20-Jan-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ସରକାର ଙ୍କ ଆବାସ ଗୃହ ତାଲିକା ଘୋଷଣା କରିବା ପରେ ପରେ ତାହାକୁ ନେଇ ଅନେକ ସ୍ଥାନରେ ଦ୍ବନ୍ଦ ଦେଖାଦେଉଛି। କେଉଁଠି ଯୋଗ୍ୟ ହିତାଧିକାରୀ ବାଦ୍ ପଡ଼ିଥିବା କଥା ଉଠୁଛି ତ କେଉଁ ଗାଁ ରେ କମ୍ ପରିମାଣରେ ଆବାସ ଗୃହ ମଞ୍ଜୁର ହେଇଛି ତ କେଉଁଠି ପଞ୍ଚାୟତ ଅଧିକାରୀ ମାନଙ୍କୁ ଟଙ୍କା ନଦେବାରୁ ମୋତେ ଆବାସ ଯୋଜନାରେ ଅନ୍ତର୍ଭୁକ୍ତ କରିନାହାନ୍ତି। ପ୍ରକୃତରେ କାହିଁକି ଏମିତି ହୋଇଛି ତାହା ପ୍ରଶାସନିକ ଅଧିକାରୀ ମାନଙ୍କୁ ଜଣା ଓ ଯିଏ

ସର୍ଭେ କରିଥିଲେ ସେ ହିଁ ଦାୟୀ। ଏମିତି ଏକ ଅଭିଯୋଗ ଆସିଛି ବଲାଙ୍ଗିର ଜିଲ୍ଲା ବେଲପଡା ବ୍ଲକ ଅନ୍ତର୍ଗତ ପର୍ଲିମାଲ ପଞ୍ଚାୟତ ପର୍ଲିମାଲ ଗାଁ ରୁ । ଗ୍ରାମବାସୀ ଙ୍କ କହିବା ଅନୁସାରେ ପର୍ଲିମାଲ ପଞ୍ଚାୟତ କୁ ସର୍ବମୋଟ ୧୫୮ ଟି ଆବାସ ଗୃହ ଆସିଥିବା ବେଳେ ମୁନା ପାଲି ଗାଁ ୩ ଟି ଓ୍ବାର୍ଡ ଥାଇ ୬୯ ଟି ଘର ମିଳୁଛି ଓ ରେଙ୍ଗାଲି ଗ୍ରାମ ମଧ୍ୟ ୩ ଟି ଓ୍ବାର୍ଡ ଥାଇ ୬୫ ଟି ଘର ମିଳୁଛି। କିନ୍ତୁ ପର୍ଲିମାଲ ଗାଁ ୫ ଟି ଓ୍ବାର୍ଡ ହୋଇଥିଲେ ସୁଦ୍ଧା ମାତ୍ର ୨୩ ଟି ଘର ମିଳୁଥିବା ରୁ ଗ୍ରାମବାସୀଙ୍କ ମନରେ ଅସନ୍ତୋଷ ଦେଖାଦେଇଛି। ସେଥିପାଇଁ ଆଜି ପର୍ଲିମାଲ ଗାଁ ର ଶତାଧିକ ଲୋକ ବ୍ଳକ କାର୍ଯ୍ୟାଳୟ ରେ ରୁଣ୍ଡ ହୋଇ ବିଡ଼ିଓ ଙ୍କୁ ଏକ ଲିଖିତ ଅଭିଯୋଗ କରିଛନ୍ତି। ସେମାନେ କହିଛନ୍ତି ଯେ ଆମ୍ଭ ଗ୍ରାମ ବଡ଼ ହୋଇଥିବା ବେଳେ ଆମ୍ଭକୁ କେମିତି କମ୍ ଘର ମିଳିଲା ଓ ଏହା କାହା ସ୍ୱାର୍ଥରେ ହୋଇଛି।ତାର ପୁଙ୍ଖାନୁପୁଙ୍ଖ ତଦନ୍ତ କରି ପର୍ଲିମାଲ ଗାଁ ରେ ଆହୁରି ଆବାସ ଗୃହ ମଞ୍ଜୁର କରନ୍ତୁ ଓ ସର୍ଭେ ବେଳେ କିଏ ଏସବୁ ଭୁଲ୍ କରିଛି ତାହା ପାଇଁ ଦଣ୍ଡବିଧାନ କରନ୍ତୁ ବୋଲି ଅଞ୍ଚଳବାସୀ ଦାବି କରିଛନ୍ତି।