17-Jan-2023

ବଲାଙ୍ଗିର (ପ୍ରେରଣା ଖବର) ବଲାଙ୍ଗିରର ଆଞ୍ଚଳିକ ଡ଼ିଗ୍ରୀ ମହାବିଦ୍ୟାଳୟ କୁଶଙ୍ଗ ଠାରେ  ୧୩ ରୁ ୧୫ତାରିଖ ପର୍ଯ୍ୟନ୍ତ ଚାଲିଥିବା ତିନିଦିନିଆ ନେତୃତ୍ୱ ତାଲିମ ଶିବିରଟି ଉଦଯାପନ ହୋଇଯାଇଛି l ପ୍ରୋଗ୍ରାମ ଅଫିସର  ଡ.ଲକ୍ଷ୍ମଣ ମେହେରଙ୍କ ସଭାପତିତ୍ୱରେ ଅନୁଷ୍ଠିତ ସଭାମଞ୍ଚରେ ମୁଖ୍ୟ ଅତିଥି ଭାବରେ ରାଜେନ୍ଦ୍ର ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ସତ୍ୟବନ୍ତ ବେଦବାକ ଯୋଗ ଦେଇ ପିଲାଙ୍କୁ ଆଧ୍ୟାତ୍ମିକ ଜୀବନ ପାଇଁ ପ୍ରବାର୍ତ୍ତାଇ ଥିବା ବେଳେ ମୁଖ୍ୟ ଅତିଥି ଭାବେ  ସମ୍ବଲପୁର ବିଶ୍ୱବିଦ୍ୟାଳୟର ଏନ୍ ଏସ୍ ଏସ୍  କୋ ଅର୍ଡିନେଟର ପ୍ରଫେସର ସୁମନ୍ତ କେରକେଟା ଯୁବଶକ୍ତିର ଉପଯୁକ୍ତ ବିନିଯୋଗ ପାଇଁ କହିଥିଲେ | ଡ. ଅଜିତ କୁମାର ଭୋଇ  ପୁରସ୍କାର ବିତରଣ କାର୍ଯ୍ୟକ୍ରମ ପରିଚାଳନା ଅବସରରେ ବିଭିନ୍ନ ପ୍ରତିଯୋଗୀ ତଥା ମହାବିଦ୍ୟାଳୟଗୁଡିକୁ ପୁରସ୍କାର ପ୍ରଦାନ କରିଥିଲେ | କଲେଜର ଛାତ୍ରୀ ଜାଗୃତି ଗଡ଼ତ୍ୟାଙ୍କ ଦ୍ୱାରା ଧନ୍ୟବାଦ ଅର୍ପଣ ହୋଇଥିଲା l ସମ୍ବଲପୁର ଅଧିନସ୍ଥ ବଲାଙ୍ଗିର, ବରଗଡ଼ ଜିଲ୍ଲାର ପ୍ରlୟ ୧୮ଟି ମହାବିଦ୍ୟାଳୟ ରୁ ୨୦୦ରୁ ଅଧିକ ସ୍ବେଛାସେବୀ ଶିବିରରେ ଯୋଗ ଦେଇଥିଲେ | ପ୍ରତ୍ୟେକ ଦିନର ସନ୍ଧ୍ୟାକାଳୀନ ସାଂସ୍କୃତିକ  କାର୍ଯ୍ୟକ୍ରମ ଅତ୍ୟନ୍ତ ମନୋରମ ଥିଲା | ଲୋଇସିଂହା ଏବଂ ରୋତ ମହାବିଦ୍ୟାଳୟ ର  ଛାତ୍ର ଛାତ୍ରୀମାନେ ଦୁଇଟି ନାଟକ  ପରିବେଷଣ କରି  ଦର୍ଶକଙ୍କ  ହୃଦୟ ଜିଣି ନେଇଥିଲେ  | ୧୪ ତାରିଖ ଦିନ ବଲାଙ୍ଗିର ଜିଲ୍ଲାର ସମସ୍ତ ଡ଼ିଗ୍ରୀ ମହାବିଦ୍ୟାଳୟ ରୁ ଏନ୍ ଏସ୍ ଏସ୍ ପ୍ରୋଗ୍ରାମ ଅଫିସର  ଆସିଥିଲେ l ଡ. ସୁମନ୍ତ କେରକେଟାଙ୍କ ସଭାପତିତ୍ୱରେ ଏକ ରିଭ୍ୟୁ ମିଟିଙ୍ଗ ହୋଇଥିଲା  | ଶିବିରର ଉଦଘାଟନ ଉତ୍ସବ  କଲେଜର ଅଧ୍ୟକ୍ଷ ବିଜୟ କୁମାର କଲେଟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା | ଏଥିରେ ମୁଖ୍ୟ ଅତିଥି ଭାବରେ ସ୍ଥାନୀୟ ବିଧାୟକ ଡ. ମୁକେଶ ମହାଲିଙ୍ଗ ଯୋଗ ଦେଇଥିବା ବେଳେ ଅନ୍ୟତମ  ଅତିଥି ଭାବରେ  ଗୋଲକ ବିହାରୀ ପଟେଲ, ହେମନ୍ତ ମଲ୍ଲିକ, ବୃନ୍ଦାବନ ପଟେଲ  ଯୋଗ ଦେଇଥିଲେ | ଏହି ସଭା ଡ. ଅଜିତ ଭୋଇଙ୍କ ଦ୍ଵାରା ପରିଚାଲିତ  ହୋଇଥିଲା l ଏହି ତାଲିମ ଶିବରରେ ବିଦ୍ୱାନ ବ୍ୟକ୍ତି ପ୍ରମୁଖ ସ୍ୱାମୀ ତେଜୋମୟନନ୍ଦ ସରସ୍ବତୀ, ପ୍ରଫେସର ସଂଜୀବ କୁମାର ଦାସ, କୃଷ୍ଣ ଚରଣ ଦର୍ଜୀ, ଡ. ବୁଦ୍ଧଦେବ ମିଶ୍ର, ସାମ୍ବାଦିକ ସନ୍ଦୀପ କୁମାର କୁଅଁର, ସଦ୍ୟ ଓ.ଏ. ଏସ ପରୀକ୍ଷାରେ କୃତକାର୍ଯ୍ୟ

ହୋଇଥିବା  ହେମନ୍ତ ପୁଟା, ଏସ୍ ବି ଆଇ ବ୍ୟାଙ୍କ ଅଧିକାରୀ ଦେବାଶିଷ ଭୋଇ, ଭବାନୀପାଟଣା ମହିଳା ମହାବିଦ୍ୟାଳୟର ଇଂରାଜୀ ଅଧ୍ୟାପକ ଧୀରେଶ ନନ୍ଦ ପ୍ରମୁଖ ଅଂଶଗ୍ରହଣ କରି ପିଲାଙ୍କୁ ସଚେତନ କରିଥିଲେ  | ଯୋଗଗୁରୁ ଅଶୋକ ଅଗ୍ରୱାଲ, ଜ୍ୟୋତି ପ୍ରକାଶ ସାହୁ, ସସ୍ମିତା ସାହୁ ଆଦି ଯୋଗ ଶିକ୍ଷା ପ୍ରଦାନ କରିଥିଲେ | ବଲାଙ୍ଗିର ଓଡ୍ରାପ ସଦସ୍ୟ ନୂତନ କୁମାର ଭୋଇ  ନିଆଁରୁ ଉଦ୍ଧାର ସମ୍ପର୍କିତ ସୁରକ୍ଷା ଶିକ୍ଷା ଦେଇଥିଲେ | ଏହି କାର୍ଯ୍ୟକ୍ରମର  ସଫଳତା ସକାଶେ  କଲେଜର ଅଧ୍ୟାପକ ଶମ୍ଭୁ ପ୍ରସାଦ ସାହୁ, ଅନନ୍ତ କୁମାର ଆର୍ଯ୍ୟ, ଅଧ୍ୟାପିକା ବିଜ୍ଞଶ୍ରୀ ଗୁରୁ, ବାରିଧି ତ୍ରିପାଠୀ, ଖେଳ ଶିକ୍ଷକ ରମାକାନ୍ତ ରାଉତ, ଲାଇବ୍ରେରୀଏନ ଚକ୍ରଧର ପଟେଲ ତଥା ଅନ୍ୟlନ୍ୟ ସମସ୍ତ କର୍ମଚାରୀଙ୍କ  ପ୍ରମୁଖ ଭୂମିକା ଥିଲା |ଏହା ସହିତ ପୁରାତନ ଛାତ୍ର  ଶିବାଶିଷ ମିଶ୍ର, ସୁରଜ ସିଂ ଦେଓ, ରଞ୍ଜନ ସାହୁ, ଅକ୍ଷୟ ସାହୁଙ୍କ ଅକ୍ଲାନ୍ତ ପlରିଶ୍ରମିକ ସହଯୋଗ ଥିଲା | ସମସ୍ତଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ଭାବରେ  ସମାପନ ହେଲା |