବରେ ଅନୁଷ୍ଠିତ ହୋଇଥିଲା  |