16-Jan-2023

ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଅନ୍ତର୍ଗତ ତୁରେକେଲା, ବଙ୍ଗୋମୁଣ୍ଡା ଏବଂ ମୁରିବାହାଲ ବ୍ଲକ କାର୍ଯ୍ୟାଳୟ ସମ୍ମୁଖରେ ରେ ଆଜି ବ୍ଲକ କଂଗ୍ରେସ ପକ୍ଷରୁ ଧାରଣା ଦେଆଯାଇଛି ।

କଣ୍ଟାବାଞ୍ଜି ନିର୍ବାଚନମଣ୍ଡଳୀର ତୁରେକେଲା, ବଙ୍ଗୋମୁଣ୍ଡା ଏବଂ ମୁରିବାହାଲ ବ୍ଲକ୍‌କୁ ଆସିବାକୁ ଥିବା ଅନୁଦାନ ମଧ୍ୟ ଏପର୍ଯ୍ୟନ୍ତ ଦେଇ ନାହାନ୍ତି ବୋଲି ଅଭିଯୋଗ କରିଛି କଂଗ୍ରେସ। ଏହାକୁ ନେଇ ଗତ ଜିଲ୍ଲା ପରିଷଦ ବୈଠକରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ଓ ଜିଲ୍ଲାପାଳ ଚଞ୍ଚଳ ରାଣାଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଏହି ଘଟଣାର ପ୍ରତିବାଦରେ ନିର୍ବାଚନମଣ୍ଡଳୀ ଅନ୍ତର୍ଗତ କଂଗ୍ରେସ କର୍ମୀମାନେ ଏକଜୁଟ ହୋଇ ଧାରଣା ଦେବାକୁ ନିଷ୍ପତ୍ତି ନେଇଛନ୍ତି ।ଏନେଇ ତିନିଟି ବ୍ଲକ୍ ର କଂଗ୍ରେସ ସଭାପତିଙ୍କ ଅଧ୍ୟକ୍ଷତାରେ ନିଷ୍ପତ୍ତି ନିଆଯାଇଥିଲା । ଧାରଣା ରେ ସ୍ଥାନୀୟ ବିଧାୟକ ଶ୍ରୀ ସନ୍ତୋଷ ସିଂ ସାଲୁଜା ଯୋଗ ଦେବା ସହ ନିଜର ପ୍ରତିକ୍ରିୟା ରେ କହିଥିଲେ ଯେ ତିନିଟି ବ୍ଲକ୍‌କୁ କୋଟିଏରୁ ଅଧିକ ଟଙ୍କା ଅନୁଦାନ ଦେବା କଥା। ହେଲେ ଦେଇ ନାହାନ୍ତି। ତେଣୁ ସେହିପରି ପ୍ରଥମ ପର୍ଯ୍ୟାୟରେ ହୋଇଥିବା ୫ଟି ସ୍କୁଲଗୁଡ଼ିକର ଉନ୍ନତୀକରଣ ବାବଦକୁ ମଧ୍ୟ ଟଙ୍କା ଆସି ନାହିଁ।

ଏହି ସବୁ ଟଙ୍କା ବ୍ଲକ୍‌କୁ ଫେରାଇ ଦେବା ତାଙ୍କର ମୁଖ୍ୟ ଅଭିଯୋଗ ରହିଛି । ଅନ୍ୟ ପକ୍ଷରେ ଆଗାମୀ ୧୮ତାରିଖ ଦିନ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯିବା ବୋଲି ନିଷ୍ପତ୍ତି ନିଆଯାଇଥିଲା । ନିର୍ବାଚନମଣ୍ଡଳୀର ପ୍ରାୟ ୧୦ ହଜାର କଂଗ୍ରେସ କର୍ମୀ ଜିଲ୍ଲାପାଳ କାର୍ଯ୍ୟାଳୟ ଘେରିବେ ବୋଲି ଦଳ ପକ୍ଷରୁ ସୂଚନା ମିଳିଛି। ତୁରେକେଲା ବ୍ଲକ ସଭାପତି ବାଳକୃଷ୍ଣ ସେଲମା , କୋଷାଧ୍ୟକ୍ଷ କାର୍ତିକ ପୁଟେଲ , ବଙ୍ଗୋମୁଣ୍ଡା ବ୍ଲକ ସଭାପତି ଗୁରୁଚରଣ ବେହେରା , ବ୍ଲକ ଅଧ୍ୟକ୍ଷା ନୋମିନି ତଥା ସମିତି ସଭ୍ୟ ଭୋଳନାଥ ବେହେରା ,ବ୍ଲକ ଉପ ଅଧ୍ୟକ୍ଷ ନାରାୟଣ ଜୈନ ଓ ମୁରିବାହଲ ବ୍ଲକ ରେ କଂଗ୍ରେସ ଯୁବା ନେତା ଅମିତ ସିଂ ସାଲୁଜା ଙ୍କ ନେତୃତ୍ୱରେ ଏହି ଧାରଣା ଦିଆ ଯାଇଥିବା ବେଳେ ହରେକୃଷ୍ଣ ସାଗରିଆ, ୧୧ଯୋନ ଜିଲ୍ଲା ପରିଷଦ ସଭ୍ୟ କୌଶିକ ମେହେର,ସମିତି ସଭ୍ୟ ପ୍ରମୋଦ କୁମାର ମହାପାତ୍ର, ସୁଦାମ ବେହେରା, ମୁକେଶ ବେହେରା ,ଲଳିତ ଭଇଁଷାଲ, ପୂର୍ଣ୍ଣଚନ୍ଦ୍ର ମାଝୀ, କୁଳଦୀପ ବେହେରା, ଯୁଧିଷ୍ଠିର ସିପକା ପ୍ରମୁଖ ଉପସ୍ଥିତ ଥିଲେ ।

(ରିପୋର୍ଟ / ଆନନ୍ଦ ମୋଟେ)