20-Jan-2023

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗୀର ଲ' କଲେଜରେ ଗତ ତା ୧୮ ଓ ୧୯ ରିଖ ଦୁଇଦିନ ଧରି ବେଡ଼ମିଣ୍ଟନ ଟୁର୍ଣ୍ଣାମେଣ୍ଟ ଚାଲିଥିଲା। ଏହି ଅବସରରେ ବୁଧବାର ଦିନ ସକାଳ ୧୦ଟାରେ କଲେଜ ଅଧ୍ୟକ୍ଷ ସଞ୍ଜିବ ପଧାନ ଫିତା  କାଟି ଉଦ୍ଘାଟନ କରିଥିଲେ। ଏହି ଟୁର୍ଣ୍ଣାମେଣ୍ଟ ରେ କଲେଜ ର ପ୍ରଥମ ଦ୍ଵିତୀୟ ଓ ତୃତୀୟ ବର୍ଷର ଛାତ୍ରଛାତ୍ରୀ ମାନେ ଅଂଶଗ୍ରହଣ କରିଥିଲେ। ମହିଳା ସିଙ୍ଗଲ ରେ ଶିତଲ ଅଗ୍ରବାଲ ୱିନର ଓ ରଶ୍ମିତା ବାଗ ରନର୍, ପୁରୁଷ ସିଙ୍ଗଲ ରେ ସୋମୌରଞ୍ଜନ ପଣ୍ଡା ୱିନର ଓ ବିକ୍ରମ ସଡଙ୍ଗି ରନର୍, ପୁରୁଷ ଡବଲରେ  ଗେମ୍ ଚେଞ୍ଜର୍ ଟିମ୍ ର ସୋମୌରଞ୍ଜନ ପଣ୍ଡା ଓ ବିକ୍ରମ ସଡଙ୍ଗି ୱିନର   ହୋଇଥିବା ବେଳେ ସ୍ମାସ୍ ହିଟର ଟିମ୍ ର ଅଭିଷେକ ପାଣିଗ୍ରାହୀ ଓ ସମିର୍ କେଶଓ୍ବାନି ରନର ହୋଇଥିଲେ। ଶେଷରେ କୃତୀ ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରାଯାଇଥିଲା। ଏହି କାର୍ଯ୍ୟକ୍ରମରେ କଲେଜର ଅଧ୍ୟାପକ ମନିନ୍ଦର ହଂସପାଲ, ସୁବ୍ରତ ପଟ୍ଟନାୟକ, ରାମ ମହାନନ୍ଦ ଓ ଅନ୍ୟାନ୍ୟ କର୍ମଚାରୀ  ତଥା ଛାତ୍ରଛାତ୍ରୀ ଉପସ୍ଥିତିରହି ସହଯୋଗ କରିଥିଲେ।