25-Jan-2023

ବିନିକା(ହିମାଂଶୁ ଶେଖର ପୁଟେଲ) "ରାଜା...ଏ ରାଜା ଏବେ ଦେଖ ତୋ ଛେପରେ ଆଉ ପୋକ ପଡୁନାହାନ୍ତି ।ତୁ ଏବେ ସଂପୂର୍ଣ୍ଣ ରୋଗ ମୁକ୍ତ । ହଠାତ ନିଦ ଭାଙ୍ଗି ଗଲା ରାଜାଙ୍କର ।ଏଇତ ସେହି ମୂର୍ତ୍ତି ।ଯେଉଁ ମୂର୍ତ୍ତି ଦିନେ ଆବିର୍ଭାବ ହୋଇ ତାକୁ ନଈ କୂଳେ କୂଳେ ମନ୍ଦିର ନିର୍ମାଣ କରି କରି ଯିବା ପାଇଁ କହିଥିଲେ ।ସତରେ ତାଙ୍କର ସେହି ଜଟିଳ ବ୍ୟାଧି ଆରୋଗ୍ୟ ସାଧ୍ୟର ନିଦରୁ ଉଠାଇ ଦେଲା। ତତକ୍ଷଣାତ ରାଜା ମନ୍ତ୍ରୀ ଓ

ରାଜବୈଦ୍ୟଙ୍କୁ ଉଠାଇଲେ । ରାଜବୈଦ୍ୟ କୁତ୍ୟ କୂତ୍ୟ ହୋଇ ପ୍ରଭୁ ଶିବଙ୍କ ମହିମା ଗାନ କଲେ ।ଯେଉଁ ନଦୀ କୂଳରେ ରାଜା ରାତ୍ରିଯାପନ କଲେ ସେହି କୁଳର ସ୍ନାନ ଘାଟକୁ ନାମିତ କଲେ ପାପକ୍ଷୟ ଘାଟ ।କାରଣ ସେହି ଘାଟରେ ସ୍ନାନ କଲାପରେ ରାଜା   ରୋଗରୁ ମୁକ୍ତି ପାଇଲେ । ଏହି ଚର୍ଚ୍ଚିତ ଘାଟ ସମ୍ପର୍କରେ ବହୁ ଐତିହାସିକ ତଥ୍ୟ ବିଭିନ୍ନ ପାଠ୍ୟ ପୁସ୍ତକରେ ବର୍ଣ୍ଣିତ ହୋଇଥିବାରୁ ସରକାରଙ୍କ ଦ୍ଵାରା ଏହି ପୀଠ ବର୍ତମାନ ପର୍ଯ୍ୟଟନର ମାନ୍ୟତା ବହନ କରିସାରିଛି ।ହେଲେ ଏହି ପୀଠର ପରିବେଶ ଯେତିକି ସୌନ୍ଦର୍ଯ୍ୟ ହେବା କଥା ତାହା ହୋଇପାରିନାହିଁ ।ବିକାଶର ଅଗ୍ରଗତି ଧିମେଇ ଯାଇଛି ।ଏହି ପୁଣ୍ୟଘାଟ କୁ ଲାଗି ରହିଛି ବିଶାଳକାୟ ପାପନାଶିନୀ ବଟବୃକ୍ଷ ।କିମ୍ବଦନ୍ତୀ ଅନୁସାରେ ରାଜାଙ୍କ ଆରୋଗ୍ୟ ଲାଭ କୁ ଅନୁସରଣ କରି ଏହି ପୁଣ୍ୟପୀଠ ପାପକ୍ଷୟ ଘାଟ କୁ ନୀତି ପ୍ରତିଦିନ ସ୍ନାନ ପାଇଁ ଆସୁଛନ୍ତି ପର୍ଯ୍ୟଟକ ।ବିଶେଷ କରି ଚନ୍ଦ୍ରଗ୍ରହଣ ଓ ସୂର୍ଯ୍ୟପରାଗ ବେଳେ ଏହି ପୀଠ ହଜାର ହଜାର ଲୋକଙ୍କ ଗହଳିରେ ଉଛୁଳି ପଡେ ।ନିଜ ପାପରୁ ମୁକ୍ତି ପାଇଁ ପାପକ୍ଷୟ ଘାଟରେ ସ୍ନାନ କରି ବଟବୃକ୍ଷ ଅର୍ଗଲିର ସୁଡ଼ଙ୍ଗରେ ଗଳି ପ୍ରାୟଶ୍ଚିତ କରିଥାନ୍ତି ।ତେଣୁ ଏହି ମାଟି ମହାନ । ଏହାର ଐତିହ୍ୟ,ସଂସ୍କୃତି,ପରମ୍ପରା,କଳା  ଏ ମାଟିର ସନ୍ତାନକୁ ଯୁଗେ ଯୁଗେ ସ୍ୱାଭିମାନ ଓ ସ୍ବାବଲମ୍ବୀ କରି ରଖିବ ଏଥିରେ ସନ୍ଦେହ ନାହିଁ ।ବିନିକାର ଐତିହ୍ୟ ଏକ ମର୍ଯ୍ୟାଦାପୂର୍ଣ୍ଣ ଓ ବୈଭବଶାଲୀକୁ ଗ୍ରହଣ କରେ ବୋଲି ଏହି ପାପକ୍ଷୟ ମହୋତ୍ସବର ପରିଚୟ ।ସୂଚନା ଯୋଗ୍ୟ ଯେ ପୂର୍ବରୁ ବିନିକାର ଅଗ୍ରଣୀ ଅନୁଷ୍ଠାନ ସାଂସ୍କୃତିକ ସଂସଦ ପକ୍ଷରୁ "ଛେର ଛେରା ମହୋତ୍ସବ କିଛି ବର୍ଷ ହେବାପରେ ତାହା ବନ୍ଦ ହୋଇଯିବାରୁ ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ବ୍ଲକ ଓ ଏନଏସି ପ୍ରଶାସନର ମିଳିତ ଆନୁକୁଲ୍ୟରେ ସୁବର୍ଣ୍ଣ-ପାପକ୍ଷୟ ମହୋତ୍ସବ ଆରମ୍ଭ ହୋଇଥିଲା ହେଲେ ତାହା ବି ଠପ ହୋଇପଡ଼ିଲା ।ବିନିକା ମାଟିର ଐତିହ୍ୟ,ସଂସ୍କୃତି,ପରମ୍ପରା ଓ କଳା କୁ ବଞ୍ଚାଇବା ଉଦ୍ଦେଶ୍ୟ ନେଇ କେତେକ ଉଦ୍ୟୋଗୀ ଯୁବକଙ୍କ ନାମମାତ୍ର ପ୍ରୟାସ ପରେ ଯୁବ ସଂଗଠକ ତଥା ଚାଷୀନେତା ଭୀମସେନ ସାହୁଙ୍କ ସମ୍ପୂର୍ଣ୍ଣ ଉଦ୍ୟମ କ୍ରମେ ପାପକ୍ଷୟ ମହୋତ୍ସବର ପରିକଳ୍ପନା ହୋଇଥିଲା ।ଧୁମଧାମରେ (୨୦୧୮,୨୦୧୯,୨୦୨୦) ୩ବର୍ଷ ଧରି ଚାଲିଲା ।ହେଲେ ମହାମାରୀ କରୋନା ଯୋଗୁଁ ଦୁଇ ବର୍ଷ କାଳ ବନ୍ଦ ହେବା ପରେ ଚଳିତ ୨୦୨୩ବର୍ଷ ମହୋତ୍ସବକୁ ଅଧିକ ଆକର୍ଷଣୀୟ ଭାବେ ପାଳନ କରିବା ନେଇ କଳା ପ୍ରେମୀ ଲାଗିପଡିଛନ୍ତି ।

