26-Jan-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସହର ସମେତ ବ୍ଲକ ଅଞ୍ଚଳର ବିଭିନ୍ନ ସ୍ଥାନରେ ଆଜି ୭୪ତମ ସାଧାରଣତନ୍ତ୍ର ଦିବସ ଧୁମଧାମରେ ପାଳିତ ହୋଇଯାଇଛି ।କ୍ରୀଡା କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖି ଆସୁଥିବା ଅଗ୍ରଣୀ ଅନୁଷ୍ଠାନ ବିନିକା ସ୍ପୋର୍ଟସ କ୍ଲବ ତରଫରୁ ଆୟୋଜିତ ସାଧାରଣତନ୍ତ୍ର ଦିବସରେ କ୍ଲବର ସଭାପତି ସୋମନାଥ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରି ଅଭିଭାଦନ ଜଣାଇଥିଲେ ।ସେ ତାଙ୍କ ବକ୍ତବ୍ୟରେ କହିଥିଲେ ଯେ  କ୍ରୀଡାକୁ ଆଗେନେବା ପାଇଁ ସବୁ ପ୍ରକାରର ଖେଳକୁ ସାମିଲ କରାଯିବା ସହିତ ଜିଲ୍ଲା ତଥା ରାଜ୍ୟରେ ଏହି ଅନୁଷ୍ଠାନ ଯେପରି ନା କରିବ ସେ ଦିଗରେ ଉପସ୍ଥିତ ସମସ୍ତ ଖେଳାଳି ଓ ସଦସ୍ୟ ପ୍ରୟାସ କରିବା ଆବଶ୍ୟକ ବୋଲି କହିଥିଲେ ।ସେହିପରି ବିନିକା ଏନଏସି ତରଫରୁ ଆୟୋଜିତ ସାଧାରଣତନ୍ତ୍ର ଦିବସ ପ୍ରାରମ୍ଭ ଭୋର ସମୟରେ ସହରରେ ପ୍ରଭାତ ଫେରି ପରେ କାର୍ଯ୍ୟାଳୟ ପରିସରରେ ଅଧ୍ୟକ୍ଷ ସୁବାଷ ଚନ୍ଦ୍ର ଭୋଇ ଜାତୀୟ ପତାକା ଉତ୍ତୋଳନ କରି ଅଭିଭାଷଣ ପ୍ରଦାନ କରିଥିଲେ ।ଅନ୍ୟ ପକ୍ଷରେ ସିଦ୍ଧାର୍ଥ ଡିଗ୍ରୀ କଲେଜ ଠାରେ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକ,ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷା ରେଖା ପ୍ରଧାନ,ଶିଶୁ ବିକାଶ ମନ୍ଦିରରେ ସ୍କୁଲର ସମ୍ପାଦକ ସର୍ବେଶ୍ଵର ପୁରୋହିତ,ବିନିକା ସରକାରୀ

ବାଳକ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ନୀଳାଚଳ ମେହେର,ଚରଦା ପଞ୍ଚାୟତରେ ସରପଞ୍ଚ ବୃନ୍ଦାବତୀ ନାୟକ,ସଙ୍କରାରେ ସରପଞ୍ଚ ଅଶୋକ ପୃଷ୍ଟି,ବିନିକା ପୋଲିସ ଷ୍ଟେସନରେ ଥାନାଧିକାରୀ ପବିତ୍ର ସାହୁ,ଆଦର୍ଶ ବିଦ୍ୟାଳୟରେ ଅଧ୍ୟକ୍ଷ ସୌମ୍ୟ ରଞ୍ଜନ ଖେତୀ,ସେଣ୍ଟ ଜାଭିୟର୍ସ ପବ୍ଲିକ ସ୍କୁଲରେ ଚେୟାରମେନ ତାପସ ତ୍ରିପାଠୀ,ଉଲ୍ଲେ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଶଶାଙ୍କ ଶେଖର ପଣ୍ଡା,ଫୁଲମୁଠି ସ୍କୁଲରେ ନିତେଇ ପୂଜାରୀ ପ୍ରମୁଖ ସ୍ଥାନରେ ସାଧାରଣତନ୍ତ୍ର ଦିବସ ପରିପ୍ରେକ୍ଷୀରେ ଜାତୀୟ ପତାକା ଉତ୍ତୋଳନ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି ।