20-Jan-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସଦର ସ୍ଥିତ ବରିଷ୍ଠ ନାଗରିକ ସଂଗଠନ ପକ୍ଷରୁ ନିଶା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଂଗଠନର ସଭାପତି ଡ଼ା. ପ୍ରଫୁଲ୍ଲ କୁମାର ରଥ ନେତୃତ୍ବରେ କାର୍ଯ୍ୟାଳୟ ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ସହର ପରିକ୍ରମା କରିବା ସହ ଉପଜିଲ୍ଲାପାଳ କାର୍ଯ୍ୟାଳୟ ଠାରେ ପହଞ୍ଚିଥିଲା। ସେଠାରେ ଉପଜିଲ୍ଲାପାଳ ଅଶୋକ କୁମାର ଭୋଇଙ୍କୁ ସଂଗଠନ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଥିଲା। ଏହି ଅବସରରେ କାର୍ଯ୍ୟାଳୟ ପରିସରରେ ନିଶା ନିବାରଣ ଉପରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ମଦ୍ୟପାନ କେମିତି ଯୁବସମାଜ କୁ ପଥଭ୍ରଷ୍ଠା କରୁଛି ଓ ଏହା ଠାରୁ ସମାଜ କିପରି ମୁକ୍ତ ହେବ ତାଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ଏଥିରେ ସଦସ୍ୟ ମାନେ ବିଭିନ୍ନ ମତବ୍ୟକ୍ତ କରିଥିଲେ। ସଂଗଠନର କୋଷାଧକ୍ଷ ଦୟାନିଧି ହୋତା, ନାରାୟଣ ପ୍ରସାଦ ନାୟକ, ସନ୍ତୋଷ ଷଡ଼ଙ୍ଗୀ, ଗୋପୀନାଥ ମହାକୁର, ଧ୍ରୁବ ଚରଣ ଖେତୀ, ଦିଲ୍ଲୀପ ତ୍ରିପାଠୀ, ଭଗବାନ ମିଶ୍ର, କୃଷ୍ଣ ଚନ୍ଦ୍ର ମଲ୍ଲିକଙ୍କ ସହ ସମସ୍ତ ସଦସ୍ୟ ଉକ୍ତ କାର୍ଯ୍ୟକ୍ରମରେ ସାମିଲ ହୋଇଥିଲେ।