01-Dec-2022

ନବରଙ୍ଗପୁର:-ଓଡ଼ିଶା  ସରକାର  ଗ୍ରାମ୍ୟ ଉନ୍ନତି ମୂଳକ କାର୍ଯ୍ୟ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ।କିନ୍ତୁ ଦୁଃଖର ବିଷୟ  କିଛି ଅସାଧୁ ଠିକାଦାର  ଓ କିଛି ଅସାଧୁ  ଯୋଗାଣ ସହାୟକ ଙ୍କ ଯୋଗୁଁ ସରକାରୀ ଙ୍କ ଉନ୍ନତି ମୂଳକ କାର୍ଯ୍ୟକାରୀତା ଯୋଜନା ରେ ଆସୁଥିବା ଅର୍ଥ କୁ  ହେରଫେର କରି  ଦୁହେଁ  ହୋଉଛନ୍ତ ମାଲେମାଲ। ଏପରି ଅନେକ ଏନ୍ ଆର୍ ଜିଏସ୍ କାର୍ଯ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ମେଦନା ପଞ୍ଚାୟତ ଠାରେ। ଏହି ମେଦନା ପଞ୍ଚାୟତ ଠାରେ  ଟ୍ରେଞ୍ଚ୍ ଖନନ , ନଳକୂପ ରେ ଲିଚ୍ ପିଟ  ନିର୍ମାଣ, ଶୈଚାଳୟ ନିର୍ମାଣ ଗୁଡିକ ବହୁ ନିମ୍ନ ମାନର କାମ ହେଇଥିବା ଦେଖିବାକୁ ମିଳିଛି। ଏହି ମେଦନା ପଞ୍ଚାୟତ ରେ କାର୍ଯ୍ୟରତ ଥିବା ଯୋଗାଣ ସହାୟକ ସ୍ୱପ୍ନା ସାଗରିୟା ଙ୍କ ନାଁ ରେ ବହୁତ ଗୁଡ଼ିଏ ଅଭିଯୋଗ ମଧ୍ୟ ଗ୍ରାମବାସୀମାନେ କରି ଆସୁଛନ୍ତି। ପଞ୍ଚାୟତର ଯୋଗାଣ ସହାୟକ ସପ୍ତାହ ମଧ୍ୟରେ ଦୁଇ ବା ତିନି ଦିନହି ପଞ୍ଚାୟତ କାର୍ଯ୍ୟାଳୟ କୁ ଆସନ୍ତି ବୋଲି ଆଲଚନା ହେଉଛି ସ୍ଥାନୀୟ ଞ୍ଚାଳରେ। କାମଗୁଡିକୁ ନ ଦେଖି ବା କାମ ଚାଲିଥିବ ସ୍ଥାନକୁ ନଯାଇ କେବଳ ଥରେ ହି ପରିଦର୍ଶନ କରି ଠିକାଦାର ମାନଙ୍କ ଠାରୁ ମୋଟା ଅଙ୍କରେ ପାଉଣା ନେଇ ସବୁ କାର୍ଯ୍ୟ ଗୁଡ଼ିକ  କାଗଜ କଲମରେ ହି କରାଯାଇଥାଏ ଏହି ପଞ୍ଚାୟତ ରେ । ଏହି ପଞ୍ଚାୟତର ଥିବା ମାଳିଗୁଡା ଗ୍ରମରେ ଦୁଇ ଟି ଅତି ନିମ୍ନ ମାନର ଟ୍ରେଞ୍ଚ୍ ଖନନ କରାଯାଇଛି ତାହା ମଧ୍ୟ ଜେସିବି ମିସିନ ସାହାଯ୍ୟରେ। ସରକାର ଙ୍କ ଗାଇଡ ଲାଇନ ଅନୁଯାୟୀ ଟ୍ରେଞ୍ଚ୍ ର ଗଭୀରତା 3 ଫୁଟ ଓ ଅସାର 4 ଫୁଟ ରହିବା କଥା କିନ୍ତୁ ଏଠାରେ ସବୁ

ଓଲଟା। ଏଠାରେ ପ୍ରତ୍ୟେକ ସରକାରୀ କାମ ଗୁଡିକ ଶ୍ରମିକ ବଦଳରେ ମିସିନ ସାହାଯ୍ୟରେ କରାଯାଉଥିବା ଦେଖିବାକୁ ମିଳିଛି।ମାଳିଗୁଡା ଗ୍ରମରେ ଲୋକେ ଜାଣିବା ଆଗରୁ ବିନା ସୂଚନା ଫଳକ ରେ ମେସିନ ଲଗାଇ କାର୍ଯ୍ୟ ଶେଷ କରାଯାଇଛି। କାର୍ଯ୍ୟ ଶେଷ ର କିଛି ଦିନ ପରେ ସୂଚନା ଫଳକ ଲଗାଇ ଯୋଗାଣ ସହାୟକ ଓ ଠିକାଦାର ଙ୍କ ମଧୁଛନ୍ଦ୍ରିକା ରେ ବିଲ୍ ପ୍ରସ୍ତୁତ କରିଥାନ୍ତି। ଏସବୁ ବିଷୟରେ ବ୍ଲକ ପ୍ରଶାସନ ଜାଣି ମଧ୍ୟ ଅଣଦେଖା କରୁଛି ସିଧାସଳଖ କହିବକୁ ଗଲେ ଧୃତରାଷ୍ଟ୍ର ସାଜିଛି ବ୍ଲକ ପ୍ରଶାସନ ତେଣୁ ଏହାର ଜିଲ୍ଲାସ୍ଥାରୀୟ ତଦନ୍ତ ହେବା ଆବଶ୍ୟକ ରହିଛି ।

ରିପୋଟ ମିହିର ଶଙ୍କର ପାତ୍ର, ନବରଙ୍ଗପୁର