02-Dec-2020

ରେଢ଼ାଖୋଲ, (ଅନିଲ କୁମାର ପୃଷ୍ଟି) - ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ତ୍ରିବଣପୁର ହାଇସ୍କୁଲ ଛକ ଠାରେ  ଦୁଇ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ତିନି ଜଣ ଆହତକୁ ରେଢ଼ାଖୋଲ ଡାକ୍ତଖାନାରେ ଭର୍ତି କରି ଚିକିତ୍ସା କରାଯାଇଥିବା ବେଳେ  ଜଣେ ଗୁରୁତର ଆହତଙ୍କୁ ବୁର୍ଲା ଡ଼ାକ୍ତରଖାନାରେ ଭର୍ତ୍ତି କରାଯାଇଛି l

ସୂଚନଯୋଗ୍ୟ ଯେ କଦଳିଗଡ଼ ପଞ୍ଚାୟତ ଆମ୍ବାଝରି ଗ୍ରାମର ଉପେନ୍ଦ୍ର ନାୟକ , ଲିଟୁନ୍ ପ୍ରଧାନ ଓ ସୋନପୁର ଜିଲ୍ଲା ସୁବଳୟା ଥାନା ଗରିଆମୁଣ୍ଡ ଗ୍ରାମର ଆଜାଦ ନାଏକ ଗୋଟିଏ ବାଇକ୍ ରେ କୁକୁଡ଼ବହଲି ଗ୍ରାମକୁ କ୍ରିକେଟ୍ ଖେଳିବାକୁ ଆସି ଘରକୁ ଫେରୁଥିଲେ , ଅନ୍ୟ ଏକ ବାଇକରେ ସନକଷିବହାଲ୍ ଗ୍ରାମର ସୁବାଷ ଚନ୍ଦ୍ର ପ୍ରଧାନ କେନ୍ଦୁପତ୍ର ବିଭାଗର ଚେକର୍ ରେଢ଼ାଖୋଲ ପଟରୁ ନିଜ ଗ୍ରାମକୁ ଯାଉଥିବା ବେଳେ ବୁଲାନି ଥିବାରୁ ଉଭୟ ବାଇକ୍ ମୁହାମୁହିଁ ଧକ୍କା ହୋଇଥିଲା । ରେଢ଼ାଖୋଲ ଅଗ୍ନିଶମ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ରେଢ଼ାଖୋଲ ଡାକ୍ତରଖାନାରେ ଭର୍ତ୍ତି କରିଥିଲେ ।