19-Jan-2023

ବଲାଙ୍ଗିର(ପ୍ରେରଣା ଖବର): କବି ବିଜୟ କୁମାର ତ୍ରିପାଠୀଙ୍କ "ଶୂନ୍ୟସୀମନ୍ତିନୀ ରାଧା"ର ଇଂରାଜୀ ଅନୁବାଦ  "RADHA: SAGA OF BARREN BLISS" ଓଡିଶାର ସ୍ୱନାମଧନ୍ୟ ବିରଷ୍ଠ କବି ଫନି ମହାନ୍ତିଙ୍କ କରକମଳରେ ଭୁବନେଶ୍ୱରରେ ଶୁଭ ଉନ୍ମୋଚିତ ହୋଇ ଲୋକାର୍ପିତ ହୋଇଛି । କବି ଫନି ମହାନ୍ତି ଶୂନ୍ୟସୀମନ୍ତିନୀ ରାଧା ଏବଂ ବରେଣ୍ୟ କବି ରମାକାନ୍ତ ରଥଙ୍କ ଶ୍ରୀରାଧା ସହ ଏକ ତୁଳନୀୟ ଆଲେଖ୍ୟ ପ୍ରସ୍ତୁତ କରି ଦର୍ଶକଙ୍କୁ ସ୍ତମ୍ବିଭୂତ କରିଥିଲେ ।

ଏହି ପୁସ୍ତକଟିକୁ ଅତି ସୁନ୍ଦର ଭାବେ ଅନୁବାଦ କରିଛନ୍ତି କବି ହରେକୃଷ୍ଣ ଦାସ ଏବଂ ତାଙ୍କ ସହଧର୍ମିଣୀ କବୟତ୍ରି ଶ୍ରୀମତୀ ଈପଷିତା ଷଡଙ୍ଗୀ । ପୁସ୍ତକଟିକୁ ପ୍ରକାଶିତ କରିଛନ୍ତି ଲେଖାଲେଖି ପ୍ରକାଶନ, ଭୂବନେଶ୍ୱରର ପ୍ରକାଶକ ପ୍ରଦୀପ୍ତ କୁମାର ବେହୁରା । ଏହି ଲୋକାପର୍ଣ ଉତ୍ସବରେ ସଭାପତିତ୍ୱ କରିଥିଲେ କବି ଶ୍ରୀମତୀ ଈପଷିତା ଷଡଙ୍ଗୀ ଏବଂ କବି  ହରେକୃଷ୍ଣ ଦାସ ସ୍ୱାଗତ ସଂଭାଷଣ କରିଥିଲେ । ପ୍ରଥମେ କବି ବିଜୟ ତ୍ରିପାଠୀ ନିଜର ଲେଖକୀୟ ଅଭିବ୍ୟକ୍ତି ପ୍ରକାଶ କରିଥିଲେ । ଏଥିସହ ଓଡିଶାର ବିଶିଷ୍ଟ କବିଗଣ ପ୍ରଫେସର ବଂଶିଧର ଷଡଙ୍ଗୀ, ଶ୍ରୀମତୀ ମମତା ଦାସ,  ଧନଞ୍ଜୟ ସ୍ୱାଇଁ, ପରେଶ ପଟ୍ଟନାୟକ, ବିଜନବାଳା ପାଟ୍ଟଯୋଶୀ, ମୈାସୁମୀ ଦାଶ, ଲକ୍ଷ୍ମୀପ୍ରିୟା ଚାନ୍ଦ, ନିରଞ୍ଜନ ଜେନା, ସହଦେବ ସାହୁ, ସୂର୍ଯ୍ୟ ମିଶ୍ର ଇତ୍ୟାଦି ଅନେକ ଲବ୍ଧପ୍ରତିଷ୍ଠ କବି ଉପସ୍ଥିତ ଥିଲେ । ଏହି ଉତ୍ସବରେ ପୁସ୍ତକର ସମୀକ୍ଷା ସହ ଶୁନ୍ୟସୀମନ୍ତିନୀ ରାଧା ର କବିତା ଓ ଇଂରାଜୀ ଅନୁଦିତ କବିତାକୁ ବିଭିନ୍ନ କବିଗଣ ପାଠ କରି କବିତା ସଂପର୍କରେ ନିଜସ୍ୱ ମତ ରଖିଥିଲେ । ଶେଷରେ ପ୍ରକାଶକ ପ୍ରଦୀପ୍ତ କୁମାର ବେହେରା ଧନ୍ୟବାଦ ଅର୍ପଣ କରିଥିଲେ l ସୂଚନାଯୋଗ୍ୟ ଯେ, କବି ବିଜଯ ତ୍ରିପାଠୀ ଙ୍କ ପୁସ୍ତକ  "ଶୂନ୍ୟସୀମନ୍ତିନୀ ରାଧା" ଅସମିୟା, ବଙ୍ଗଳା ଓ ହିନ୍ଦୀ ଭାଷାରେ ଅନୁବାଦିତ ହୋଇ ଦୃତ ପଠନୀୟ ଆଦୃତି ଲାଭ କରିସାରିଛି l