31-Oct-2022

ବଲାଙ୍ଗିର, ବଲାଙ୍ଗୀର ପବ୍ଲିକ ସ୍କୁଲ ପରିସରରେ ରାଷ୍ଟ୍ରୀୟ ଏକତା ଦିବସ ପଳିତ ହୋଇଯାଇଛି । ଭାରତର ପ୍ରଥମ ଉପପ୍ରଧାନମନ୍ତ୍ରୀ ତଥା ଗୃହମନ୍ତ୍ରୀ ଲୌହମାନବ ସର୍ଦ୍ଦାର ବଲ୍ଲ୍‌ଭଭାଇ ପଟେଲଙ୍କ ଜନ୍ମ ଦିନକୁ ସାରା ଭାରତରେ ରାଷ୍ଟ୍ରୀୟ ଏକତା ଦିବସ ଭାବେ ପାଳନ କରାଯାଇଥାଏ । ଏହି ଦିବସ ପାଳନ ଅବସରରେ  ସ୍କୁଲର ଅଧ୍ୟକ୍ଷା ସରିତା ପଟ୍ଟନାୟକଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ବିଦ୍ୟାଳୟର ଉପାଧ୍ୟକ୍ଷ ସତିଶ ପ୍ରଧାନ, କ୍ରୀଡା ଶିକ୍ଷକ ହରେକୃଷ୍ଣ ନାଏକ ଓ ଶିକ୍ଷକ ସତ୍ୟନାରାୟଣ ଦାଶ ପ୍ରମୁଖ ନିଜର ବକ୍ତବ୍ୟ ପ୍ରଦାନ କରିଥିଲେ । ସଭା ପରେ ଏକ ବିଶାଳ ରେଲି ସହର ପରିକ୍ରମା କରିଥିଲା । ଏଥିରେ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ସାମିଲ ହୋଇଥିଲେ । ଆଜିର ସଭା ଓ ରେଲି ସଫଳତାର ସହ ସମାପନ ହୋଇଥିବାରୁ ପରିଚାଳନା ସମିତିିର ସଭାପତି ବୀରେନ୍ଦ୍ର ମିଶ୍ର, ସଂପାଦକ ଗୋପାଳକୃଷ୍ଣ ସିଂଦେଓ, କୋଷାଧ୍ୟକ୍ଷ ଆଲୋକ ରଂଜନ ବେଦବାକ, ସମ୍ମାନିତ ସଦସ୍ୟ ଶିରୀଶ ଚନ୍ଦ୍ର ହୋତା, ସଂଜୀବ ସାହୁ ଓ ବାଦଲ ମହାକୁଡ ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ।