19-Jan-2023

ଆଗଲପୁର, (ବିନୋଦ କୁମାର ଦୀପ) ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ଆଗଲପୁର ବ୍ଲକର ବକଟି ସେବା ସମବାୟ ସମିତିରେ l ସୂଚନାନୁସାରେ ପ୍ରମୋଦ ସା ନାମକ ଏକ ବ୍ୟକ୍ତି ସେବା ସମବାୟ ସମିତିରେ ଧାନ ବୋଝେଇ ଟ୍ରକ ମାନଙ୍କରେ ଶ୍ରମିକ ଭାବରେ କାମ କରି ଆସୁଥିଲେ l ହେଲେ ବକଟି ସେବା ସମବାୟ ସମିତିରେ କାମ କରୁଥିବା ସମୟରେ ଯଥା ଧାନ ବସ୍ତା ବୋହି ଟ୍ରକ୍ ଉପରକୁ ଚଢ଼ାଉଥିବା ବେଳେ ହଟାତ୍ ତଳେ

ପଡି ଯାଇଥିଲେ l ତଳେ ପଡି ଯିବାରୁ ତାଙ୍କ ଅବସ୍ଥା ଗୁରୁତର ହୋଇଥିଲା, ହେଲେ ଦୁଃଖର ବିଷୟ ଏହା ଯେ ସେବା ସମବାୟ ସମିତି ର କର୍ମଚାରୀମାନେ ତୁରନ୍ତ କୌଣସି ପ୍ରକାର ଚିକିତ୍ସା ନ କରାଇ ଘରକୁ ପଠାଇ ଦେଇଥିଲେ l ସେ ସମୟରେ ତାଙ୍କ ଘରେ କେହିନଥିଲେ l ପରେ ପରେ ପରିବାର ଲୋକ ଖବର ପାଇ ପ୍ରଥମେ ଡୁଙ୍ଗୁରିପାଲି ଡାକ୍ତରଖାନା ଓ ପରେ ପରେ ବୁର୍ଲା ଡ଼ାକ୍ତରଖାନାରେ ପ୍ରମୋଦଙ୍କୁ ଭର୍ତି କରାଯାଇଥିଲା l କିନ୍ତୁ ବୁର୍ଲାରେ ଚିକିତ୍ସାଧୀନ ଅବସ୍ଥାରେ ଉକ୍ତ ଶ୍ରମିକଙ୍କ ମୃତ୍ୟୁ ହୋଇଥିଲା l ଦୁଃଖର ବିଷୟ ଏହା ଯେ ସେବା ସମବାୟ ସମିତି ର କର୍ମଚାରୀ ମାନେ କୌଣସି ସହଯୋଗ କରିନଥିଲେ କେବଳ  ୨୦ହଜାର ଟଙ୍କା କ୍ଷତିପୂରଣ ଭାବେ ଦେଲେ ଯାହାକି ମୃତ ଶ୍ରମିକଙ୍କ ମେଡିକାଲ ଖର୍ଚ୍ଚରୁ ମଧ୍ୟ କମ l ଶ୍ରମିକଙ୍କର ଗୋଟିଏ ୩ ବର୍ଷର ଛୋଟଝିଅ ଓ ତାଙ୍କ ସ୍ତ୍ରୀ ପାଞ୍ଚ ମାସର ଗର୍ଭବତୀ ଥିବା ସୂଚନାରୁ ପ୍ରକାଶ l ସୂଚନାନୁସାରେ ସେବା ସମବାୟ ପରିବାର ଲୋକେ ସରକାରଙ୍କୁ ଅନୁରୋଧ କରି କହିଛନ୍ତି ଯେ ତୁରନ୍ତ ମୃତ ଶ୍ରମିକର ପରିବାରକୁ ସରକାରୀ ସାହାଯ୍ୟ ଯୋଗାଇ ଦେବାକୁ l

ଖବର ପାଇ ଆଜି ସ୍ଥାନୀୟ ବିଧାୟକ ଡ଼ ମୁକେଶ ମହାଲିଙ୍ଗ ମୃତକ ପରିବାର ଘରକୁ ଯାଇ ଆଶ୍ୱାସନା ଦେବାସହ ପ୍ରଧାନମନ୍ତ୍ରୀ ଯୋଜନା ଦ୍ୱାରା ଯାହା ସାହାଯ୍ୟ ସହଯୋଗ ହୋଇପାରିବ ତାକୁ ପୂରଣ କରାଯିବ ବୋଲି ପ୍ରତିଶୃତି ଦେଲେ l ଦେଖାଯାଉ ପ୍ରଶାସନ ଏହି ମୃତ ଶ୍ରମିକଙ୍କ ପରିବାର ପ୍ରତି କେତେ ଧ୍ୟାନ ଦେଉଛି l