ଫେବୃଆରୀ ୧ରୁ ୪ତାରିଖ ଯାଏ ଅନୁଷ୍ଠିତ ଏହି ମହୋତ୍ସବ ପାଇଁ ବିନିକା-ସୋନପୁର ରାସ୍ତାର ଗଜପତି ନଗର ଓ ବିନିକା-ରାମପୁର-ଉଲୁଣ୍ଡା ରାସ୍ତାର ତ୍ରିକୋଣୀ କଲେଜ ଛକ ଠାରେ ଆକର୍ଷଣୀୟ ସୁସଜ୍ଜିତ ଗେଟ ନିର୍ମାଣ,ନୂତନ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ର ସମ୍ଭୁଖ ପଡ଼ିଆରେ ଲୋକକଳା ଓ ନାଚଗୀତର ମହାପାର୍ବଣ ପାଇଁ ଝିକିମିକି ଆଲୁଅରେ ସଜ୍ଜିତ ପେଣ୍ଡାଲ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି ।ଏହା ବ୍ୟତୀତ କଳାପ୍ରେମୀ ଦର୍ଶକଙ୍କ ପାଇଁ ପଲ୍ଲୀଶ୍ରୀ ମେଳା,ମିନାବଜାର ଆକର୍ଷଣର କେନ୍ଦ୍ରବିନ୍ଦୁ ପାଲଟିବ ବୋଲି ଆଶା କରାଯାଉଛି ।