17-Jan-2023

ବଲାଙ୍ଗୀର: ଆଜି ସକାଳ ୭ଟା ସମୟରେ ସ୍ଥାନୀୟ ଟିକ୍ରାପଡା ବାସୀନ୍ଦା  ବଲାଙ୍ଗୀରର ବିଶିଷ୍ଟ ଶିକ୍ଷାବିତ୍ ତଥା ଲୋକପ୍ରିୟ ଶିକ୍ଷକ ଲକ୍ଷ୍ମୀକାନ୍ତ ଦାଶ(୯୧)ଙ୍କ ପରଲୋକ ହୋଇଯାଇଛି । ବାର୍ଦ୍ଧକ୍ୟଜନିତ ଅସୁସ୍ଥତା ଯୋଗୁଁ ଶ୍ରୀ ଦାଶ କିଛି ଦିନ ଧରି ଶଯ୍ୟାସାୟୀ ଥିଲେ । ସେ ଜଣେ ଧର୍ମପରାୟଣ ବ୍ୟକ୍ତି ଭାବରେ ଜଣାଶୁଣା ଥିଲେ । ପୃଥ୍ୱୀରାଜ ହାଇସ୍କୁଲର ପ୍ରଧାନଶିକ୍ଷକ ରୂପେ କାର୍ଯ୍ୟ କରି ପରେ ଭୋକେସନାଲ କଲେଜର ଅଧ୍ୟକ୍ଷ ଓ ଶେଷରେ ବଲାଙ୍ଗୀର ସୋନପୁର ଜିଲ୍ଲା ଶିକ୍ଷା ମଣ୍ଡଳର ପ୍ରଥମ ପ୍ରଶାସନିକ ଅଧିକାରୀ ଭାବେ ସୁଚାରୁ ରୂପେ କାର୍ଯ୍ୟ ତୁଲାଇ ଥିଲେ ।  ଜୈଷ୍ଟପୁତ୍ର ଅଶ୍ୱିନୀ ଦାସ ମୁଖାଗ୍ନି ଦେଇଥିଲେ । ଶ୍ରୀ ଦାଶ ଙ୍କ ଗୋଟିଏ ପୁଅର ନାମ ଅଶୋକ ଥିବା ବେଳେ ଝିଅର ନାମ ସବିତା । ଦୁଃଖଦ ଖବର ଶୁଣି ଶ୍ରଦ୍ଧାଞ୍ଜଳି ଜ୍ଞାପନ କରିବା ପାଇଁ ବଲାଙ୍ଗୀର ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁ, ରାଧାକାନ୍ତ ମହାପାତ୍ର, ଦୁର୍ଗାପ୍ରସନ୍ନ ଛୁରିଆ, ଅଶୋକ ମିଶ୍ର ଥିବା ବେଳେ ଡ. ଆଶିଷ ଦାନୀ, କୁଳମଣି ପୁରୋହିତ, ରୋହିତା ଦାସ ଓ ଉମେଶ ଦାଶ ପ୍ରମୁଖ ଅନ୍ତିମ ଶୋଭାଯାତ୍ରାରେ ସାମିଲ ହୋଇଥିଲେ ।    ଶ୍ରୀ ଦାଶଙ୍କ ବିୟୋଗରେ ଶିକ୍ଷକ ମହଲରେ ଶୋକର ଛାୟା ଖେଳି ଯାଇଛି ।