16-Jan-2023

ସୁବର୍ଣ୍ଣପୁର : ଜ଼ିଲ୍ଲା ଉନ୍ନୟନ ପ୍ରଦର୍ଶନୀ, ପଲ୍ଲିଶ୍ରୀ ମେଳା ଓ ନୃତ୍ୟ ଗୀତ ର ମହାପାର୍ବଣ ସୁବର୍ଣ୍ଣ ଲୋକ ମହୋତ୍ସବ ୨୦୨୩ ର ଆଜିର ତୃତୀୟ ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମ ଉଦଘାଟିତ ହୋଇ ଯାଇଛି l ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଓଡିଶା, ଜ଼ିଲ୍ଲା ସଂସ୍କୃତି ପରିଷଦ ଓ ଜ଼ିଲ୍ଲା କଳା ସଂସ୍କୃତି ସଂଘ ସୁବର୍ଣ୍ଣପୁର ଦ୍ୱାରା ଶ୍ରୀ ରାମେଶ୍ୱର ଷ୍ଟାଡିଅମ ଠାରେ  ବର୍ଣ୍ଣlଢ୍ୟ  ପରିବେଶ ରେ ଆୟୋଜିତ ଆଜି ତୃତୀୟ ଦିବସ ରେ  ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ସୁପାର ଠେଲା ଯୋଗ ଦେଇ ଜିଲ୍ଲା ତଥା ଓଡିଶା ର ବିକାଶ କଥା କହି ହକି ଓ ସୁବର୍ଣ୍ଣ ମହୋତ୍ସବର ଆୟୋଜନରେ ଆମ ଜିଲ୍ଲା ଓଡିଶା ରେ ରେକର୍ଡ ସୃଷ୍ଟି କରିବ ବୋଲି ମତ ରଖିଥିଲେ l ସମ୍ମାନୀତ ଅତିଥି ଭାବରେ ସୋନପୁର ପୌରାଧ୍ୟକ୍ଷା ତାମସୀ ତାମସ୍ମିତା ନାୟକ, ତରଭା ଏନ ଏ ସି ପୌରାଧ୍ୟକ୍ଷା ବନ୍ଦିତା ନାୟକ, ବିନିକା ଅଧ୍ୟକ୍ଷ ସୁବାଷ ଭୁଏ  ଯୋଗ ଦେଇ ସୁବର୍ଣ୍ଣପୁର ରେ ଆୟୋଜିତ ଏହି ମହୋତ୍ସବ ପଡିଆ ଭୁବନେଶ୍ୱର ପ୍ରଦର୍ଶନୀ ପଡିଆ ଠାରୁ କିଛି କମ ନୁହେଁ ବୋଲି ପ୍ରଶାସନ କୁ ପ୍ରଶଂସା କରିଥିଲେ ଏବଂ ଆଗାମୀ ଦିନରେ ଏହାର ଭିତ୍ତିଭୂମି, ବିକାଶ ଓ ସୌନ୍ଦର୍ଜୀକରଣ ପାଇଁ ଜିଲ୍ଲାର ସବୁ ବିଭାଗ, ଜନସାଧାରଣଙ୍କ ପୂର୍ଣ୍ଣ ସହଯୋଗ ଜରୁରୀ ବୋଲି ମତ ରଖିଥିଲେ l ପୁରୀର ଗୋଟି ପୁଅ ଓ ସୋନପୁର ବ୍ଲକର ଓଡିଶୀ ନୃତ୍ୟ,  କନ୍ଧମାଳର ଆଦିବାସୀ ନାଚ, ରାୟଗଡା ଢେମସା, ସମ୍ବଲପୁର ରଙ୍ଗ ଫରୁଆ, ବରଗଡ କଳାଜିବୀ, ଡୁଙ୍ଗୁରିପାଲି, ବିନିକା, ତରଭା ବ୍ଲକ କଳାକାରଙ୍କ ସମ୍ବଲପୁରୀ ନାଚ ଗୀତ ରେ  ବିଳମ୍ବିତ ରାତି ଯାଏ ଅଗଣିତ ଦର୍ଶକ ଖୁବ ମଜା ନେଇଥିଲେ l ଏସପି ଶ୍ରୀ ପଣ୍ଡା, ଏ ଡି ଏମ ସୂର୍ଯ୍ୟ ନାରାୟଣ ଦାଶ, ଉପ- ଜିଲ୍ଲାପାଳ ଡ଼ଃ ଈପସିତା ପ୍ରିୟଦର୍ଶନୀ ମିଶ୍ରଙ୍କ

ପ୍ରତ୍ୟକ୍ଷ ତତ୍ୱାବଧାନ ଓ ବିଡ଼ିଓ ସୋମ୍ୟ ରଞ୍ଜନ ସ୍ୱାଇଁ, କ୍ରୀଡା ଅଧିକାରୀ ଅଭିଳାଷ ପୁରୋହିତ, ସଂସ୍କୃତି ଅଧିକାରୀ ଯମୁନା ପ୍ରାଧାନ, ବିଭାଗର  ଦୁଃଖିଶ୍ୟାମ ସେଠି, ନିରାକାର ନାଏକ, ଓ ସାଂସ୍କୃତିକ କମିଟିର ଲଡ଼ୁ କିଶୋର ମଲ୍ଲିକ, ଦେବାଶିଷ ପଟ୍ଟନାୟକ ପ୍ରମୁଖ  ସମସ୍ତ ସଦସ୍ୟଙ୍କ ମିଳିତ ସହଯୋଗରେ କାର୍ଯ୍ୟକ୍ରମକୁ ସଫଳ କରାଯାଇଛି l ସଭା କୁ ବିଦ୍ୟlପତି ପଣ୍ଡା ପରିଚାଳନା କରିଥିବା ବେଳେ ସାଂସ୍କୃତିକ କାର୍ଯ୍ୟକ୍ରମକୁ ମାନଭଞ୍ଜନ ମିଶ୍ର ପରିଚାଳନା କରିଥିଲେ l