20-Jan-2023

କର୍ଲାମୁଣ୍ଡା (ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଦୁର୍ନୀତି ଓ ଅନିୟମିତତା ଅଭିଯୋଗ ରେ ଶୁକ୍ରବାର କଂଗ୍ରେସ ଦଳ ପକ୍ଷରୁ ବ୍ଲକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ବ୍ଲକ କଂଗ୍ରେସ ସଭାପତି ତଥା ଜିଲ୍ଲା ପରିଷଦ ସଭ୍ୟ ସୁରେଶ ଚୌଧୁରୀ ଙ୍କ ନେତୃତ୍ୱରେ  ଦଳୀୟ କର୍ମୀମାନେ ବିଶାଳ ଶୋଭାଯାତ୍ରାରେ ଆସି ବ୍ଲକ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହିତ ପ୍ରତିବାଦ ସଭା କରିଥିଲେ। ଏଥିରେ ଜିଲ୍ଲା କଂଗ୍ରେସ ସଭାପତି ଶ୍ରୀ ଯୁକ୍ତ ଭାରତ ଭୂଷଣ ବେମାଲ, ଜିଲ୍ଲା କଂଗ୍ରେସ ମହିଳା ସଭାନେତ୍ରୀ ଶ୍ରୀ ମତୀ ମାହେନ୍ଦ୍ରୀ ସାହୁ, ଯୁବ କଂଗ୍ରେସ ନେତା ବିଭୁତି ଭୁଷଣ ମହାକୁଡ଼,ବାଦଲୁ ଜାନି, ରଶ୍ମି କାନ୍ତ ସାହୁ,ଉତ୍ତମ ଭୋଇ,ବବ୍ରୁ ବାହାନଭୋଇ , ସଂକୀର୍ତ୍ତନ ଭୋଇ,ଦୟା ମାଝୀ, ରମେଶ ପୁଟେଲ ,ଲାଭି ରଣା, ମକରଧ୍ବଜ ସାହୁ,ବିହାରିଲାଲ ସାହୁ ,ଲାଭି ରଣା ,ପ୍ରମୋଦ ସାହୁ,ହେମନ୍ତ ସାହୁ,ସୁଦାମ ସାହୁ ପ୍ରମୁଖ ଯୋଗ ଦେଇ ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତିର ତଦନ୍ତ ଓ ପ୍ରକାଶିତ ତାଲିକାରେ ସ୍ଥାନ ପାଇ ନ ଥିବା ଯୋଗ୍ୟ ବ୍ୟକ୍ତି ଙ୍କୁ ସାମିଲ କରିବା ନେଇ ଦାବି କରିଥିଲେ।ଏହି ଅବସରରେ ବିଡ଼ିଓ ସୂଚରିତା ମୁଗ୍ରୀ ଙ୍କୁ ମୁଖ୍ୟ ମନ୍ତ୍ରୀ ଙ୍କ ଉଦ୍ଧେଶ୍ୟରେ ଏକ ଦାବିପତ୍ର ପ୍ରଦାନ କରିଥିଲେ। ଶାନ୍ତି ଶୃଙ୍ଖଳା ରକ୍ଷା ପାଇଁ ମ.ରାମପୁର ଥାନା ଅଧିକାରୀ ସଚିନ୍ଦ୍ର ପଧାନ ଙ୍କ ନେତୃତ୍ୱରେ କର୍ଲାମୁଣ୍ଡା ଫାଣ୍ଡି ଅଧିକାରୀ ବଂଶୀଧର ସାମଲ ଙ୍କ ସମେତ ଏକ ଟିମ ମୁତୟନ ହୋଇଥିଲେ